هو اية اويل سيل الكرنك دة

**YHYAKOTB** · 16-03-2013 01:15 AM

اية ااويل سيل الكرنك دة وشكلة اية ووظيفتة بالظبط وجوان كرتيرة الزيت هل الاقى منو واسعار الحاجات دى اية ؟ العربية فيليشيا

**EL DEEB** · 16-03-2013 02:55 AM

في نوعين من اويل سيل الكرنك ده في اويل سيل امامي وده بيكون ورا الطمبوره الي عليها سير الدينمو والتكييف وكده وده بيمنع خروج الزيت الي بيزيت عمود الكرنك من المكان ده وفي اويل سيل خلفي الي عليه الاسطوانه والديسك او الي داخل على الفتيس وبرضه فايدته منع خروج الزيت من المكان ده وده بيتم تغييره في حاله وجود زيت من مكانه ويفضل تجيب انضف نوعيه موجوده علشان تريح دماغك وجوان الكرتيره موجوده اكيد ولو مش موجود في ناس بتعمل جوانات ممكن واحد يعملهولك وسعر الاتنين لا يتعدى 50 جنيه يا باشا و يفضل انك تجيب الجوان من انك تعمله علشان تكون مريح دماغك من نظافه الي بيعمل الجوان ده ماهر ولا لا علشان كده حاول لو ملقتهوش بسهوله حاول ومتستسهلش وتعمله وخلاص عند اي واحد

ارجو ان اكون قد افدتك

**YHYAKOTB** · 16-03-2013 10:04 AM

الف شكر على الافادة اصلى لقيت سير الدينامو مليان زيت اسود شبة الشحم والجمب بتاع الموتور الى ناحية الدينامو غرقان زيت والكبوت من فوق زى نقط صغيرة اوى كانك راششها
كمان من ناحية الجمب التانى ناحية الدراع بتاع الدبرياج كام نقطة شحم ونازلة على المقص كمان والسكاتر
والميكانيكى قالى على الاويل سيل دة قولت اسأل

والزيت بتاع عمود الكرنك دة زيت فتيس ولا اية ؟

**sakr_skoda** · 16-03-2013 10:15 AM

المشاركة الأصلية كتبت بواسطة yhyakotb

الف شكر على الافادة اصلى لقيت سير الدينامو مليان زيت اسود شبة الشحم والجمب بتاع الموتور الى ناحية الدينامو غرقان زيت والكبوت من فوق زى نقط صغيرة اوى كانك راششها
كمان من ناحية الجمب التانى ناحية الدراع بتاع الدبرياج كام نقطة شحم ونازلة على المقص كمان والسكاتر
والميكانيكى قالى على الاويل سيل دة قولت اسأل

والزيت بتاع عمود الكرنك دة زيت فتيس ولا اية ؟

الديب ربنا يجزيه خير رد عليك بالتفصيل عن موضوع اللوسيهات والجوان....

عم يحيى زيت الكارنك دا هو زيت الموتور اللى بنحطة فى العربية دا حتى الكرنك بيبقى اقرب شئ لكارتيرة الزيت يعنى بياخد من الكارتيرة مباشر....

**sakr_skoda** · 16-03-2013 03:00 PM

المشاركة الأصلية كتبت بواسطة yhyakotb

الله يخليك ياعم صبحى طب الاويل سيل التانى دة الى هو بتاع الفتيس الى قال علية الديب

لالالالالالالالالالالالا بص اخ يحي الكارنك بيركب فى فارغة الموتور وطبعا الفارغة دى فيها مكان لتركيب الكرنك من جهة بيركب طمبورة الدينمو والجهة التانية بيركب فبيها الترس المدير اللى بيحرك الفتيس والعربيه وطبعا علشان نمنع خروج الزيت مت تلك الفتحتين فى الجهتين بيركب اولسيه جلد....

يعنى من الأخر الزيت زيت الموتور اما زيت الفتيس والسية الفتيس دا اللى بيركب فى فتحتى تركيب الكوبلن الداخلى لمنع خروج زيت الفتيس....
واهو كلهم اولسيهات لمنع خروج الزيت

يارب تكون المعلومة وصلت....

**EngAhmedSayed** · 17-03-2013 02:32 PM

المشاركة الأصلية كتبت بواسطة el deeb

في نوعين من اويل سيل الكرنك ده في اويل سيل امامي وده بيكون ورا الطمبوره الي عليها سير الدينمو والتكييف وكده وده بيمنع خروج الزيت الي بيزيت عمود الكرنك من المكان ده وفي اويل سيل خلفي الي عليه الاسطوانه والديسك او الي داخل على الفتيس وبرضه فايدته منع خروج الزيت من المكان ده وده بيتم تغييره في حاله وجود زيت من مكانه ويفضل تجيب انضف نوعيه موجوده علشان تريح دماغك وجوان الكرتيره موجوده اكيد ولو مش موجود في ناس بتعمل جوانات ممكن واحد يعملهولك وسعر الاتنين لا يتعدى 50 جنيه يا باشا و يفضل انك تجيب الجوان من انك تعمله علشان تكون مريح دماغك من نظافه الي بيعمل الجوان ده ماهر ولا لا علشان كده حاول لو ملقتهوش بسهوله حاول ومتستسهلش وتعمله وخلاص عند اي واحد

ارجو ان اكون قد افدتك

111111111111111111111111111111111