لسه جاى من دبى و جالى صدمه حضاريه

**Ahmed_Adham** · 21-03-2013 12:41 PM

المشاركة الأصلية كتبت بواسطة lonedoctor

خد عندك ياسيدى يابتاع الروح الشريرة

(توقفت حركة السير وأصيبت المرور بشكل تام صباح اليوم ، الخميس ، بطريق ” القاهرة – الاسكندرية ” الزراعى أمام مدينة بركة السبع بمحافظة المنوفية بعد إنهيار جزء من الكوبرى العلوى المنشأ حديثا بالطريق الزراعى وبالتحديد فى الاتجاه القادم من مدينة القاهرة إلى الأسكندرية .تلقى اللواء أحمد عبد الرحمن مدير أمن المنوفية اخطارا من اللواء مجدى سابق مساعد المدير للأمن العام يفيد ببلاغ من شرطة النجدة وتأمين الطرق بإنهيار جزء من الكوبرى العلوى بالطريق الزراعى ببركة السبع فى ساعات مبكرة فى صباح اليوم وسقوط كتلة خرسانية من أعلى الكوبرى المنشأ حديثا منذ 5 سنوات تقريبا .

وعلى الفور إنتلقت القيادات الأمنية بقيادة اللواء مجدى سابق ومدير إدارة المرور بالمنوفية لمكان الحادث وتحويل حركة سير الطريق لطريق بديل فى محاولة لتخفيف العبء وتسيير المرور وخاصة فى ساعات الصباح مع خروج الموظفيين لأعمالهم .
الكوبرى ده لامؤخذة فضلوا يبنوا فيه 10 سنين وكنت لما احب ازور الوالد الله يرحمة فى طنطا استغرق 5 ساعات من القاهرة بالسيارة
مانقولش ايه اديتنا مصر انت تاخد وانت ساكت
تقبلوا تحياتى

وبعد ما نظيف افتتحه حصل فيه مشاكل واتقفل ييجي 4 شهور ويمكن أكتر.

**zico707** · 21-03-2013 01:57 PM

انا جتلي الصدمة الحضارية دي من جدة في السعودية ... ما بالك اللي راح أوروبا أو دبي
ربنا يصلح الأحوال ان شاء الله

**MohssenRashed** · 21-03-2013 02:42 PM

المشاركة الأصلية كتبت بواسطة zico707

انا جتلي الصدمة الحضارية دي من جدة في السعودية ... ما بالك اللي راح أوروبا أو دبي
ربنا يصلح الأحوال ان شاء الله

زيك بالظبط لما روحت جده من اللي كنت بسمعة قولت هلاقي بلد صحراء و ناس مش بيفهموا بس الصراحة اتفجأت بالنظافة و النظام

اكتر حاجة عجبتني هناك الاكل الاختيارات كتيرررررررر جداااااااا و الاسعار حلوة جدا و جودة الاكل و النظافة عالية اوي.

**wael30003** · 22-03-2013 01:48 PM

انا بقه رحت منشية ناصر بجد ودخلت جوة جوة لغاية الاماكن اللى المفروض ما يسكنش فيها بنى ادمين

كنا بنوزع شنط جمعية رسالة عرفت ساعتها يعنى ايه فقر

لأنى كنت بسمع عنه

او بيتهيىء الفقر لما الواحد يبقى معاه على قده

بس الحقيقة اسوأ من كده بكتير

ومهما اتكلم ما حدش هيصدق الا لما يشوف

فى مشهد مش هنساه لغاية دلوقتى كنا رايحين مكان فى حدائق القبة بس متواضع جدا برده تبع جمعية رسالة بنوزع

شنط رمضان - انا منت ساعتها متطوع بالتوزيع وفى شباب وشابات غيرى كتير _

المهم دخلنا باب بيت ( عمارة ) مدخله تحت السلم مساحة عرض متر وطول مترين او مترين ونصف وفيه باب تحت السلم وست مسنة عايشة تحت السلم هى دى شقتها

المهم بنديها شنطة فيها ارز وزيت وسمن - مواد تموينية - وعلى ما اظن كيلو لحمة

الشنطة مقفولة من غير ما تشوف ايه اللى فيها والله راحت باستنى من خدى وفضلت تدعى لى ربنا يخليك يابنى ربنا من شدة فرحتها

الشنطة كلها تيجى تفويلة عربية - ساعتهاحسيت ان اجنا فى نعمة كبيرة واحنا مش حاسين بيها - الكلام ده من حوالى 7 سنوات

ودخلنا فناء نفس البيت البيت عبارة عن طرقة طولها حوالى 10 امتار وعرضها 3 امتار وعلى اليمين 5 ابواب = 5 اسر

وعلى الشمال 5 ابواب = 5 اسر

كل اسرة عايشة فى غرفة

ساعتها حسيت ان مبارك ده ربنا سيحاسب حساب عسير امام ربنا فى الموقف العظيم

المشهد ده اتكرر معايا مع الاختلاف فى بعض التفاصيل

فى منطقة 4.5 عزبة الهجانة

و منشية ناصر

وطبع فى اماكن تانية بس كل فرع بيروح الاماكن القريبة منه

الحمد لله احنا فى نعمة كبيرة قوى ربنا يديمها نعمة

**hossam_elwani** · 22-03-2013 10:44 PM

المشاركة الأصلية كتبت بواسطة alexaway

انا معاك ان في ناس عايشة بره وعاجبها البلاستك ومبسوطة , بس في ناس لو طلعت من مصر متعرفش تعيش ولو عاشت بره تفضل تعبانه , ودا اللي انا بقوله , كل واحد يعيش فى المكان اللي يريحه .
وبعدين بلاش تعمم علي كل حاجة وتقول الروح الشريرة اللي فى مصر , يعني انت لو تعبت مش حتلاقي جيرانك واصحابك كلهم جنبك , يا تري دي بقي روح شريرة وبلطجة !!!

السيئه تعم فى الانطباعات .. وانا مش بعمم اغلب شعبنا فقد الاخلاق فى كل حاجه الا من رحم ربى وبالتالى الجو العام بقى كله احقاد وضغائن ونفس تعبانه وربنا يرحمنا

وربنا يهنى الى بيحب مصر بيها