لسه جاى من دبى و جالى صدمه حضاريه

**elgabry1977** · 16-03-2013 08:49 AM

العبد لله لسه جاى من زياره ناس قرايبى فى دبى و قعدت هناك 6 ايام , ذهلت من اللى شوفته هناك من كله, الناس هناك بجد مش هزار سبقانه بحوالى 100 سنه من كل حاجه نظام, نظافه. سواقه ... الخ
انا كل سفرياتى كانت للسعوديه حج و عمره بس
بصراحه انا عمرى ما فكرت اسيب مصر بس بعد اللى شوفته بفكر جديا اسيب البلد و اهج لاننا من سيء الى اسوأ

**ابوحبيبة2010** · 16-03-2013 08:57 AM

الفلوس بتعمل كل حاجة وعدم السرقة وقلة عدد السكان
والله شعب مصر احسن بس هنعمل ايه فى المؤمرات على مصر من الدخل والخارج

**mastr_n** · 16-03-2013 11:10 AM

انا ليا واحد صاحبى مش عايز ينزل اجازة بيقولى مابعرفش اسوق العربية فى مصر

**Land_Cruiser** · 16-03-2013 11:22 AM

و لا أي اندهاش .. سيبك من الفلوس حتي لكن علي الاقل عندهم أمن

**hossam_elwani** · 16-03-2013 11:30 AM

المشاركة الأصلية كتبت بواسطة elgabry1977

العبد لله لسه جاى من زياره ناس قرايبى فى دبى و قعدت هناك 6 ايام , ذهلت من اللى شوفته هناك من كله, الناس هناك بجد مش هزار سبقانه بحوالى 100 سنه من كل حاجه نظام, نظافه. سواقه ... الخ
انا كل سفرياتى كانت للسعوديه حج و عمره بس
بصراحه انا عمرى ما فكرت اسيب مصر بس بعد اللى شوفته بفكر جديا اسيب البلد و اهج لاننا من سيء الى اسوأ

عندك حق اذا كان انا عندى صدمه حضاريه من الصور والفديوهات ما بالك انت على الطبيعه

المشاركة الأصلية كتبت بواسطة ابوحبيبة2010

الفلوس بتعمل كل حاجة وعدم السرقة وقلة عدد السكان
والله شعب مصر احسن بس هنعمل ايه فى المؤمرات على مصر من الدخل والخارج

مش متفق معاك ليه لان الحضاره والنظام والنظافه اخلاق وارادة شعب بالكامل واحنا للاسف

المشاركة الأصلية كتبت بواسطة mastr_n

انا ليا واحد صاحبى مش عايز ينزل اجازة بيقولى مابعرفش اسوق العربية فى مصر

الى بيسوق فى مصر يسوق فى اى حته فى العالم ....... والى بيسوق فى اى حته فى العالم مايعرفش يسوق فى مصر

**ايمن محمود محمد ابراهيم** · 16-03-2013 05:11 PM

انا بقى زرت قريب واحده من دول الإتحاد الأوروبى،
بدون مبالغة والله لما جيت مصري حسيت اننا عايشين جوا صفيحة زبالة

**lonedoctor** · 16-03-2013 05:40 PM

انا سايب مصر من 12 سنة وعايش الحمد لله فى مكة وفى حى شعبى جدا كمان بدات احس انه فيه حاجة غلط فى البلد من سنة 2009 وفى 2010 اقتنعت تماما انه مصر موش بلد دى عبارة عن حديقة حيوانات ومن 2011 لااستطيع سواقة السيارة اكتر من 3 كيلو حول محيط المنزل الذى اسكن فيه فى المعادى وذلك للصلاة وشراء الخبز والفاكهة اما مازاد على ذلك فلا مفر من ركوب تاكسى مهما كانت التكلفة
سلم لى على البلطجية واصحاب القهاوى ومحلات الكاوتش اللى استولت على الشوارع والارصفة ولم تترك اى شئ للمواطن الغلبان الشريف--ربنا يكون فى عونك يامرسى
تقبل تحياتى

**Mohab.Nabil** · 16-03-2013 10:20 PM

المشاركة الأصلية كتبت بواسطة ابوحبيبة2010

الفلوس بتعمل كل حاجة وعدم السرقة وقلة عدد السكان
والله شعب مصر احسن بس هنعمل ايه فى المؤمرات على مصر من الدخل والخارج

اختلف مع حضرتك الفلوس مش بتعمل كل حاجة ولا بتشترى اخلاق و لا تفكير صح

و للاسف برضه احنا دايما بنلقى كل حاجة على الغير و نقول مؤمرات من الخارج ، بصراحة احنا لوحدنا كفاية اننا نبوظ البلد و ده اللى حصل فعلا

اول ما شفت رد حضرتك افتكرت موقف حصلى من يومين فى شارع الهرم ، قدام كايرومول ( طبعا كل اللى عارف الهرم عارف يعنى ايه كايرومول ) شاب بـ audi a3 جديدة و شكله ابن ناس و محترم و بياخد اليوتيرن عكسى عادى و اهو ده واحد راكب عربية بربع مليون و هو لسه فى بداية حياته يعنى نقدر نقول انه اكيد متعلم احسن تعليم بس للاسف الاخلاق بقت فى النازل و مبقاش المحترم بالمظهر خالص

**hossam_elwani** · 16-03-2013 11:30 PM

المشاركة الأصلية كتبت بواسطة mohab.nabil

اختلف مع حضرتك الفلوس مش بتعمل كل حاجة ولا بتشترى اخلاق و لا تفكير صح

و للاسف برضه احنا دايما بنلقى كل حاجة على الغير و نقول مؤمرات من الخارج ، بصراحة احنا لوحدنا كفاية اننا نبوظ البلد و ده اللى حصل فعلا

اول ما شفت رد حضرتك افتكرت موقف حصلى من يومين فى شارع الهرم ، قدام كايرومول ( طبعا كل اللى عارف الهرم عارف يعنى ايه كايرومول ) شاب بـ audi a3 جديدة و شكله ابن ناس و محترم و بياخد اليوتيرن عكسى عادى و اهو ده واحد راكب عربية بربع مليون و هو لسه فى بداية حياته يعنى نقدر نقول انه اكيد متعلم احسن تعليم بس للاسف الاخلاق بقت فى النازل و مبقاش المحترم بالمظهر خالص

+1111111111111111111