بحمد الله إشتريت تويوتا أفانزا موديل 2008 بداية يونيو 2008
ولى بعض التساؤلات من المهتمين و بعض الأراء
و نبدأ العمل على بركة الله
بحمد الله إشتريت تويوتا أفانزا موديل 2008 بداية يونيو 2008
ولى بعض التساؤلات من المهتمين و بعض الأراء
و نبدأ العمل على بركة الله
إخترتها لون أحمر ميتاليك
نظراً أن المتوفر منها فقط:
الأحمر - الأبيض - الذهبى - الفضى و كلها ألوان ميتاليك ما عدا الأبيض بالطبع
إخترت فى الأول المانيوال و لكن تأخر التوريد فاخذت الأتوماتيك
و لم أندم على ذلك:v_SPIN:
الف الف مبرووووك على العربية الجديدة
بس ياريت تقولنا رايك فى الثبات؟؟
أولاً شكراً جزيلاً على المرور و السؤال
السيارة عاملة لغاية اليوم حوالى 1800 كم فقط
يعنى أفضل من إستعمال طبيب ( زى ما بيقولو) لأنى تقريباً لاأستعملها طوال الإسبوع لوجود سيارة الشغل
سافرت بها الإسكندرية, السرعة وصلت إلى 150 كم فى الساعة عند الذهاب
السيارة ثابتة على الأرض رغم هذه السرعات, ربما السبب أنها كانت بحمولتها الكاملة 7 أفراد
دخلت بها عند العودة إلى حديقة الحيوانات المفتوحة ( أفريقا ), و كان يوم جمعة و بسبب وقت الصلاة عملت دورتين, طريق ترابى غير ممهد و مرتفعات و منخفضات يعنى خدمة شاقة لمدة أربعة ساعات
وبعد ذلك مشوار العودة بنفس السرعات حسب ضغط الطريق
آسف للإطالة.
الخلاصة العربية ثابتة بشكل جيد خصوصاً إن فى ال1000 أو ال2000 الأولى لابد من العودة لمركز الخدمة لإعادة تربيط العفشة و هذا ما حدث من يومين و الأمور ممتازة فى الوقت الحالى.
الف مبروك وربنا يباركلك فيها
وبعد اذنك عايز اعرف مواصفات السيارة وسعرها عامل كام دلوقتى
أولا ألف مبروك و ربنا يباركلك فيها و يعطيك خيرها و يكفيك شرها
ياريت لو تديلنا تقييم مفصل و دقيق جدا عنها من جميع النواحي من واقع تجربتك ليها
داخل البلد - على الطريق - بالتكييف و بدون - بحمولة ركاب أو بدون -
هل الارتفاع مناسب و يمكنها من دخول المدقات و الطرق الغير ممهدة؟
هل تكون القيادة في الطرق الغير ممهدة مريحة؟ ولا بتبقا العربية عمالة تتنطط زي ما سمعنا؟
أرجو الافادة لأني من المعجبين بالعربية ديه بس من المتخوفين منها برضه من كتر اللي بسمعه هنا
أولا: شكرا على الرد الجميل, جزاكم الله بكل خير و ربنا يبارك لكم فى أموالكم و أولادكم
ثانياً: تجربتى ليست بالفترة الطويلة حتى يمكنكم يا أخوة الخير الإعتماد عليها, و لكن يمكننى أن أشير لعدة نقاط:
1- أنا شخصياً إشتريتها بناءً على نصيحة من متخصصين فى السيارات و خصوصاً فى اليبع و الشراء
2- أهم شئ بالنسبة لى فى قرار الشراء كان عدد الكراسى لأن لدى 5 أولاد و بنات.
3- السيارة تعمل بنظام الدفع الخلفى وليس ( الكبالن )
4- السيارة تجميع أندونسيا تحت إشراف تويوتا اليابان بالطبع
5- داخل البلد - أو على الطريق الدائرى سيان, الثبات يعتمد عل حجم الحمولة وكذلك فى المشاوير الطوالى وهذه نقطة أوضحتها فى الرد الأول
6- بالتكييف و بدون - لم أشعر بالفرق خصوصاً فى طريقى للإسكندرية حيث لم يتوقف التكييف طوال المدة, علماً بأنى لم أتوقف بالطريق أثناء الذهاب سوى فى العامرية للتزود بالوقود.
7- دخول المدقات و الطرق الغير ممهدة - القيادة مريحة بشكل كاف أما موضوع ( إنها بتبقا عمالة تتنطط زي ما سمعت حضرتك ) فهذا صحيح إلى حد ما و لكن يعتمد على ضبط سرعتك, و النزول بها إلى سرعات أبطأ و كذلك الحمولة مهمة فى هذه الجزئية
8- هل الارتفاع مناسب؟ - حسب التعامل معها و أماكن الدخول بها فهى بالتأكيد أعلى من السيارات الأخرى الصغيرة, لكن أقل فى الإرتفاع من الشيروكى مثلاً أو النيسان أو,,,,,
و أخيراً نرجو من المشترين لها أو المجربين لها إفادتنا بشكل علمى و عملى حتى نطمئن أنا و أنت, وهذا هو السبب الحقيقى لفتح هذا الموضوع,,,,
السعر الحالى حسب الإعلانات لأنى لم أسال عنها 112000 جنيه و لكن لم أعرف لأى الموديلات
علماً بأن السعر وقت الشراء فى إبريل 2008
103000 للسيارة الفتيس العادى
110000 للسيارة الفتيس الأتوماتيك
شكرا لحضرتك على الرد
ومبروك مره تانيه
السلام عليكم
معلش يا استاذ mafbadr
اين حديقة الحيوان المفتوحة دى
يعني نروحها ازاي؟
ونظامها ايه في الدخول؟
والرسوم؟ وخلافه ... واى معلومات عنها
ايه الحيوانات الموجودة .... الخ
وانا آسف لو كنت خرجت عن موضوع المشاركة وربنا يبارك لك في سيارتك ويحفظها لك .............
ولا يهمك يا أخى الناس لبعضها
أول شئ هو أن الرسوم الخاصة بدخول هذه الحديقة أو التى تقترب من شكل المحمية هو 150 جنيه مصرى لكل سيارة ملاكى أياً كان نوعها أو عدد الأفراد داخلها
الرسوم كانت لوقت قصير 50 جنيه فقط و لكن عند البوابة فوجئت بالزيادة و لم أستطع التراجع لأنى وعدت الأولاد بهذه الزيارة من سنتين
الموقع على مسافة 165 كم من القاهرة و بعد قرية الأسد ولكن على الناحية الأخرى شمال المتجه من القاهرة للإسكندرية
الحديقة بها عدد معقول من الحيوانات و تم إضافة حيوانات جديدة الشهور السابقة و ربما هذا سبب زيادة الرسوم إلى جانب حاجة جديدة وهى عمل جولة باللنشات فى مجرى نهرى طبيعى لمشاهدة شلالات مياه و بعض الحيوانات فى بيئات طبيعية
ألذ مشهد هو القرود التى يلقى لها العاملين بقطع الطعام فوق السيارات ثم تنطلق فى الأكل و التنطيط فوق السيارات لتصنع جو بهيج جداً يعجب الأطفال و ربما الكبار
المشى داخل الحديقة فى مسار محدد على أرض ترابية ممهدة على شكل مرتفعات و منخفضات و من خلال زراعات كثيفة لخلق جو متناسب مع المحمية الحديقة
الحيوانات منطلقة على سجيتها و خصوصاً الغزلان و يمكن التصوير معها و ملاعبتها ,,,, و يمكنكم المشاهدة بأنفسكم
الف مبروك علي العربية بس حضرتك مقؤلتلناش تساؤلاتك عنها
وهل هي مش متوفر منها الازرق والاخضر
الألوان المتوافرة فقط
الأخضر و الفضى و الذهبى ( وكلها ميتاليك و لم تعجبنى, تحس إنها ألوان باردة و إن كان الفضى أفضلهم )
الأحمر ميتاليك أيضاً و قد أعجنى جداً و كذلك الأولاد
و أخيراً اللون الأبيض و هذا لا خلاف عليه و مشكلته فقط فى الأجواء المعروفة فى القاهرة
أما أول سؤال لى للأخوة الخبراء بالتويوتا عموماً حول أفضل مركز خدمة قريب للهرم حيث أسكن
و كذلك أريد تركيب شبكة للسيارة لأن من عيوب الأفانزا عدم وجود شنطة, فى حال إستكمال العدد و خصوصاً فى السفر فلابد من وجود شبكة, فماذا أفعل
يافندم لا يسعني الا ان اقول ليك..
ربنا يباركلك فيها.. و في اولادك..
و في اسلوبك الراقي جدا و العملي جدا جدا.. و المتحضر جدا جدا جدا..
الف مبروك علي العربية...وربنا يباركلك فيها وفي اسرتك...
الف الف مبروك و ربنا يحفظهالك
و شكرا للتقييم المحترم :)
جزاكم الله خيراَ على المرور الكريم و التعليقات الجميلة
و نقطة جديدة
تكييف الأفانزا و توزيعه بطريقة جيدة جدا
حتى إن الجالسين فى المقعد الخلفى لديهم نفس الأجواء
دونما تأثير على سحب السيارة أو سرعتها إلخ
يمكنكم مشاهدة صورة توزيع التكييف
الصورة المرفقة:
4 فتحات للتكييف من الأمام ( بخلاف الفتحات التى بالدواسة )
مع مفاتيح تحكم يدوية أمامية.
3 فتحات من أعلى, عن طريق مجارى جانبية لنقل الهواء المكيف
مع تحكم كامل من الخلف للإتجاهات و الزوايا و درجة التكييف
بالطبع من خلال مفاتيح التحكم الرئيسية و ليست منفصلة عنها
http://www.nilemotors.net/Nile/attac...1&d=1218963464
رحت لورشة فى الحرفيين ( الدويقة ) علشان أركب إكصدام معدنى زى الماتريكس لأن أولاد الحلال قالوا لى لايوجد فى السوق إكصدامات لهذا الموديل ( الأفانزا )
وللأسف إتدبست فى صاحب ورشة سئ جداً فى المواعيد و الإنتظام, لدرجة إنى رحت له أكثر من خمس مرات منهم مرة صليت الفجر هناك
وإستحملت لأنه صنايعى ممتاز, قالولى , ولأنه مؤدب جداً
ولكن النتيجة سيئة جداً وإضطريت أركب و أدفع لأن الواسطة بينى و بينه كان بالفعل دفع!!!
و الآن أطلب المساعدة فى إصلاح ما صنعه هذا الدعى
فهل من مساعد
اعمله صاج...
أنا عندي الصنايعي اللي ممكن يعملهولك كأنه بالظبط زي الفابريكة...
شوف الموضوع ده
http://www.nilemotors.net/Nile/showt...7+%E3%ED%E4%C7