شداية مع السيراااتو و الفانتازيا !!

**abo_lamar** · 16-03-2013 03:22 PM

احمد ربنا انك لسه عايش .... صدقني يا صاحبي الشد و الغرز ده مع كامل احترامي لحضرتك وانا اسف اني بقول الكلمة دي بيدل على ... ؟؟؟ ولا بلاش الطيب احسن ههههههههههههههه .

**esam_ayad** · 16-03-2013 03:24 PM

حلوه الشدايه دي يا برنس
والأحلي الروح الحلوه اللي كانت بينكم

**SAMEH_FOUAD** · 16-03-2013 03:28 PM

والراجل هيكدب لية بس , هو قال انة سبق فيرارى

دية فانتازيا وسيراتو , وكلنا عارفين اخر السيراتو اية والفانتازيا اية

سيراتو ادائها كالتالى :

من 0-40 كويس

من 40 الى 80 تعباان

من 80 الى 130 كويس

من 130 الى 170 ضعيفة

من 170 الى 195 يامسهل يارب

**monamize4** · 16-03-2013 03:46 PM

يارب الموضوع مايقلبش بخناقة
الراجل بيحكى موقف حصل معاه , اللى شايف ان فيه حاجة مش منطقية ياريت يقول بس باسلوب محترم و نتناقش عادى زى الناس المتحضرين

**أحمد كمال** · 16-03-2013 03:52 PM

المشاركة الأصلية كتبت بواسطة monamize4

يارب الموضوع مايقلبش بخناقة
الراجل بيحكى موقف حصل معاه , اللى شايف ان فيه حاجة مش منطقية ياريت يقول بس باسلوب محترم و نتناقش عادى زى الناس المتحضرين

الناس المتحضرين في بلد زي الامارات مثلا ده اسمه تجاوز الحد الاقصى للسرعة المسموحة باكثر من 60 كيلومتر في الساعة و ده عقوبته 12 نقطة سوداء على الرخصة + 1000 درهم + حجز السيارة لدى المرور لمدة 30 يوم

الغرز و الكلام الجميل ده بقى كمان بيضيف الى المخالفة عقوبة اخرى و اسمها "قيادة المركبة بصورة تشكل خطرا (التسابق على الطريق)" و دي عقوبتها 12 نقطة سوداء + 2000 درهم + حجز السيارة 30 يوم

طبعا ده لو ما تسببش في حادث او قتل لان ساعتها الموضوع هيوسع اوي و مش موضوعنا الصراحة

بس على الوضع المذكور اعلاه يكون اجمالي العقوبة 24 نقطة سوداء مما يعني الغاء رخصة القيادة لتجاوز الحد الاقصى المسموح للنقاط السوداء + 3000 درهم (5640 جنيه) + حجز السيارة شهرين

بس طبعا احنا في مصر طرقنا (بالذات الزراعي) و عوامل الامان عندنا و السيارات كمان احسن مليون مرة من الامارات عشان كده عادي جدا ان احنا نقلب الزراعي لحلبة ناسكار و نعمل اللي احنا عايزينه لمجرد اثبات التفوق النوعي لاحدى السيارات على اخراها و من غير مخالفات و لا كلام فاضي من ده

و طبعا في الاخر لو العربية جرالها حاجة او تسببت في اذى لسيارة اخرى او مواطن اخر هيبقى مرسي هو السبب و هيتحسبن عليه للصبح

Over and out

**أحمد كمال** · 16-03-2013 03:52 PM

http://www.dubaipolice.gov.ae/dp/jsp...ode=INF_BNK_21

**أحمد كمال** · 16-03-2013 03:54 PM

المشاركة الأصلية كتبت بواسطة elakawy

احمد ربنا انك لسه عايش .... صدقني يا صاحبي الشد و الغرز ده مع كامل احترامي لحضرتك وانا اسف اني بقول الكلمة دي بيدل على ... ؟؟؟ ولا بلاش الطيب احسن ههههههههههههههه .

هو حر يموت نفسه ...... المشكلة انه كان ممكن برضه يبقى لسه عايش ....... و فيه واحد تاني عربيته تتدمر أو يموت أو يعيش بقية عمره على كرسي بعجل .........

الطريق العام مش حلبة سباق