الموضوع: شداية مع السيراااتو و الفانتازيا !!

المشاركة الأصلية كتبت بواسطة monamize4

احتمال حضرتك مفهمتش قصدى كويس , انا مش بدافع الشد و الغرز و طبعا مش محتاج اقول على اضرار الموضوع دا لان كلنا عارفين , لكن انا قولت بالنص ( اللى شايف ان فيه حاجة مش منطقية ياريت يقول بس باسلوب محترم) لان المشكلة ان فى ناس اسلوبها ف النصيحة مش اد كدة و انا مش هقتبس مقولات بعض الاعضاء المحترمين عشان الموضوع مش شخصنة و عشان كلنا اخوات هنا فا بلاش نحسس اللى بيحب يجرى بعربيتة او يشد مع حد تانى انه كفر
و بعدين متنساش ان مش كل اللى بيجرى بعربيتة متهور او عبيط لان فى ناس منهم عندهم تقدير للموقف يعنى مش بيجرى و خلاص فأى مكان , و لما بيلاقى الظروف متسمحش مابيعملش كدة غير انه بيعرف يتصرف لو لاقدر الله حصل حاجة
تصدق بأيه ؟ انا ممكن ابقى راكب مع حد من النوع اللى بيجرى بس عارف هو بيعمل ايه و ابقى مطمن عن انى ابقى راكب مع واحد ملتزم مش بيعرف يتعامل ع الطريق او يتصرف لو لاقدر الله حصل حاجة و خصوصا ان اللى حواليك مش ملتزمين
ربنا يستر علينا كلنا

اعذرني على فهمي الغلط للبوست بتاعك


و مهما كان التقدير للموقف ........ الجري على 190 و التسابق مع سيارات اخرى على الزراعي ما ينفعش اساسا .......


فيه physics ....... و فيه قوانين بتقول انت محتاج كام متر عشان تقف و انت على سرعة كام ........ مهما كانت قوة فرامل عربيتك و حرفنتك في السواقة ........ مش افل من 300 متر عشان تقف و انت على 140 لو راكب عربية متوسطة الحجم كمان ....... تخيل على 190 بقى ......


يعني لو واحد بياخد الغرزة عشان يتسابق لقى قدامه عربية عطلانة و لا بتغير فردة كاوتش ....... على ما يقف هيكون رشق فيه اساسا


فيه كمان قاعدة معروفة


ان وقت التوقف بالعربية بيكون 3 مراحل

Perception - Reaction - Braking

يعني انت الاول بتدرك انك محتاج تفرمل ....... بتاخد حوالي ثانية ........

بعدين بتتفاعل مع الموقف بانك تشيل رجلك من البنزين و تحطها على الفرامل ...... دي ثانية كمان


و بعدين تفرمل ........


الثانيتين الاولانيين دول لو انت ماشي 100 ....... هتكون قطعت حوالي 55 متر اساسا .......

لو ماشي 190 هتكون قطعت 105 متر ......... احنا كل ده لسه ما فرملناش و لا اتكلمنا في "حرفنة" الفرملة و لا "تكنولوجيا" فرامل العربية ........ 105 متر انت قطعتهم على ماخدت بالك و نقلت رجلك


تعالى بقى للفرملة نفسها ......... مهما كانت تكنولوجيا العربية عشان تفرمل على 190 تفتكر محتاج كام متر؟




بلاش الله يكرمكم الكلام بتاع واحد واثق و واحد حريف و الكلام ده لانه علميا مالوش اي معنى اساسا ......... كمية التحرك momentum بتاعة العربية مش هتروح في الهوا !