جهاز قياس ضغط الدم

**yaserbasha2000** · 16-03-2013 02:04 PM

عندي جهاز قياس زئبقي في البيت بس التدريج الزجاج اتكسر و انا اصلا كنت بأعاني من القياس بالسماعه مع الجهاز

فلو عايز اجيب حاجه ديجيتال هل هي عمليه ودقيقه (لاني سمعت ان بالذات في الضغط الحاجات دي مش دقيقه) و لا اصلح اللي عندي و خلاص

يا ريت اصحاب الخبره يفيدوني

**hany63** · 16-03-2013 02:52 PM

حضرتك جهاز اومرون omron جهاز معصم و جربته بالتوازي مع الزيبق ادى نفس القرايه
حضرتك توكيله خلف ميريديان هيليوبليس و خد العنوان و التليفون من جوجل و اكتب omron egypt
و هات موديل R3 معايا بقاله مده و زي الفل و بالشفا العاجل

**أبو صلاح** · 16-03-2013 06:27 PM

الاجهزة الالكترونية كلها غير دقيقة
وتقريبا انا جربت كل الانواع لان عندي شوية مشاكل في الضغط ممكن يقعد ينفخ ويهوي نص ساعة وبدون نتيجة اصلا

الدكتور اصلا بيقعد يقيس اكتر من مرة

مفيش افضل من الزئبقي

**hany63** · 16-03-2013 07:12 PM

المشاركة الأصلية كتبت بواسطة أبو صلاح

الاجهزة الالكترونية كلها غير دقيقة
وتقريبا انا جربت كل الانواع لان عندي شوية مشاكل في الضغط ممكن يقعد ينفخ ويهوي نص ساعة وبدون نتيجة اصلا

الدكتور اصلا بيقعد يقيس اكتر من مرة

مفيش افضل من الزئبقي

الف سلامه على حضرتك
كلامك صح من الناحيه النظريه
بس هتقيس لنفسك ازاي بالزئبقي و هل تعرف تاخده معاك الشغل مثلا؟
حضرتك انا عندي الضغط من ٢٠ سنه و باستعمل الماركه دي من ١٥ سنه و كل مره اروح للدكتور باخده اشوف بيه بعد الدكتور ما يخلص و لو دخلت على النت هتلقى انه موصي به لانه اكتر جهاز متطابق مع الزئبق و الجهاز على فكره غالي مش رخيص و معدي ال ٥٠٠ جنيه
تحياتي

**yaserbasha2000** · 16-03-2013 07:59 PM

المشاركة الأصلية كتبت بواسطة hany63

حضرتك جهاز اومرون omron جهاز معصم و جربته بالتوازي مع الزيبق ادى نفس القرايه
حضرتك توكيله خلف ميريديان هيليوبليس و خد العنوان و التليفون من جوجل و اكتب omron egypt
و هات موديل R3 معايا بقاله مده و زي الفل و بالشفا العاجل

الف شكر ليك

**mero100** · 16-03-2013 10:35 PM

المشاركة الأصلية كتبت بواسطة hany63

حضرتك جهاز اومرون omron جهاز معصم و جربته بالتوازي مع الزيبق ادى نفس القرايه
حضرتك توكيله خلف ميريديان هيليوبليس و خد العنوان و التليفون من جوجل و اكتب omron egypt
و هات موديل r3 معايا بقاله مده و زي الفل و بالشفا العاجل

+1

جهاز محترم و دقيق ... ياباني .

و الشركه دي لها سمعتها الطبيه في الاجهزه الطبيه علي مستوي العالم .

**mero100** · 16-03-2013 10:47 PM

المشاركة الأصلية كتبت بواسطة أبو صلاح

الاجهزة الالكترونية كلها غير دقيقة
وتقريبا انا جربت كل الانواع لان عندي شوية مشاكل في الضغط ممكن يقعد ينفخ ويهوي نص ساعة وبدون نتيجة اصلا

الدكتور اصلا بيقعد يقيس اكتر من مرة

مفيش افضل من الزئبقي

ليا تجربه و رأي بعد اذن حضرتك :-)

اولا : مبقاش فيه حاجه اسمها جهاز زئبقي في امريكا و اوروبا و الدول المتقدمه .

ثانيا : لازم الجهاز الزئبقي يتم معايرته كل فتره و الا اعطي نتائج خاطئه تودي في داهيه .

ثالثا : حدث لزوجتي ان جالها صداع شديد و قمنا بالذهاب لدكتور استشاري في احد المستشفيات و قاس الضغط باستخدام الجهاز الزئبقي و اعطي 160 علي 100 و اساسا احنا عارفين ان ضغطها الطبيعي 100 علي 70 و ده باستمرار ...... و اوصي بحبايه دواء بتوطي الضغط ... و انا اصريت علي ان الجهاز بتاع الدكتور مش مظبوط .. و دخلنا صيدليه كبري و تم قياس الضغط بجهاز ديجتال و اعطي 100 علي 60 و تم اخذ علاج نقط ايفورتيل لرفع الضغط و تم التحسن بصوره كبيره الحمد لله .

و من يومها قمت بشراء جهاز قياس الضغط الديجتال .

فأرجو ألا تعتمد نهائيا علي الجهاز الزئبقي الا في حاله انه ملكك و بتعرف تقيس به و بتقوم بمعايرته في الوقت اللازم .

اما في المستشفيات و الصيدليات ف أؤكد لك ان القياس بيكون غير دقيق .

**أبو صلاح** · 17-03-2013 01:31 AM

المشاركة الأصلية كتبت بواسطة hany63

الف سلامه على حضرتك
كلامك صح من الناحيه النظريه
بس هتقيس لنفسك ازاي بالزئبقي و هل تعرف تاخده معاك الشغل مثلا؟
حضرتك انا عندي الضغط من ٢٠ سنه و باستعمل الماركه دي من ١٥ سنه و كل مره اروح للدكتور باخده اشوف بيه بعد الدكتور ما يخلص و لو دخلت على النت هتلقى انه موصي به لانه اكتر جهاز متطابق مع الزئبق و الجهاز على فكره غالي مش رخيص و معدي ال ٥٠٠ جنيه
تحياتي

اولا انا زوجتي والحمد لله طبيبة
والجهاز موجود عندنا

وقبل ما اتجوز كنت بدخل كل فترة صيدلية اثق فيها واقيس الضغط بجنيه وكل فترة اروح مكان تاني للتأكيد فقط

ده بخلاف الطبيب اللي المفروض بتابع معاه

**sas5** · 17-03-2013 09:40 AM

السلام عليكم ورحمه الله
منذ كام شهر ذهبت الى الدكتوره التى انا متابع معاها وقسنا الضغط بالجهاز الزئبقى الموجود فى العياده الخارجيه اعطى نتيجه غريبه - انتظرنا دقائق وتم القياس مره اخرى نفس الموضوع.
ذهبنا الى العنايه المركزه تم القياس بحهاز مختلف ووجدنا طبعا القياس الطبيعى .
انا لدى اومرون منذ سنوات والجمدلله انا مستريح معه.
ومن خلال متابعتى للاطباء وجدت ان الجهاز الديجتال بعض الاحيان يوجد به فروق مابين 3% الى 5% واعتقد ان هذه نسبه طبيعيه تختلف بسبب طريقه ووقت القياس والحاله النفسيه للمريض.
الاختلافات فى القياس تزيد فى الجهاز الذى فى المعصم عن الجهاز الذى يقيس فى الكوع من فوق

**hany63** · 17-03-2013 11:06 AM

المشاركة الأصلية كتبت بواسطة أبو صلاح

اولا انا زوجتي والحمد لله طبيبة
والجهاز موجود عندنا

وقبل ما اتجوز كنت بدخل كل فترة صيدلية اثق فيها واقيس الضغط بجنيه وكل فترة اروح مكان تاني للتأكيد فقط

ده بخلاف الطبيب اللي المفروض بتابع معاه

كده تمام بالنسبه لحضرتك
انما اللي ممعاهوش دكتور في البيت جهاز المعصم اسهل
ولاحظ اني ذكرت ماركه معينه مجربها من ٢٠ سنه و لا اثق في اي جهاز تاني و بالصدفه كام عضو برضه معاهم اومرون
والدتي ربنا يرحمها كان معاها جهاز اللي كان يقيس بيه كان يجيب له الضغط رغم ان ماركته براون انما كان احلى تخريف

الموضوع: جهاز قياس ضغط الدم

LinkBack

أدوات الموضوع

عرض

جهاز قياس ضغط الدم - انشر الموضوع فى :

-

-

-

المواضيع المتشابهه

الي خبراء اجهزة قياس السكر في الدم

احترس من اعلان اجهزة قياس ضغط الدم فى اهرام الجمعه

جهاز قياس ضغط الدم الالكتروني

جهاز قياس نسبة السكر فى الدم

جهاز قياس السكر في الدم.........one touch ultra 2 جديد بكرتونته

الكلمات الدلالية لهذا الموضوع

المفضلات

المفضلات

ضوابط المشاركة