زي عنوان الموضوع كده
البداية اني اشتريت اوبترا 2007 عامله 50000 كيلو (الكلام ده في شهر 12). اول ما اشترتها عاملت الصيانة والسرفيس بالكامل وغيرت زيت شيل 10000 كيلو وزيت الفتيس والسيور وخلافه ..
المهم من فترة كده لاقيت العربية بتدور بصعوبة ولما بتدور بلاقي لمبة التشيك والهولد منورين والعربية مبرجلة .. رحت لكهربائي حطها على الجهاز ملاقاش حاجة (وده لاني بطلت العربية واستنيت الدور بتاعي ولما دورت كانت كل حاجة طبيعية) ومشيت ورحت للميكانيكي بتاعى وكشف عليها بالجهاز برضة ملاقاش حاجة
ويوم الخميس اللي فات نفس الموضوع بالظبط بس كانت مش عايزة تدور الا لما سندت بنزين ( وطبعا العربية مبرجلة واللمبات منورة) كلمت الميكانيكي بتاعي وتليفونه مقفول لغاية ما وصلت لميكانيكي تحت البيت عندي وقولتله عامل حاجة في الانجكشن واللمبة قفلت سألت عامل ايه قاللي الانجيكجن كان واخد هواء ؟؟؟ انا مفهمتش يعني ايه
واتفقت معاه يوم الجمعة نغير الزيت وفلتر الينزين لان الزيت كان عامل زي المياه والعربية صوتها عالي قوي بمعنى ان الزيت اللي محطوط من 3 شهور مضروب (انا مشيت حوالي 1500 كيلو بس على الزيت ده)
رحت شارع دمشق اشتريت ليكوي مولي 4100 اشتريت 4 لتر ب 300 جنيه وفلتر زيت وفلتر بنزين وفلاش للموتور (لاني كنت قلقان من الزيت ابن التيييييت اللي محطوط) ومنظف للبوابة وبدئنا شغل الساعة 4.30 تقريبا خلصنا الساعة 7 بالليل وطبعا بعد تنظيف البوابة اللمبة التشيك نورت ورحنا لواحد بالجهاز شال الايرور والدنيا بقت زي الفل
الخلاصة : كله يخلي باله من الزيت والصراحة ليكوي مولي زي الفل وخلي مفيش صوت خالص للموتور والسحب طبعا اختلف
انا قلت مدام اخدت العلقة اخدها للاخر وكان عندي خرم في الشكمان قبل العلبة اللي ورا رحت غيرتها عند واحد جنبنا برضة ب 300 بالتركيب (السعر بعد الواسطة من الميكانيكي)
الحمد لله :018a1d~146: