كام سوال بالنسبة للفوطة الجلد غزال؟

**H.ibrahim** · 05-08-2008 02:47 PM

السلام عليكم ورحمة الله وبركاته
امبارح و انا فى الكارفور اشتريت الفوطة جلد الغزال ( فيلدا ) المانى -ومكتوب عليها انها توضع فى ماء ساخن جدا قبل الاستخدام - فهل هذا فى كل مرة استخدم فيها الفوطة ؟ وبصراحة انا عندى المنطقة متربة جدا و العربية دايما عليها تراب باعملها بالفرشة الزفرة لكن مابتجبيش نتيجة علشان العربية لونها غامق ( احمر مارلبورو ) فهل ينفع انظفها بالفوطة الجلد غزال كل يوم على الناشف بدون ماء ؟ ولا لازم اغرق العربية بالماء وانشفها بيها ؟
اعتذر عن الاطالة و جهلى بهذه الموضوع الذى يجب معرفته منذ قدماء المصريين!
اشكر الجميع على حسن معاملتهم بالمنتدى الكريم .

**H.ibrahim** · 07-08-2008 10:20 AM

هو انا اشتريت حاجة غلط ولا ايه ؟
الظاهر انى حطيت الموضوع فى مكان خطا - ارجو من الادارة التصحيح ياريت حد يرد علشان خاطرى !!!!!!!!!!!!!!!!!!؟؟؟؟؟؟؟
وشكرا

**Amera** · 07-08-2008 10:52 AM

لاء انت مشترتش حاجه غلط ولاحاجه ؛ والفوطه Vielda اللى انت اشترتها دى جميله جدا لتلميع الزجاج وبتجيب نتيجه هايله ومبتسبش اى اثر للفوطه زى بقيه الفوط ؛وبعدين حكاية الميه السخنه دى اول مره بس وانا معملتش زى مامكتوب عليها وعادى خالص بحط ميه عاديه على الزجاج وبلمع بالفوطه ؛وبعد كده لما الفوطه بتتوسخ بغسلها بالمسحوق واسيبها تنشف واستخدمها تانى وتالت ورابع .........................الخ لكن اعتقد انها مش لتلميع جسم العربيه لانها هتبقى تقيله فى تلميع جسم العربيه .

**mkhalifa73** · 07-08-2008 10:52 AM

صباح الخير
اظاهر ان انا زيك تماما
ايه بقي حكايه الفوطه جلد الغزال دي ومين اللي قالك عليها اصلا وانت جبتها بكام
انا كنت سمعت قبل كده عن فوطه اسمها ميكرو فايبر علي ما اذكر هي دي

**Amera** · 07-08-2008 11:34 AM

بالنسبه لجسم العربيه يبقى تستعمل اللماعه اللى بيد لازاله التراب من على العربيه ؛ وعلى فكرة انا عربيتى لونها اسود وما ادراك اللون الاسود واد ايه التراب بيبان فيه فلازم اغسل العربيه مره كل اسبوع وباقى ايام الاسبوع بلمعها باللمعانه من التراب بس ؛
والزجاج بلمعه زى ماقولت سابقا . والفوطه دى على مااذكر بـ 10 جنيه .

**Karim_Monir** · 07-08-2008 12:01 PM

الفوطة فعلا افضل استخدام ليها تحطها في مية سخنة جدا جدا اول مرة وتعصرها عصرة واحدة وخلاص
الفوطة دي لتنظيف الزجاج لانها مش بتسيب اثر على الزجاج
او تنشف بيها العربية في التلميعة الاخيرة
لكن للتلميع اليومي لازم تجيب فوطة كويسة تلمة التاراب او المساحة ام ايد طويلة

**H.ibrahim** · 11-08-2008 08:32 PM

السلام عليكم ورحمة الله وبركاته

karim_monir

الفوطة فعلا افضل استخدام ليها تحطها في مية سخنة جدا جدا اول مرة وتعصرها عصرة واحدة وخلاص
الفوطة دي لتنظيف الزجاج لانها مش بتسيب اثر على الزجاج
او تنشف بيها العربية في التلميعة الاخيرة
لكن للتلميع اليومي لازم تجيب فوطة كويسة تلمة التاراب او المساحة ام ايد طويلة

Amera

؛وبعدين حكاية الميه السخنه دى اول مره بس وانا معملتش زى مامكتوب عليها وعادى خالص بحط ميه عاديه على الزجاج وبلمع بالفوطه

انا فعلا استخدمت الفوطة طبقا لنصيحة اخونا كريم منير واختنا اميرة و هى فعلا طريقة فعالة ومريحة جدا و اثرها بيبان فورا و احب اضيف حاجة عملتها ولاقيت ليها نتيجة مفيدة جدا و هى انى كل يوم بخلى البواب يرش العربية بالخرطوم بتاع الجنينة عندنا و بدل مايلمعها بالحتة الزفرة بخليه ينشف العربية بالفوطة الجديدة ويعصرها ويكمل تنشيف بصراحة شكل العربية بيبقى مختلف بعد التلميع بالفوطة دى بحس انها رجعت تلمع كان العربية لسه زيرو لدرجة ان اصحابى فى الشغل افتكرو انى ملمع العربية فى الكاركير و كلهم بداو يفكرو فى موضوع الفوطة الجلد غزال بعد لما شافوا النتيجة اليومية للتنظيف بيها , احب اشكر كل من ساهم بوقته وجهده لتقديم معلومة مفيدة للناس بالمنتدى .
و اشكر جميع القائمين على منتدنا العظيم ( جزاهم الله خيرا )

**morabet79** · 12-08-2008 04:47 PM

جبتها من اي قسم في كارفور؟

**H.ibrahim** · 13-08-2008 06:23 PM

من قسم ادوات و مستلزمات السيارة هناك بالكارفور (المعادى)وخلى بالك لان فيه كذا نوع باسعار مختلفة .

-

الموضوع: كام سوال بالنسبة للفوطة الجلد غزال؟

LinkBack

أدوات الموضوع

عرض

كام سوال بالنسبة للفوطة الجلد غزال؟ - انشر الموضوع فى :

-

-

-

-

المواضيع المتشابهه

هو فيه غزال في البحر ؟؟؟؟؟

سوال لا اهل الخبرة بالنسبة للفرامل

جلد غزال

غزال 1 - أول سيارة سعودية

سوال بالنسبة لرش العربية دوكو

الكلمات الدلالية لهذا الموضوع

المفضلات

المفضلات

ضوابط المشاركة