الموضوع: محتار جدا لشراء سيارة

المشاركة الأصلية كتبت بواسطة Nashaat Rady

طبعا الفلوس حاكمانة في الموضوع ده.... انا برشح لانوس في الظروف اللي زي ده وقطع غيارها عند البقال...

و انت بتقول انك حاتبيع آخر السنة، ان شاء الله. عربية مش بطاله، سباتها رايح في سوتميت داهية و ما فيهاش ريحة الأمان، بس عملية جداً للجيب...و هذا هو المطلوب للتسعة شهور القادمين و تبيع في نفس اليوم اللي تعرضها فيه.... بس اهم حاجة تستنضف.

الأهم الأهم، انك تستخير الله.

المشاركة الأصلية كتبت بواسطة midofarh

بيجو405 ايرانى 2007 45 الف جنيه حاله ممتازه هخلص فيها بكرا لنسيبى

المشاركة الأصلية كتبت بواسطة sewefy

جيب فيرنا وانته مطمن تكيف حلو عربيه بتاعت سفر وحركات اعطالها مفيش وفرق مش بعيد عن الاكسنت

المشاركة الأصلية كتبت بواسطة dr-a.7.m.a.d

فيرنا
قطع غيار عند البقال
اعطال قليلة جدا
أي حد بيفهم فيها و موتورها قوي و تكييفها ممتاز بما إن حضرتك باين عليك مهتم ب موضوع التكييف
دا غير انها ممتازة ف إعادة البيع و عمرك ما تخسر فيها

المشاركة الأصلية كتبت بواسطة S O P H O S

انا راي مدام مش بتجري اكتر من 120
يبقي الفيرنا فيه كل الي حضرتك بتقول عليها
دور علي حالة نظيفة وتوكل علي الله ..

المشاركة الأصلية كتبت بواسطة shaaban2008

طب هيلاقي فيرنا ب 42 الف ؟؟؟؟

المشاركة الأصلية كتبت بواسطة AlGazar2

ارشحلك لانوس او نوبيرا
قطع غيار عند البقال - بتتباع بعد ما تعرضها بنصايه - ممكن تصلحها بنفسك بعد كورس ال 128 فى الميكانيكة و الكهرباء - تكييف جامد جدا - عربيه تستحمل البهدلة جامد - ممكن تكسب فيها لما تبيع و ثباتهم كويس و خصوصا النوبيرا و فراملهم بتوقفهم

و ممكن فيرنا بس معتقدش هتلاقى حاله نضيفه ب 42 غير ان اغلب الى سايقنها شباب بيطلعوا عين امها
و ثباتها رايح فى داهيه و فراملها كذلك و ماتورها شديد اوى عليها ( عيب فيها على فكره مش ميزه)

شكرا يا شباب علي المساعدة

انا كده قدامي فيرنا او لانوس او اكسنت
الحالة النضيفة هي اللي هتحدد ان شاء الله
انا اسبعدت البيجو عشان بطيئة في بيعها و النوبيرا عشان ضخمة اوي و خصوصا اني رفيع و قصير ( مش هبان جواها )

بس ايه الفرق بين الفيرنا و الفيفا ؟