طريقة فك قطمة الدركسيون بالكامل بالتفاصيل والصور
الاول قبل ما اشرح طريقة الفك
لازم انوة الى ان دة جزء من عملية فك وتفوير صالون السيارة بالكامل من اجل عزل صدر وارضية العربية بالارما فليكس الايطالى (عزل حرارة وصوت)
وان فى مراحل متعددة وحاجات كتير فكيتها
عشان فى الاخر وصلت للمرحلة دى بدون اى صنايعى ما يحط ايدة فى العربية
http://nileup.com/up/uploads/nilemotors_13634524831.jpg
واول موضوع عملتة كان دة
http://www.nilemotors.net/Nile/340764-_2-a.html
وان شاء اللة خلال شهر مارس الحالى هرفع باقى المواضيع بالتفاصيل والشرح والصور وهى بالترتيب كالاتى
عمل فلتر للتكييف داخلى وخارجى
فك تابلوة الاضاءة
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة
وبالموضوع دة ابقى عملت 2 من اصل 11 موضوع
ربنا يسهل وهرفعهم باذن اللة
نخش على الشغل بقى
اول حاجة بنفك مسامير الفبر اللى قافل على قطمة الدركسيون
ونتابعها بالصور
http://nileup.com/up/uploads/nilemotors_13634591561.jpg
http://nileup.com/up/uploads/nilemotors_13634591562.jpg
http://nileup.com/up/uploads/nilemotors_13634591563.jpg
http://nileup.com/up/uploads/nilemotors_13634591564.jpg
http://nileup.com/up/uploads/nilemotors_13634591565.jpg
وبعد كدة بنحرر الفيش اللى راكبة فى الدركسيون وكمان بتاعة الكلاكس ومتخافش من ترتيبهم لما تيجى تركب لان مفيش فيشة بتركب مكان التانية
http://nileup.com/up/uploads/nilemotors_13634591566.jpg
http://nileup.com/up/uploads/nilemotors_13634591567.jpg
http://nileup.com/up/uploads/nilemotors_13634591568.jpg
http://nileup.com/up/uploads/nilemotors_13634591569.jpg
وبعدين نفك الكرسى بتاع السواق ونطلعة برة العربية خالص ودى حاجة بسيطة فمش محتاجة شرح هما كلهم 4 مسامير 12
نيجى بقة لقطمة الدركسيون نفسها
اولا هيا ممسوكة ب 3صواميل 12
2 فى صدر العربية من تحت
ودة مكانهم
http://nileup.com/up/uploads/nilemotors_13634604891.jpg
ومسمار فى نهاية القطمة تحت خالص
http://nileup.com/up/uploads/nilemotors_13634604892.jpg
واخيرا ارخم صامولة فيهم (الرخمة بنت الرخمة بنت الرخم )
وفى الشرح هتعرفوا انا مسميها كدة لية
دة منظر لعمود الدركسيون من تحت
http://nileup.com/up/uploads/nilemotors_13634604893.jpg
ودة شكلها وانا مصورها والكاميرا فى عمق التابلوة من الداخل
http://nileup.com/up/uploads/nilemotors_13634604894.jpg
الاول هتفك الصامولتين دول نص فكة (يعنى متفكهمش للاخر)
http://nileup.com/up/uploads/nilemotors_13634604891.jpg
وبعدين هتفك المسمار دة خالص وخلى بالك مش هيتفك الا بلقمة 12 او مفتاح مشرشر عشان مكانة صعب شوية
http://nileup.com/up/uploads/nilemotors_13634606631.jpg
وبعدين نخش على الصامولة الرخمة
الاول لازم تكون نايم على ضهرك فى الدواسة
وانا هشرح كل المحاولات اللى عملتها عشان محدش يتسحل زييي ويقعد يحاول محاولات فاشلة
هتشتغل عميانى (بالتحسيس يعنى) لانك مش هتعرف تشوف الصامولة كويس
وهتدخل ايدل من ناحية دواسة الدبرياج
الاول جربت افكها بمفتاح 12 ناحية وناحية بس كانت المشكلة كالتالى
http://nileup.com/up/uploads/nilemotors_13634612931.jpg
قلت اجرب افكها بمفتاح 12 مشرشر وكانت المشكلة كالتالى
http://nileup.com/up/uploads/nilemotors_13634612932.jpg
فقلت يبقى مفيش غير بيبة 12 بس بردة كانت المشكلة كالتالى
http://nileup.com/up/uploads/nilemotors_13634612933.jpg
طبعا انا مش مجرد ما حطيت المفتاح وجربت لقيتة مش نافع رحت راكنة وجايب غيرة
انا فضلت احاول من اليمين واحاول من الشمال واشوف اى مكان المفتاح دة او دة او دة ممكن يدخل منة لدرجة ان انا فضلت احاول لمدة ساعة كاملة لحد ما دراعى وقف وزهقت فطلعت برة العربية وقعدت على الرصيف وقعدت افكر
مهو اكيد فى حتة عدة بتفك الصامولة دى مش معقولة يعنى الخواجة ربطها وقالها (روحى انتى مش هتتفكى)
قلت بس مفيش غير طقم اللقم اللى عندى هوة اللى هيجيبها
http://nileup.com/up/uploads/nilemotors_13634615691.jpg
ركبت لقمة 12 والتطويلة المناسبة ليها على المفتاح السستيم ودخلت تانى نايم على ضهرى واحاول واحاول واحاول
المشكلة كانت ان اللقمة 12 مش راضية تعشق فى الصامولة خالص
قلت طيب اجرب اللقمة لوحدها بدون تطويلة والمفتاح السستيم
جربتها لقيتها ركبت زى الفل وعشقت
طلعت اللقمة وركبت فيها التطويلة وقلت اعشقها وبعدين اركب فيها المفتاح السستيم
مش راضية تعشق خالص مع الصامولة
طلعت اللقمة تانى والتطويلة وبصيت لهم وبعدين حاولت ابص على الصامولة
ففهمت المشكلة
المشكلة كانت ان الصامولة مربوطة على مسمار طولة حوالى 3 سم فلازم يكون فية فراغ فى اللقمة 3سم عشان المسمار يخش فيهم واللقمة توصل للاخر وتعشق
http://nileup.com/up/uploads/nilemotors_13634618301.jpg
وطلعت تانى قعدت برة العربية افكر وافكر
طب وبعدين
مهو اكيد فية طقم لقم عمق الخرم اللى فى نص اللقمة يسمح للمسمار انة يعدى منها عشان اللقمة تعشق فى الصامولة
يعنى اية يعنى
اروح اشترى طقم لقم بمبلغ وقدرة عشان افك صامولة
ولا اروح زى التلميذ الفاشل اللى معرفش يعمل الواجب لاى ميكانيكى اقولة ييجى يفكلى صامولة12
اهو دة اللى ناقص
وبعدين قعدت مع نفسى خمسة وتذكرت انة لما كانت حاجة تعصلج معايا قوى وتصعب عليا كنت بقول حديث للنبى علية الصلاة والسلام وربنا يسهلها معايا
(اللهم لا سهل الا ما جعلتة سهل وانت تجعل الحزن ان شئت سهلا)
ولميت العدة اللى انا شغال بيها وقعدت ابصلها كدة ثم لمعت فى ذهنى فكرة انى اعمل اللقمة اللى انا عايزها
رحت جايب اللقمة 12 وقطعتها بالصاروخ نصفين
وبعدين جبت النص العدل وقعدت اكل منة بشكل مضلع على الصاروخ بتاعى عشان يطلع عندى فى الاخر راس للقمة يركب عليها مفتاح 10 وتتخطى كل العيوب اللى كانت فى المفاتيح التانية
http://nileup.com/up/uploads/nilemotors_13634621781.jpg
وبعد ما خلصت وجربت كان لازم انى اعمل العمق اللى انا عايزة 4 سم عشان المسمار يعدى فية واللقمة تعشق على الصامولة
فجبت الشنيور ومسكت اللقمة بالبنسة القفش وطولت العمق بتاع اللقمة عشان تعشق على الصامولة
http://nileup.com/up/uploads/nilemotors_13634621782.jpg
ودى التفاصيل عشان تفهموا انا قصدى اية
http://nileup.com/up/uploads/nilemotors_13634621783.jpg
http://nileup.com/up/uploads/nilemotors_13634621784.jpg
http://nileup.com/up/uploads/nilemotors_13634621785.jpg
وسميت باسم اللة ودخلت تاتى العربية ونمت على ضهرى وشبطت اللقمة على الصمولة لقيتها عشقت
ركبت مفتاح عشرة ناحية وناحية ركبت
قلت الحمد للة
وفكيت الصامولة (الرخمة بنت الرخمة بنت الرخم)
وبعدين اتعدلت وانا قاعد فى العربية
وفكيت المسمارين اللى كنت فكيتهم نص فكة فى الاول بايد والايد التانية ماسكة الدركسيون من تحت عشان ميقعش
بعد ما هتفك الدركسيون مش هيطلع معاك علطول لان نهاية قطمة الدركسيون حتة مبططة بتخش حشر فى المكان دة
http://nileup.com/up/uploads/nilemotors_13634628241.jpg
هتشد القطمة كلها بالعقل لبرة لحد ما تحررها
ودة كان الشكل النهائى
http://nileup.com/up/uploads/nilemotors_13634628242.jpg
وربنا يسهل الايام اللى جاية واقدر ارفع باقى المواضيع
وبكدة يبقى انا عملت موضوعين من اصل 11 موضوع بالصور والشرح
نسيت حاجة بسيطة خالص
قبل ما تفك لازم يكون العجل الامامى عدل (فى وضع مستقيم)
ربنا يسهل
واى استفسار انا حاضر
مصطفى حسن
العاشر من رمضان