حد يعرف معارض بتقسط مستعمل بس تقسيط مباشر مش مع بنك ؟؟
أنا لقيت معارض كده بس بيحطوا نسبة فايدة تقريبا 18% فى السنة وده كتير أوى بصراحة ..
لو حد يعرف حاجة أحسن من كده يا ريت يدلنا عليها ..
عرض للطباعة
حد يعرف معارض بتقسط مستعمل بس تقسيط مباشر مش مع بنك ؟؟
أنا لقيت معارض كده بس بيحطوا نسبة فايدة تقريبا 18% فى السنة وده كتير أوى بصراحة ..
لو حد يعرف حاجة أحسن من كده يا ريت يدلنا عليها ..
اه ياريت يا جامعه لو حد يعرف حاجه يقولنا ويبقى عمل جميله معانا
الاخ احمد حمدى
ممكن تقولنا على المعارض دى والى حد يلاقى معرض تقسيط مستعمل يقول بياناته ونظامة عشان كل الناس تستفيد وصاحب الشأن يقرر يشترى بالنسبه دى ولا لأ احسن ما اى حد يلجأ للبنوك لانه مش لاقى والله المستعان
يارب افرجها ويسرها لكا من يتحرى الحلال
السلام عليكم ورحمة الله
الحمد لله الذي بفضله تتم الصالحات
انا عندي خبر كويس , بفضل الله لقيت معرض عربيات بيبيع عربيات مستعملة وعربيات كسر الزيرو بالتقسيط ( بس كل الموديلات اللي عنده من سنة 2000 واحدث لغاية موديلات 2007 , وماعندوش غير حظر بيع فقط بس هو بيحط شروط في الدفع
من % 65 ال % 75 من ثمن العربية دفعة مقدمة ( علي حسب الشخص اللي متقدم للشراء ) , والباقي علي سنة واحدة فقط بفايدة % 10 من المبلغ المتبقي
المعرض ده موجود في 56 عمار بن ياسر , خلف سور الكلية الحربية
تليفون المعرض : 26242454
انا رايح النهاردة اشوف عربية عنده , ادعوا لي ربنا يوفقني.
يارب الحل ده ينفعكم ويكون مناسب ويجنبنا الربا والوقوع فيه
سبحانك اللهم وبحمدك , اشهد ان لا اله الا انت , استغفرك واتوب اليك
مفيش بيع مستعمل بالتقسيط ولا ايه؟
وبعدين موديلات 2000 والباقى على سنه هيبقى القسط كبير
لآده مش كويس. وشكرا طبعا لمجهودك.
ياريت يا جماعه لو حد يعرف معارض تقسط مده اطول ومقدم بسيط شويه يقول والله يجزيه كل خير
ربنا يوفقك يا استاذ احمد
بس ياريت لما ترجع من المعرض تقولنا ايه نظام الاسعار بالظبط و التقسيط
بوسي
يا باشا المبلغ اللي بتدفعه في الاول ده اكيد ده تمن العربيه والباقي ده مكسبه من وراها يعني لو عربيه ب40 الف حيقولك دي ب50 غير الفوايد اللي حيحطها ولما تدفع 75% من ال 50 حتلاقي نفسك بيتضحك عليك لان المستعمل ملهوش سعر ثابت
هات اي حاجه علي قد فلوسك وربنا يباركلك فيها
اللي يدفعه 25 الف مقدم في عربيه قسط ومستعمله يبقي هاتلك عربيه ولما تحوش باقي المبلغ بيعها وكمل علي تمنها وعلي الاقل حتعرف تنام مرتاح
مش حتنام وعليك ديون كمان دي عربيات فوق سنه 2000 يعني برضه موديلات مش رخيصه وفي الاخر حتلاقي ان الفرق بسيط جدا 5 او 10 الاف بين المقدم اللي حتدفعه وبين انك تشتري العربيه كاش
وربنا يوفقك