الموضوع: حطيت زيت فيسكو 5000

ألف مبروك على التغيير يا عمرو باشا..أنا فعلا لما عبيته مكنتش بشوفه على المقاس لدرجة إني افتكرته وقع :)

بس للأسف قعد معايا 1900 بس وملقيتش نقطة على المقاس واللمبة نورت تقريبا لأني استعملت الفلاش فبهدل لي الدنيا من جوا المكنة لانو حامي والله اعلم.

انا عاوز اغير لفيسكو 5000
بس ايه موضوع الفلاش ده ؟؟؟؟
ده قبل ولا بعد وايه مووضوع انه حامى واستخدمه صح ازاى
اصلى بصراحه حاسس انى تايه

المشاركة الأصلية كتبت بواسطة mero100

استخدمت زيت فيسكو 5000 5w-40 و اشتريته من محطه كارجاس ألماظه ب 250 جنيه .

كنت بستعمل موبيل 1 و عربيتي حاليا مشيت 35000 كم بالموبيل 1 .. و قررت التغيير بعد استشاره مستشارنا / محمد ممدوح .

دخلت خدمه العملاء بالمحطه و سألت علي الزيت و لقيت الناس فاهمه كويس .. و اتكلمنا عن التخليقي و المعدني و الفروق بينهم و الانسب لكل عربيه .. و كلموني عن ال فيسكو 3000 و ال فيسكو 5000 .. و مدير خدمه العملاء قاللي : تقدر تعتمد علي فيسكو 5000 لغايه 25000 كم .... طبعا انا ضحكت و قولتله لأ كفايه 10000 كم .
و نصحني

بعدممممم

اجراء موضوع الفلش ( flush ) ...لسببين :
1- لاني حغير من تخليقي لتخليقي .
2- اذا لم يتم عمل الفلش بصوره دقيقه و سليمه حيبوظ الدنيا .
3- سألته بخصوص تغيير درجه اللزوجه و هل ليها تأثير ضار علي الموتور .. لان الموبيل 1 لزوجته 5w-50 و ال فيسكو 5w-40 و أكد لي انه لا يوجد فرق ملحوظ بين الدرجتين و ان درجه الفيسكو مناسبه للاجواء المصريه ..

عرفت ان كلامه صح و راجل فاهم لانه قال نفس كلام مدير الصيانه في التوكيل .

الملاحظات :
1- حاليا ماشي بيه حوالي 250 كم .. اول يومين مكنتش شايفه علي مقاس الزيت .
2- اليوم .. بدأ يبقي لونه اصفر و يبان علي المقاس .
3- من ناحيه هدوء صوت الموتور .. ف أعتقد مفيش فرق ملحوظ في السلانسيه لو فتحت الكبوت و تابعت الصوت .. لكن فيه تحسن في السحب و هدوء في صوت الموتور علي السرعات .. دي حاجه لمستها بنفسي .

و جاري المتابعه :-)

بعتذر لجميع الااعضاء عن خطأ املائي ممكن يكون غير المعني كتير .... لاني كنت اقصد : بعدم اجراء موضوع الفلش .... و لكن كلمه (بعدم ) اتكتبت ( بعد ) .... و طبعا غيرت المعني لذا لزم التنويه و التصحيح .
و بكرر اعتذاري .

المشاركة الأصلية كتبت بواسطة a7med.7assan

معلش اعزرنى انا كنت ادابى (: مفهمتش اوى
حضرتك تقصد بلاش موضوع الفلش يعنى؟ ولا ضرورى نعمله؟؟
وبعدين انا كنت عند محمد عبده من فتره وقالى المره اللى جايه لما تيجى تغير الزيت هنبقى نغسل الماتور بالفلش بيفوق المكنه...بس انا قريت عن الفلش ده فى كذا منتدى وناس كتير خوفتنى منه.

وبعدين فيسكو ده كويس فعلا ..انا اهم حاجه عندى يهدى صوت الماتور بيهديه فعلا بقه ولا ايه.

ياريت ترد عليه بسرعه انا هغير زيت النهرده او بكره والعريبه عمله 40 الف كم والزيت اللى كان فيها ليكوى مولى ال 5000

بلاش الفلش .

زيت فيسكو مبيتحرقش بسرعه و حاسس بتحسن ملحوظ في السحب . و بالنسبالي هدوء صوت المكنه ممكن أقدره في حدود 30 % مثلا .

و انا كنت متخوف من التغيير و لكن غيرت بعد نصيحه أ/محمد ممدوح و أ/ طارق علاء .

و اتناقشت في موضوع زيت فيسكو مع الفنيين بمكتب خدمه العملاء داخل محطه كارجاس الماظه . كما اوضحت في مشاركتي الاولي في الموضوع .
و بالتوفيق .