الاندست جديدة ف السوق ،، والاريستون ثقيلة جدا ،،بس بصفة عامة كل الموديلات الجديدة أوبشنها عالى ،،بس صعب تلاقى قطع غيارها برة ،،يعنى لما الضمان يخلص ،،أعمل حسابك تشتري غسالة تانية
عرض للطباعة
الاندست جديدة ف السوق ،، والاريستون ثقيلة جدا ،،بس بصفة عامة كل الموديلات الجديدة أوبشنها عالى ،،بس صعب تلاقى قطع غيارها برة ،،يعنى لما الضمان يخلص ،،أعمل حسابك تشتري غسالة تانية
الإندست جديدة؟ حماتي عندها إندست من أيام شركات توظيف الأموال لما ادوا للناس أجهزة كهربائية بدل فلوسهم ... وغسالتها أحسن من الغسالات الجديدة وما شاء الله حتى لما حصل لها عطل مرة الفني اكتشف إنه مجرد وقوع السير مش أكثر ورجعه مكانه ثاني وهو اللي قال إنها أحسن من الجديد وقال كمان إن كل الجديد رديئ لأن شركات الأجهزة أصبحت بتصنعها بحيث لما تعطل تكلفة إصلاحها تكون عالية جدا فالمالك يفضل يرميها ويشتري جديد ويبدو إنهم اتعلموا الموضوع ده من شركات السيارات
بعد لف و مقارنات كتير استقريت على lg يا شباب ... غساله شكلها جميله و امكانيتها حلوه بس سعرها غالى جدا, حجيب ال 8 كيلو ان شاء الله الكورى لان فى منها تايلاندى معجبنيش و كمان فى منها بال steam
ربنا يستر بقى و تطلع خدمات ما بعد البيع بتاعتهم كويسه, لان كان ليا تجربه مع الماركة دى من كام سنة مش ظريفة خلتنى قولت ساعتها مش حشترى lg تانى خالص.
أنا عندي إل جي التوب لود .. وأساسا هي معمولة عشان موضوع المسحوق ده ... Detergent free ... وبتتحكم في كل حاجة في البرنامج بتاعها زي مانت عايز
للأسف لما جبتها ما كانش فيه غير الـ 10 كيلو تايلاندي ... ودلوقتي نزل منها الـ 12 كيلو والـ 16 كيلو وكمان كوري ,, تقفيلها أفضل ودايركت درايف بس سعرها أعلى ... ولكنها في كل الأحوال أرخص من الأتوماتيك العادية ..
لكن أعتقد إن قصة المسحوق دي هاتفضل مضايقاك في الأتوماتيك العادية على طول ويمكن حتى في الـ إل جي بس طبعا أنا ما استعملتش منها غير الكريازي من الأتوماتيك العادية اللى بفتحة جانبية فمقدرش أقول إل جي زيها ولا لأ
بس فكرة الغسيل الأتوماتيك العادية وإن الحوض مش بيتملي مياه على الآخر وينزل الغسيل ياخد شوية مياه ويطلع لفوق تاني مش عاجباني أصلا حتى لو فيها رشاشات بترش مياه من فوق في جميع الأحوال بحس إنها عمرها ما هاتشطف كويس
أنصحك تاخد فكرة أكتر عن التوب لود ... وبإذن الله هاتريحك جدا في موضوع الشطف ده ..
مشكلة اللى عندي إن صوتها عالي شوية .. لكن أعتقد في الموديلات الجديدة منها الكوري الدايركت درايف هاتكون هادية أكتر بكتير
وكمان إن حجمها صغير سنة على البطاطين الكبيرة