BMW 318 m40 MO 88 FULL OPTION

بي أم دبليو موديل 88 أم فورتي موتور 1800سي سي أنجكشن السيارة 4 باب 4سلندردواخل فابريقة بالكامل فول أوبشن مانيوال تكييف باور سنتر 4زجاج كهرباء مرايات كهرباء كاسيت جنوط سبور 15ولا تحتاج لمصاريف والمعاينة خير دليل فقط رخصة 3سنين ملاكي القاهرة التفاوض عند المعاينة للجادين فقط
مطلوب 54000
للأستعلام/0122736736
وعايز أعرف رأي أعضائنا الكرام في العربية وفي السعر اللي أنا طالبه
والله الموفق
http://www2.0zz0.com/2008/08/05/12/748461833.jpg
http://www2.0zz0.com/2008/08/05/12/213956398.jpg
http://www2.0zz0.com/2008/08/05/12/260344348.jpg
http://www2.0zz0.com/2008/08/05/12/807516091.jpg
http://www2.0zz0.com/2008/08/05/12/802493840.jpg

أيه يا رجالة طيب قولوا رأيكوا في العربية أييييييييه؟

بسم الله ما شاء الله العربية جميلة جدا بس فى سؤال يا باشا هى العربية مش واطية شوية يعنى متحك فى المطبات

ربنا يخليك يابو حميد هي فعلا اوطي شوية بس البي أم فيه ميزة أنه لما بيحمل مش بيقع لدرجة أنه يحك في المطبات يعني هي أعلي من اللانوس واللانسر ومع ذلك براعيها في المطبات باهدي شوية

طيب فى شوية اسئلة ودة طبعا بعد ازنك,,,,
بالنسبة للبزين اية نظامها؟؟
والترخيص حوالى كاام؟؟؟
وحالت الصالون اية من جوة؟؟ وحالت الموتور اية وعاملة كام كيلو تقريبا

لا ولا يهمك يا باشا أحنا أخوات عالمنتدي والمهم هو الاستفادة العامة المهم بالنسبة للبنزين البي أم معروف أن مواتيره موفرة في البنزينطول مانت ماشي عاقل بس لو حرقت جامد اكيد هاتاكل بنزين بس مش بالشكل الفظيع عادي يعني والترخيص 200ج وحالة الصالون من جوة بتاع الفابريقة وكل حاجة شغالةالحمدلله والموتور جديد أستيراد من 6 شهورمو 94 بحالة الزيرو
وأي خدمة

العربية مش واطية قوي علي فكرة يا جماعه..
بس عشان راكب فيها عتب..
و كساحات ف الاكصدامات.. ورا و قدام.. مدية ايحاء ان العربية واطية شوية..
بس هي كده طبيعيه..

الله ينور عليك يا أحمد أنا راعيت في البودي كيت أنه يكون في نفس ارتفاعات العربية الاصلية وبعدين دي مش كساحات دي أكصدامات كاملة وشكرا لمشاركتك

يا جماعة معلش انا بتعبكو شوية انا مرة قريت على المتندى ان تغير العفشة فيها ب 8000 جنية فدة اكيد حاجة غالية جدا بس اعتقد ان قطع غيارها اة غالية بس مش بالشكل الفظيع دة ولا اية

اقتباس:

---

المشاركة الأصلية كتبت بواسطة faster

الله ينور عليك يا أحمد أنا راعيت في البودي كيت أنه يكون في نفس ارتفاعات العربية الاصلية وبعدين دي مش كساحات دي أكصدامات كاملة وشكرا لمشاركتك

---

انا اقصد ان الاصليين اقصر شوية بتوع العربية..
و العربية ما شاء الله باين عليها انها نضيفة..
ربنا يباركلك ة يبارك للي هيشتري ان شاء الله..

ربنا يخليك وعلي فكرة أنا بابيع علشان عايز اجيب الشكل اللي بعد بتاعتي (الدبانة) مع أن في ناس بتقولي أن الشكل ده أروش بس أنا معجب بالدبانة

ربنا يباركلك يا باشا..
و يوفقك ف البيع ان شاء الله..
و تلاقي الدبانة اللي انت عايزها بحالة كويسة.. ان شاء الله..

عمومال.. انا بعتلك ع الخاص.. شوف كده و رد عليا..

تم الرد علي الخاص

هو انت سقط الموتور اللى فيها عمل كام وهل بالفيتس وكل حاجه ولا لا

بسم الله ما شاء الله الشكل ده ثابت وجوده لحد دلوقتى
وانا شخصيا بحبها اكتر من الدبانه

ربنا يخليك يا عزوز وشكرا لمشاركتك

تبدل ببولو 1600

لا جامدة والتعديل روش جدا علية بس السعر عالى

شكرا يا باشا طيب حضرتك شايف ان السعر العادل بتاعها كام؟؟؟؟؟؟

سئلت حضرتك يا باشا قبل كدة بخصوص ترخيص لعربية وحضرتك قولتلى 200 جنية
طيب ازااى 200
اكيد غلطان لان والدى مرخص نيسان صنى اللى هيا 1600 سى سى ب 262 جنية تقريبا ؟

عشان العربية موديل قديم شوية.. و عربية والدك موديل السنة دي مثلا..
لكن دي ببقالها اكتر من 10 سنين.. و الضريبة بتقل كل ما عمر العربية بيزيد..

الضريبة بالنسبة للمواتير من 1600سي سي الي 2000 سي سي 1000ج لو العربية موديل السنة وتخصم 5% كل ما العربية تقدم سنة بحد أدني 200ج وانا عربيتي موديل 88 اتفضل احسبها انت كدة؟

اة مكنتش اعرف دى انا اسف

ولا يهمك يا باشا وتحت امرك في اي استفسار

بقولك اية ياباشا معلش فى استفسار صغير بس
انا عارف ان قطع غيار البى ام غالية
بس معرفش الموديل دة قطع غيارو اخبارها اية هلى هيا غالية جدا ؟
وهل موتورها اى ميكانيكى يفهم فى ولا معقد
شكرا...

العربية قطع غيارها رخيصة ومتوفرة بمعني انها ارخص من الشكل اللي قبلها والاشكال اللي بعدها واي ميكانيكي بيشتغل فيها عادي بس لو فيه حاجة كبيرة زي عمرة مثلا والله اعلم اكيد لازم حد بيفهم في البي ام

اقتباس:

---

المشاركة الأصلية كتبت بواسطة ahmed21015

يا جماعة معلش انا بتعبكو شوية انا مرة قريت على المتندى ان تغير العفشة فيها ب 8000 جنية فدة اكيد حاجة غالية جدا بس اعتقد ان قطع غيارها اة غالية بس مش بالشكل الفظيع دة ولا اية

---

اختلف معاك يا باشا والله العربية دية قطع غيارها الاستيراد اسعلرها عادية جدا لو عايز اي حاجة فيها ادلك لاني كان معايا واحدة

العربية دى اكثر من ممتازة مع صديق ليا
بس عيبها انها بتاكل بنزين وبيتكى دايما من بنزينها هيا 1800 برضو وكمان قطع غيار الميكانيكا فيها غالية

ماشاء الله ربنا يباركلك فيها وف اللي هيشتريها

علي فكرة العربية استهلاك بنزينها معقول جدا لان الموتور اللي راكب عندي الانجكشن مش كربيراتير
وكنت عايز اعرف رأيكوا في السعر اللي انا طالبه في العربية؟

والله مانا عارف..
العربيات دي لو دورت عليها علي المواقع بتاعت البيع..
هتلاقي رينج اسعار غريب جدا..
عشان المواتير الكتير.. و الموديلات الكتير..
و التعديلات و كده..
فعلا حاجة تحير..
اللي كان يقدر يفيدنا جدا ف الموضوع ده اكسبرت..
بس هو علي ما يبدو ساب المنتدي....
هاحاول كده لو عرفت اوصل ليه ابقي اسألهولك..

الحقيقه أنا أول ما شوفت السعر اللى إنت طالبه إستغربت بس ما رضيتش أعلق علشان ما تزعلش لأن كل واحد فينا عربيته غاليه عليه بس انا عايز أقولك إن ليا واحد صاحبى بايع أختها من حوالى 6 شهور ب 37000 جنيه بس أرجع وأقولك البيع سكرااات .

لأ بس خلي بالك..
ممكن تكون بابين بس..
وفي واحد يميلنا هنا ف المنتدي بايع واحدة بابين بس..
و موتور 2500 سي سي.. بحاجة و اربعين الف..
دي اكيد هتبقي اكتر

بس أنا متأكد يا أستاذ أحمد إنها كانت 4 باب و1800 cc بس زى ما قولتله كده البيع سكرااااات.
أنا بيعت عربيتى السنه اللى فاتت فى ربع ساعه أو يمكن أقل علشان ألحق أشترى عربيه تانيه فرصه وفى الأخر برضه ما لحقتهاش فما تستعجلش عليها يا فاستر وهيه ونصيبها.

سبحان الله..
بس الموضوع ده كان فين..؟؟ في القاهرة..؟؟ ولا برة..؟؟
عشان يمكن ف القاهرة الاسعار مختلفة شوية عن برة..
و طبعا كل شيء نصيب..

يا جماعة من الاخر العربية دى تخلص على 48 لانها موديل 88
اللى نفس الشكل وموديل 90 بتبباع اغلى شوية يعنى حوالى 54 او 55
هى العربية اول يد يا استاذ faster

شكرا لمشاركتكم العربية ثاني يد وكلامكم جميل جدا يا شباب بس في كلمة حكمة في البيع والشراء (العربية حالة) يعني حالة العربية هي اللي بتحدد سعرها ثانيا بالنسبة للاستاذ بلال السعر اللي حضرتك بتقوله ده ممكن يكون منطقي الي حد ما وقليل كمان لو العربية باب واحد انما البابين تختلف يا راجل ياطيب ده الاكسل النظيفة بتعدي ال38000 جنيه وبعدين الام فورتي بتختلف عن الايه ثيرتي

مكان حضرتك فين يا استاذ faster والعربية عاملة كام كيلو تقريبا

الي الاستاذ احمد21015 تم الرد عالخاص