معايا 100 الف...وعايز اجيب عربيه مستعمله

**MoNeIm AmIn** · 17-03-2013 03:22 AM

السلام عليكم
من غير رغي كتير انا معايا 100 الف وعايز اجيب عربيه مستعمله حالتها من الاخر يعني:018a1d~146:
مع العلم اني حاجز صني سوبر صالون 2013 بس من كتر ما قريت عنها كرهتها وهسحب الفلوس
تنصحوني بايه ....بس برده حاجه ياباني او الماني او كوري فقط
وياريت اللي يقولي يحدد موديل كام وكماليتها ايه
ولكم جزيل الشكر

**S O P H O S** · 17-03-2013 03:31 AM

لو تقدر تزود وتركب سيفيك 2009 او 2010 ..

**CaptaiN-AhmeD** · 17-03-2013 04:13 AM

S o p h o s+++++++++

**AlGazar2** · 17-03-2013 04:25 AM

لو انت غاوى عربيات يبقى عندك فى اليابانى
السوبارو - المازدا 3 - السيفيك ال 3 جامدين - ثبات عالى - السوبارو ثبات عالى و هاندلينج جامد و السيفيك تسارع جامد و ثبات برضه - المازدا القديمة وسط بين الاتنين

السوبارو و المازدا ممكن يتبقى معاك فلوس كمان

فى الالمانى ممكن تشوف بى ام 2002 مثلا او اوكتافيا او باسات او جولف بس معرفش هتبقى موديلات كام بالظبط

مش عارف فى مرسيدس ب 100 ولا لا و تبقى موديل كام و حالتها ايه

كورى صراحة حرام تجيب مستعمل كورى بالمبلغ ده فى رأيى بس لو عايز
يبقى كارينز لو عايز حاجة عائلية او سول لو عايز حاجة شبابى - او كروز لو عايز حاجة هاديه و ليها برستيج كده

**lamada** · 17-03-2013 09:21 AM

نفس السؤال محيرنى

**HaNo_ELBeh** · 17-03-2013 10:01 AM

بص ياباشا
اولا سلامى وتحياتى لحضرتك
تانى حاجه مع كل احترامى لرأيك لكن هل انتا جربت النيسان صنى بنفسك ولا كله قرايه وكلام بس
لو انتا جربتها بنفسك خلاص خد قرارك لكن لو هو سمع وكلام يبقى لازم تاخد راى الاعضاء المالكين للعربيه
انا هقول لحضرتك على حاجه صغيره والله مش تحيز لاى حاجه انا هقولك راى وانتا ليك حريه الاختيار
انا اول واحد كنت معترض على العربية صنى الشكل الجديد وماكنتش قابل الشكل ولا اى حاجه خالص لغايت لما روحت اتفرجت على العربية بنفسى فى احدى المعارض وكنت ناوى اغير العربية وماكنتش عارف اجيب ايه المهم انا قولت زى حضرتك اجيب مستعمل بس يكون استعمال خفيف عايز اقولك انى اعدت ادور و ادور وكنت باشوف عربيات هوندا وفيكترا و مازدا بس مش اللى انا عايزة وبعدين فكرت شويه وقولت طيب انا هشترى عربيه عامله كام الف وياترى اللى كان سايق العربية كانت سواقته عامله ازى فقررت انى اجيب عربية جديد وكانت المقارنه صعبه وخصوصا انى مرتبط بمبلغ معين على حسب امكانياتى وبعدين توصلت الى عربيتين الصنى او الانسر
فكانت المقارنه فى حاجات كتير
ووقع الاختيار على الصنى الجديده بغض النظر على وجود بعض العيوب اللى ممكن تتعايش معها و عايز اقولك ان مش كل المشاكل اللى حضرتك بتسمع عنها موجود فى كل عربيات النيسان دى حالات فرديه واللى عندى مش عند غيرى
اعتقد ان حضرتك محتاج تراجع نفسك شويه قى الموضوع دة
اما انطباعى عن العربية
انا من مالكى السوبر صالون الشكل الجديد
اول مااستلمت العربية كانت عامله زى البطه فى السحب لكن بصفه عامه العربية جميله فى سواقتها وامكانيتها اعلى من الفئه السعريه ولكن بعد عمل صيانه الالف وتغير الزيت العربية اتغيرت 180 درجه
ارجوا لحضرتك التوفيق واى سؤال ابعتلى على الخاص وانا تحت امرك

**حماده المصري** · 17-03-2013 10:21 AM

الله اعلم في ظل الظروف الصعبه دي اسعار المستعمل للكورولا الياباني والسفيك بقت كام

بس اضمن لك باذن الله النترا الشكل القديم 2010 او 2011 كسر زيرو اوتوماتك وممكن تبقى كامله كمان

**john55** · 17-03-2013 10:56 AM

تويوتا 2006 اوتو

**eng/ahmed_go** · 17-03-2013 11:07 AM

لانسر 2010 كلاسيك تكون ماشية قليل (كسر زيرو) او تويوتا كورولا 2007

**tarekmaher** · 18-03-2013 12:59 AM

في عربية كورولا 2005 فبريكة بره وجوه عاملة 70 الف كيلو بس بصراحة ممتازة ومش متهانة مع صديق ليا بس عايز فيها 98 الف جنيه لو مناسبة قولي ابعتلك رقم تليفونه ولونها كحلي كانت بتاعت مخرج اعتقد اسمه احمد الهن