لكل الناس الى عايزة تخس اوعى تقلل اكلك لدرجة الهبوط و 3 نصايح منى ليكم

**MaNoLa** · 17-03-2013 03:47 AM

كل ما ادخل على القسم الاجتماعى الاقى ناس كاتبة مواضيع عن الريجيم و التخسيس
و دة فى حد ذاتة جميل جدا لان الراجل و الست المصريين بعد تغيير نمط الحياة زى التخرج من الكلية أو الجواز بيضربوا 4 أضعاف ما كانوا عليه

و دى نصايحى فى التخسيس و معروفة للجميع

النصيحة الأولى
هتقسم فطارك جزئين
و الغدا جزئين
العشا أوعى تفكر تنام من غير حاجة لأنك هتصحى جعان جدا و هتضرب فطار جامد يعنى ممكن بيضة و سلطة وتنام بعدها بساعة
و تقسيم الفطار و الغدا دا عشان تسهيل عملية الهضم
زى ما تكون جايب معلقة سكر و بتدوبها فى كوباية أكيد أسهل من لما ما تكون جايب بونبونى و بتدوبة

النصيحة التانيه
انت قبل الريجيم أكيد وزنت نفسك
طيب بعد ريجيم أسبوع أو اتنين نفس وزنك صح ؟
فيه ناس بتقول طلاما وزنى هوا هوا يبقى ارجع اكل زى الاول و محرمش نفسى من حاجة
اقولة هتلاقى نفسك من غير ما تحس بقيت دولاب
فعادى جدا متحسش باى قلق و ده لان جسمك بيكون بيزيد و انت لحقته
لكن لما تقلل الأكل جسمك بيبدا يثبت فتره و بعد كدة بتبدا تخس
زى لما تكون بتجرى بعربيتك و عايز ترجع لورا أكيد لازم تقف الاول عشان ترجع

النصيحة التالتة
ناس كتيرة اوى فاكرة ان الريجيم دة تقليل فى الاكل جدا
احب اقولة لأ
لان زى ما هتقلل من أكلك هتاكل أكل صحى و دة عشان صحتك تفضل كويسه
و اوعى تقلل من اكلك لدرجة انه يجيلك هبوط و متقدرش تتحرك
لأن مبدأ الريجيم انك تاكل اكل صحى و تقسم وجباتك صح
عشان تقدر تمارس اى نوع من الرياضة
و طبعا لو جالك هبوط بسبب تقليل الأكل بشكل جامد مش هتقدر تمارس رياضة
و بالتالى مفيش حرق للدهون طلاما مفيش حركة و بالتالى الريجيم بتاعك مالوش اى لازمه

**Ahmed_selmy** · 17-03-2013 06:56 AM

مشكور يا باشا , وانا بحب اضيف حاجه بردوا على كلام حضرتك ان الرجيم نظام حياة يعنى انا معملش رجيم علشان اخس ولما اخس ارجع اكل عادى حلاقى نفسى تخنت, الافضل انى اظبط نظام غذائى كويس يكون هوا نظام حياتى بعد كدا والمداومه على الرياضه وخصوصا المشى.

**Ahmed_Adham** · 18-03-2013 02:13 AM

المشاركة الأصلية كتبت بواسطة MaNoLa

كل ما ادخل على القسم الاجتماعى الاقى ناس كاتبة مواضيع عن الريجيم و التخسيس
و دة فى حد ذاتة جميل جدا لان الراجل و الست المصريين بعد تغيير نمط الحياة زى التخرج من الكلية أو الجواز بيضربوا 4 أضعاف ما كانوا عليه

و دى نصايحى فى التخسيس و معروفة للجميع

النصيحة الأولى
هتقسم فطارك جزئين
و الغدا جزئين
العشا أوعى تفكر تنام من غير حاجة لأنك هتصحى جعان جدا و هتضرب فطار جامد يعنى ممكن بيضة و سلطة وتنام بعدها بساعة
و تقسيم الفطار و الغدا دا عشان تسهيل عملية الهضم
زى ما تكون جايب معلقة سكر و بتدوبها فى كوباية أكيد أسهل من لما ما تكون جايب بونبونى و بتدوبة

النصيحة التانيه
انت قبل الريجيم أكيد وزنت نفسك
طيب بعد ريجيم أسبوع أو اتنين نفس وزنك صح ؟
فيه ناس بتقول طلاما وزنى هوا هوا يبقى ارجع اكل زى الاول و محرمش نفسى من حاجة
اقولة هتلاقى نفسك من غير ما تحس بقيت دولاب
فعادى جدا متحسش باى قلق و ده لان جسمك بيكون بيزيد و انت لحقته
لكن لما تقلل الأكل جسمك بيبدا يثبت فتره و بعد كدة بتبدا تخس
زى لما تكون بتجرى بعربيتك و عايز ترجع لورا أكيد لازم تقف الاول عشان ترجع

النصيحة التالتة
ناس كتيرة اوى فاكرة ان الريجيم دة تقليل فى الاكل جدا
احب اقولة لأ
لان زى ما هتقلل من أكلك هتاكل أكل صحى و دة عشان صحتك تفضل كويسه
و اوعى تقلل من اكلك لدرجة انه يجيلك هبوط و متقدرش تتحرك
لأن مبدأ الريجيم انك تاكل اكل صحى و تقسم وجباتك صح
عشان تقدر تمارس اى نوع من الرياضة
و طبعا لو جالك هبوط بسبب تقليل الأكل بشكل جامد مش هتقدر تمارس رياضة
و بالتالى مفيش حرق للدهون طلاما مفيش حركة و بالتالى الريجيم بتاعك مالوش اى لازمه

أنا مش عارف انتي اللي كاتبه الكلام ده ولا ناقلاه بس عجبتني كلمه لما تدوب سكر غير لما تدوب بونبونايه. أنا محتاج أنزل 11 كيلو وكنت فعلا نزلت منهم 5 بتقليل كميه الاكل وباكل كل حاجه وبعدين رجعت أفتري وزدت تاني. أنا مش باكل غير مرتين في اليوم بس المشكله في عدم انتظام مواعيد الاكل يعني مبدأيا مش بفطر ومره أتغدى الساعه 2 ومره 4 ومره 6 ولا 7 ونفس الكلام في العشا وأحيانا مش بتعشى بس اللي عرفته ان عدم الاكل في مواعيد منتظمه بيخلي الجسم يخزن الطاقه عشان مش عارف هيجيله أكل تاني امتى وربنا يسهل وأقدر أظبط مواعيد أكلي وأقلل الكميات تاني.

المشاركة الأصلية كتبت بواسطة Ahmed_selmy

مشكور يا باشا , وانا بحب اضيف حاجه بردوا على كلام حضرتك ان الرجيم نظام حياة يعنى انا معملش رجيم علشان اخس ولما اخس ارجع اكل عادى حلاقى نفسى تخنت, الافضل انى اظبط نظام غذائى كويس يكون هوا نظام حياتى بعد كدا والمداومه على الرياضه وخصوصا المشى.

كلامك زي الفل ومهم جدا المداومه ودي النقطه النفسيه في الريجيم وهيه المثابره. بس اللي كاتب الموضوع أنسه أو مدام على فكره مش باشا

**MaNoLa** · 18-03-2013 02:14 PM

ميرسى على ردودكم بس عمتا انا واحدة
و الموضوع انا الى كاتباة كله و فعلا لازم أنتظام فى مواعيد الأكل و النوم و النوم مهم جدا عشان وظايف الجسم بالكامل تشتغل بكامل طاقتها لكن طبعا مينفعش النوم بعد الأكل و طبعا تقسيم الوجبات كمان على 5 مراحل زى ما قولت بالظبط و النظام دة بيمشى مع عدد كبير لا يقل عن 70% من الناس
لكن دة برضة ميمنعش ان استشارة دكاترة التغذيه مهمه فى حاله انه ميكونش فيه نتيجة واضحه بعد مجهود كبير
لان فيه بعض الحالات بتكون هرمونات أو مشاكل هضمية و دى بتتحل بانواع معينه من البرشام
و فيه حالات تانيه بتكون بفصائل الدم