BMW 316i الجديدة ٢٠١٣ في السعودية والفرق بينها وبين مصر

من اول ما شفت ال BMW 316i الجديدة وانا اتوهمت وقررت انزل اشوفها في معارض محمد يوسف ناغي وكيل ال BMW في السعودية.

اقولكم الاول انطباعي عن السيارة .. انا فوجئت بحجمها الجديد .. بقت اطول واعرض ومش هتكلم عن الاحساس بالفخامة والهيبة وانت واقف قدامها ..

السيارة من الداخل حجمها حلو جدا وتشعر بالراحة والاتساع حتي في المقاعد الخلفية اللي دايما كنت بحسها ضيقة في الموديلات الاقدم .. انا طولي ١٧٩ (مش طويل اوي يعني) لكن لما جلست في الخلف كنت مرتاح جدا وفيه مسافة بيني وبين والكرسي الامامي ..

السيارة منخفضة شويه كعادة BMW ..
مش موجود منها غير فئة واحدة بس مش زي مصر ٤ فئات وده لان مفيش عليها طلب كتير في السعودية لانها ١٦٠٠ سي سي .. وللاسف الفئة الموجودة فقيرة شويه عن اقل فئة في مصر .. الطارة بدون multi-function .. مفيش usb ..الكراسي الخلفية غير قابلة للطي .. الكراسي جلد وارضية تحسها شامواه .. خاماااات ممتاااازة جدا وتحس فيها بالاتقان والفخامة .. الشنطة واسعة وفيها مساحات تخزين

السارة بالكامل تقفيل الماني مش عارف اللي في مصر الماني ولا مصري ؟؟ سعر السيارة ١٢٣ الف ريال وبعد الفصال :) ١١٧٠٠٠ ريال .. ضيف عليهم ٦٥٪ جمارك وسعر الريال حاليا ١.٩٤ يعني السيارة تعملها ٣٧٥ الف جنيه .. يعني السيارة في مصر مواصفاتها احسن وسعرها اقل وتقريبا تقفيلها مصري مش متآكد

انا برضه حجزت تجربة قيادة ولسه هيبقوا يتصلوا بيا .. ان شاء الله ابقي اقولكوا تقيمي للعربية بعد تجربتها

ياريت اي حد شاف السيارة في مصر يكتبلنا تقييمه كمان علشان الكل يستفيد

ايه هو الموضوع وحش ولا ايه يا اخوانا :) ... لو حد عنده معلومات ياريت يشارك بيها

اللي بتنزل مصر الماني برضه يا باشا
و سعرها وصل 309 ال non ....llic و ال....llic عاملة 317

و علي كلامك اللي مصر مواصفاتها اعلي فعلا
ما عدا ال priemium طبعا

انا شفتها علي الطريق بس وحش ماشي وشكلها جااااااااااامد

هى تحفه طبعا , انا سألت على ال 316 فى قطر قالولى مش موجوده وممكن تعملها سبيشيال اوردر بس السعر هايبقى كتير ممكن يدخل فى 150 الف يعنى بتمن ال 320 , ملهاش لازمه طبعا

فى الامارات بتبدأ من 109 تقريبا بس برضه هاتبقى فقيره فى الاوبشنز

سواء السعوديه او الامارات العربيه تمنها هايبقى فوق ال 200 الف جنيه قبل الجمارك , فأكيد لو نزلتها مصر هاتقف عليك أغلى

حتى لو قعدت بيها سنتين تلاته واخدت خصم الجمرك 20 % مثلا برضه هاتفضل غاليه

السبب الوحيد اللى يخلى حد يشتريها انه مش ناوى يبيع ويحتفظ بيها وينزلها مصر بغض النظر هاتقف عليه بكام

غير كدا يجيب 320 او 328 مستعمل ويعيش :) بلا جمرك بلا بتاع

أنا بفضل الله وبنعمته إستلمت السيارة منذ أكثر من شهر وكانت من أوائل السيارات التي تصل إلى مصر،
السيارة تقفيل ألماني بالكامل ، الفئة Luxury، اللون أبيض، سيارة رائعة بمعنى الكلمة، أحمد الله حمد الشاكرين الذي وفقني لهذا الإختيار.
أي إستفسارات أنا تحت أمركم.

اقتباس:

---

المشاركة الأصلية كتبت بواسطة abuwaleed

أنا بفضل الله وبنعمته إستلمت السيارة منذ أكثر من شهر وكانت من أوائل السيارات التي تصل إلى مصر،
السيارة تقفيل ألماني بالكامل ، الفئة luxury، اللون أبيض، سيارة رائعة بمعنى الكلمة، أحمد الله حمد الشاكرين الذي وفقني لهذا الإختيار.
أي إستفسارات أنا تحت أمركم.

---

ممكن حضرتك تقلى مواصفات وامكانيات كل فئه منهم والاسعار عامله كام

اقتباس:

---

المشاركة الأصلية كتبت بواسطة abuwaleed

أنا بفضل الله وبنعمته إستلمت السيارة منذ أكثر من شهر وكانت من أوائل السيارات التي تصل إلى مصر،
السيارة تقفيل ألماني بالكامل ، الفئة luxury، اللون أبيض، سيارة رائعة بمعنى الكلمة، أحمد الله حمد الشاكرين الذي وفقني لهذا الإختيار.
أي إستفسارات أنا تحت أمركم.

---

الف الف مبروك يا زعيم
يا ريت لو بعد اذنك تعملنا تقرير بسيط عنها
و تحياتي علي اختارك في الالوان
اقوي لون عليها بلا منازع

اقتباس:

---

المشاركة الأصلية كتبت بواسطة abuwaleed

أنا بفضل الله وبنعمته إستلمت السيارة منذ أكثر من شهر وكانت من أوائل السيارات التي تصل إلى مصر،
السيارة تقفيل ألماني بالكامل ، الفئة luxury، اللون أبيض، سيارة رائعة بمعنى الكلمة، أحمد الله حمد الشاكرين الذي وفقني لهذا الإختيار.
أي إستفسارات أنا تحت أمركم.

---

يا راجل ,,,,,, و سايبنا كدة من غير تقرير
الف مبروك و فعلا اللون الابيض جميل جداااااااااااااا

ﻳﺎ ﺭﻳﺖ ﻟﻮ ﺑﻌﺪ ﺍﺫﻧﻚ ﺗﻌﻤﻠﻨﺎ ﺗﻘﺮﻳﺮ ﺑﺴﻴﻂ ﻋﻨﻬﺎ

يا ريت يا باشا تعملنا تقرير تمام كده لان العربيه دى قلبه دماغى و بفكر فيها جدا انى اشتريها على اول السنه الجايه فعايز اعرف اخبارها ايه. و الف مبروك و يا رب يديك خيرها و يكفيك شرها.

الأخوة الأعزاء
أرجو أن تعذروني لأن دخولي على المنتدى قليل جداً وفي أوقات متباعدة ولكني سوف أحاول أن ألقي الضوء على بعض النقاط التي ترتبط بالجانب الفني والإمكانيات الخاصة بالسيارة خصوصا من وجهة نظر المستخدم وليس من وجهة نظر الشركات التي تقوم بالترويج لسياراتها.
نبدأ اليوم برحلة الإختيار والتي أسفرت في النهاية عن قرار شراء هذه السيارة الرائعة:

أولاً أنا من هواة السيارات الألمانية، وجميعنا نعلم قيمة السيارات الألمانية من ناحية الكفاءة والإعتمادية والأمان، كما أن أول سيارة إمتلكتها في حياتي كانت سيارة جولف 2 موديل 85 وهي على ما أعتقد السبب في ترسيخ العلاقة بيني وبين السيارات الألمانية.
ركبت سيارات من مختلف الأنواع والماركات طوال العشرين عاما الماضية لم أشعر بالإرتياح أو بالألفة إلا في سيارات فولكس فاجن حيث امتلكت في هذه الفترة جولف 3 وباسات .
بعد أن بعت سيارتي الباسات 99 التي كانت من أجمل السيارات التي ركبتها في حياتي بدأت رحلة البحث عن السيارة الجديدة.
في العامين الأخيرين كنت متخذ قرار شبه نهائي لشراء باسات الشكل الأخير و بعد أن نزلت السيارة سي سي كانت هي الخيار الأقرب ولكن كما هي عادتي في الشراء يلزم البحث على المواقع والمنتديات المحلية والأجنبية وسؤال من اقتنوا هذه السيارة والتعرف عليها عن قرب فوجئت ببعض المشاكل التي تضرب جميع موديلات فولكس فاجن في الصميم، وأخطر هذه المشاكل هي مشكلة الفتيس ال دي إس جي واكتشفت أنها مشكلة متكررة بشكل كبير في مختلف أنحاء العالم وليس مصر فقط، فكان القرار بالتغيير.
الآن علي أن أختار بين مرسيدس سي 180 و بي إم دبليو 316 و تأتي بعدهما على إستحياء فورد فوكس.

وكان القرار لصالح ال بي إم دبليو وذلك للأسباب التي سوف أحدثكم عنها بالتفصيل في اللقاء المقبل إن شاء الله.
تحياتي لكم جميعاً

أول المقارنات كانت من ناحية الإتساع وراحة الراكبين في الكراسي الأمامية والخلفية وذلك لأني كنت من راكبي الباسات وما أدراكم ما الباسات ومن أهم العناصر هو طول قاعدة العجلات كالآتي:
باسات : 2712 مم
سي سي : 2711 مم
سي 180 : 2760 مم
بي إم دبليو 316 : 2810 مم

ثاني عنصر في عملية المقارنة من وجهة نظري هو الشكل العام، وهذا بالطبع مسألة شخصية وأذواق، ال بي إم الشكل الجديد جميل جداً و خصوصا ً المقدمة والتي تعتبر بلا شك أجمل مقدمة في كل سيارات بي إم من جميع الفئات، كما أن هذا الجيل والمعروف ب f30 هو أحدث جيل في الفئة الثالثة ومن المتوقع أن يستمر فترة لا تقل عن خمس سنوات دون تغييرات جذرية.
أما ال سي 180 فالتصميم الخارجي لها جميل ولكنه قديم وأوشك على التغيير حيث أنه من المتوقع نزول شكل جديد خلال عام 2014 ، فلم أحبذ أن أشتري سيارة وأدفع فيها مبلغ كبير جدا ثم تصبح شكل قديم في خلال عام.

ثالث عنصر مهم جداً في الإختيار هو سعر إعادة البيع ودا طبعا لصالح المرسيدس بلا جدال، ولكن إذا كانت السيارة ستستمر معك فترة طويلة فأعتقد أن هذا العامل ستقل أهميته إلى حد ما.
وأنا على قناعة شخصية أنه لا تغيير للسيارة قبل أن يتحقق شرطين معاً وهما أن تقطع مائة ألف كيلومتر بالإضافة إلى خمس سنوات شغل بهذا يمكنك الإستفادة بخير السيارة بالكامل ويتم بيعها قبل أن تبدأ المشاكل.

تقييمي الشخصي للوكيل:
عندما ذهبت لفرع البافارية بطريق الإسكندرية الصحراوي كان في الإستقبال الأستاذ أحمد حمدي أحد مسئولي المبيعات بالفرع، مستوى راقي من التعامل والفهم لإمكانيات السيارة والسيارات المنافسة، إجابة وافية عن كافة الإستفسارات بمنتهى الصبر و التفاني في العمل و يعتبر من أهم العوامل المشجعة على إتخاذ القرار.
قمت بالحجز وكان السعر ساعتها 292 ألف جنيه، زادت بعد حوالي عشرة أيام إلى 299 ألف جنيه.
تم الإتفاق على سداد نصف المبلغ مقدم والباقي على 12 شهر عن طريق البنك العربي.
الإجراءات تمت بمنتهى السهولة واليسر.
خلال فترة إنتظار وصول السيارة كان الأستاذ أحمد على تواصل تام معي حتى وقت استلام السيارة وكان الإستلام بعد حوالي ثلاث أسابيع.
سعر السيارة زاد مرة أخرى عشرة آلاف جنيه وأعتقد أنها مرشحة لزيادات أخرى خصوصا وأنها من أشد السيارات تنافسية في فئتها من حيث المواصفات والإمكانيات والسعر حيث أنها بالفعل تعتبر مخزن للقيمة و تستأهل أن يدفع فيها مثل هذا السعر.

في اليوم المحدد تم إستلام السيارة بعد المعاينة وبعد يومين توجهت بصحبة أحد مندوبي الشركة للمرور لإنهاء إجراءات الترخيص حيث قام المندوب بإنهاء الإجراءات بمنتهى السهولة واليسر.بعد إنتهاء الترخيص توجهت بالسيارة مباشرة إلى أسيوط حيث مقر عملي وهذه تعتبر تجربتي العملية الأولى للسيارة على الطرق السريعة.الأداء مذهلثبات منقطع النظيرهدوء داخل مقصورة القيادةالسيارة متسعة من الأمام وفي الخلفالخامات الداخلية فائقة الجودةالسيارة دفع خلفي، الأمر الذي يجعل من ثبات السيارة في المنحنيات نموذج يحتذى به حيث يتوزع وزن السيارة في الأمام والخلف بنسبة 50-50 تقريباالفتيس ذو الثماني سرعات والذي تم تزويد سيارات الفئة الثالثة به لأول مرة رائع ولا تكاد تحس بالنقلات إلا من خلال متابعة عداد ال RPM .العفشة في منتهى النعومة والقوة في آن واحدالسيارة مزودة ب idrive والذي يعطيك إمكانية مراقبة والتحكم بوظائف السيارة وتشخيص الأعطال بسهولة ويسر والذي تم تزويد السيارة ال 316 به لأول مرة في هذا الجيل.الفرش جلد "داكوتا عالي الجودة"الشنطة بسعة 485 لترالإضاءة هالوجين مزودة بخاصية الإضاءة النهارية مع وجود إشارات بالمرايا الجانبيةهذه بعض المميزات من وجهة نظري وغيرها كثير وسوف أحدثكم في المرة القادمة عن ما أفتقده في السيارة أو ما كنت أتمنى أن يكون موجودا بالسيارة حتى تكتمل من وجهة نظري.

ياباشا اذا كان ال 320 والفئه التالته كلها والالماني عموما ملوش شعبيه كبيره في الخليج يبقى هتلاقي 316 في السعوديه ازاي. لو مش ناوي تنزل بيها مصر يبقى جيب ال 320 أو جيب 525 مستعمله ولو ناوي تنزل بيها مصر منصحكش عشان هنا البي ام المحلي أرخص من انك تحيب من بره وتدفع جمارك.

ما أفقده في السيارة:
1- مرايات الضم، هي موجودة في الفئة Excelusive و لكنها غير موجودة في ال Luxury
2- النافيجيشن
3- الإضاءة الزينون
4- الستائر الجانبية والخلفية أو على الأقل زجاج فيميه بالخلف والأجناب
5- فتحات تكييف خلفية

أتمنى أن أكون قد تمكنت من إعطاء صورة ولو بسيطة عن السيارة التي أعتقد أن بها من المزايا الكثير والكثير ولكن ضيق الوقت ولقلة التركيز هما السبب في عدم الإسهاب في التفاصيل.
ولكن إن كان لدى أي أحد من الأخوة بالمنتدى أي إستفسار عن نقطة معينة بالتحديد أرجو أن يرسل إلى بها، وفي حالة تأخري في الرد لعدم دخولي إلى المنتدي يمكن لحضراتكم مراسلتي على البريد الإلكتروني التالي: abuwaleed.elmasry@gmail.com
أو على تويتر: twitter.com/Abuwaleed17
تحياتي لكم جميعاً وأشكركم على مشاعركم الرقيقة

يا باشا تسلم الايادي
كفيت و وفيت

هستاذنك بقي تعمل موضوع جديد و تجمع فيه الكلام ده للافاده الكل
و شكرا

اقتباس:

---

أنا بفضل الله وبنعمته إستلمت السيارة منذ أكثر من شهر وكانت من أوائل السيارات التي تصل إلى مصر،
السيارة تقفيل ألماني بالكامل ، الفئة luxury، اللون أبيض، سيارة رائعة بمعنى الكلمة، أحمد الله حمد الشاكرين الذي وفقني لهذا الإختيار.
أي إستفسارات أنا تحت أمركم.

---

الف مبرووك وربنا يعطيك خيرها ويكفيك شرها ويباركلك فيها .. انا العربية عجباني جدا ما شاء الله لكن للاسف المواصفات اللي موجودة هنا في السعودية اقل من مصر وانا ناوي انزل بيها مصر .. معلش هتراخم عليك واسآلك كام حاجة كده وتوقع مني اني ابقي ابعتلك ايميل لو فيه حاجة تاني :)

- مصاريف الترخيص في المرور كانت كام ؟ ومصاريف التجديد لو عندك فكرة؟
- عفشة السيارة ناعمة ولا رياضية ولا نظامها ايه؟
- تسارع العربية وعزم المتور ال ١٦٠٠ << شايفه مناسب لوزن العربية .. انا مش بتاع شد وكده لكن بحب اركب عربية احس انها قويه في ادائها ؟
- هل فيه قراءة بيانات العداد والسرعة علي الزجاج الامامي ؟

وشكرا جزيلا

اقتباس:

---

ياباشا اذا كان ال 320 والفئه التالته كلها والالماني عموما ملوش شعبيه كبيره في الخليج يبقى هتلاقي 316 في السعوديه ازاي. لو مش ناوي تنزل بيها مصر يبقى جيب ال 320 أو جيب 525 مستعمله ولو ناوي تنزل بيها مصر منصحكش عشان هنا البي ام المحلي أرخص من انك تحيب من بره وتدفع جمارك.

---

ال٣١٦ موجودة لكن مواصفاتها اقل من اللي مصر وغير كدها انا ناوي اجيبها وانزل بيها مصر هتفضل معايا .. بس للاسف بعد الجمارك هتبقي اغلي .. ده انا بكر اشتريها واجيبها هنا السعودية بس معرفش هتكلف قد ايه ؟

بالنسبة لمصاريف الترخيص كانت حوالي 700 إلى 800 جنيه تقريباً موش أكتر من كده لأني رخصت سنة واحدة بس. أما التجديد فأعتقد أنها زي أي عربية 1600 أخرى.
عفشة العربية ناعمة جداً وأكثر من رائعة كما أنها قوية لا تنضغط بسهولة، بس هي المشكلة في المطبات الغشيمة إللي الناس بتعملها على مزاجهة خصوصا لو العربية بكامل حمولتها.
الموتور توين تيربو تشارجر، 136 حصان، يصل بالسيارة إلى سرعة 100كم/س في 9,3 ثانية، عزم شديد جداً، إستجابة سريعة في المواقف الصعبة.
للأسف لا يوجد قراءة بيانات على الزجاج الأمامي، لا توجد هذه الخاصية إلا في 328 أو 335 على ما أتذكر.

اقتباس:

---

المشاركة الأصلية كتبت بواسطة abuwaleed

بالنسبة لمصاريف الترخيص كانت حوالي 700 إلى 800 جنيه تقريباً موش أكتر من كده لأني رخصت سنة واحدة بس. أما التجديد فأعتقد أنها زي أي عربية 1600 أخرى.
عفشة العربية ناعمة جداً وأكثر من رائعة كما أنها قوية لا تنضغط بسهولة، بس هي المشكلة في المطبات الغشيمة إللي الناس بتعملها على مزاجهة خصوصا لو العربية بكامل حمولتها.
الموتور توين تيربو تشارجر، 136 حصان، يصل بالسيارة إلى سرعة 100كم/س في 9,3 ثانية، عزم شديد جداً، إستجابة سريعة في المواقف الصعبة.
للأسف لا يوجد قراءة بيانات على الزجاج الأمامي، لا توجد هذه الخاصية إلا في 328 أو 335 على ما أتذكر.

---

يا ابو وليد هو سؤال وحيد بس بما انك في اسيوط وبتعدي على الطرق الرائعة دي بالعربية دي

السؤال هو الاتي :

هل مشيت بالعربية على طريق اسيوط - القاهره الزراعي ؟ ووصلت لغاية فين بيها ؟

في مطبين في بالي لو كنت بتعدي على طريق اسيوط - القاهره الزراعي قول لي علشان عايز اعرف بتعديهم ولا بتحك منك ولا ايه بالبي ام دي لانها واطية جداً

أنا في العادة أفضل الطريق الصحراوي الشرقي الحر، ولكن يوم الأحد 10 مارس كنت جاي من القاهرة ونظراً لأن إخواننا سواقين الميكروباص كانو قاطعين الدائري فاضررت للنزول من نزلة المنيب وسلوك الطريق الزراعي حتى أخذت الطريق الدائري الإقليمي الجديد بعد البدرشين.
وكانت تجربة ويالها من تجربة ، معظم المطبات لا يمكن تجاوزها بأي طريقة كانت، حسبي الله ونعم الوكيل ، هذه المطبات لا يمكن تجاوزها إلا غذا كنت تركب عربية نقل أو 4×4 محترمة.
طبعا العربية حكت في معظم المطبات خصوصا وإننا كنا أربع أفراد راكبين العربية و معانا شنط كتير، بس حتى لو العربية فاضية أعتقد إنك لازم تحك في المطبات دي.
نصيحة لو بتستخدم طرق زراعية هذه السيارة لا تصلح بأي حال من الأحوال وعليك بال 4×4 .

اقتباس:

---

المشاركة الأصلية كتبت بواسطة Abuwaleed

أنا في العادة أفضل الطريق الصحراوي الشرقي الحر، ولكن يوم الأحد 10 مارس كنت جاي من القاهرة ونظراً لأن إخواننا سواقين الميكروباص كانو قاطعين الدائري فاضررت للنزول من نزلة المنيب وسلوك الطريق الزراعي حتى أخذت الطريق الدائري الإقليمي الجديد بعد البدرشين.
وكانت تجربة ويالها من تجربة ، معظم المطبات لا يمكن تجاوزها بأي طريقة كانت، حسبي الله ونعم الوكيل ، هذه المطبات لا يمكن تجاوزها إلا غذا كنت تركب عربية نقل أو 4×4 محترمة.
طبعا العربية حكت في معظم المطبات خصوصا وإننا كنا أربع أفراد راكبين العربية و معانا شنط كتير، بس حتى لو العربية فاضية أعتقد إنك لازم تحك في المطبات دي.
نصيحة لو بتستخدم طرق زراعية هذه السيارة لا تصلح بأي حال من الأحوال وعليك بال 4×4 .

---

طمني العربية شغالة دلوقتي ؟ هههههههههههههههه

انت كده معاك حمولة برضة اعمل حسابك لكن اخدت المطبات مباشر ولا متالته ؟ متقولش انك اخدتها متالته وحكيت برضه :crying2:

دي مشكلة البي ام في مصر على الزراعي للاسف - اخويا كان عايز يشتريها لكن كان خايف من كده برضه فياريت تقول لي كنت واخد المطب ازاي دا انا بيبقى معايا واحد بس ورا في الريو وباخد المطبات متالتة

متابع بالاضافة لسؤال كمان عن البنزين .. هل هو 92 ؟ وشايف سحب البنزين بتاعها عامل ازاي؟

اقتباس:

---

المشاركة الأصلية كتبت بواسطة ahmediz2000

متابع بالاضافة لسؤال كمان عن البنزين .. هل هو 92 ؟ وشايف سحب البنزين بتاعها عامل ازاي؟

---

شغاله ب 92 واستهلاك 6 لتر لكل 100 كيلو يعني أقل من معظم العربيات في مصر.

عربيه متصنفه على انها افضل عربيه compact excuctive فى العالم
الف مبروك لمقتنيها
ولكن يعيبها فى وجهة نظرى (العيب مش فيها طبعا العيب فى الموائمه) انها واطيه على الارض

اقتباس:

---

المشاركة الأصلية كتبت بواسطة 2code

طمني العربية شغالة دلوقتي ؟ هههههههههههههههه

انت كده معاك حمولة برضة اعمل حسابك لكن اخدت المطبات مباشر ولا متالته ؟ متقولش انك اخدتها متالته وحكيت برضه :crying2:

دي مشكلة البي ام في مصر على الزراعي للاسف - اخويا كان عايز يشتريها لكن كان خايف من كده برضه فياريت تقول لي كنت واخد المطب ازاي دا انا بيبقى معايا واحد بس ورا في الريو وباخد المطبات متالتة

---

العربية شغالة الحمد لله:)

مع الألم مع الأسف المطبات أخدتها متالتة وحكت برضو.

اقتباس:

---

المشاركة الأصلية كتبت بواسطة ahmediz2000

متابع بالاضافة لسؤال كمان عن البنزين .. هل هو 92 ؟ وشايف سحب البنزين بتاعها عامل ازاي؟

---

كما هو متكتوب في دليل المستخدم:
"ينصح بإستخدام 95 كما يمكن إستخدام 92"
في التوكيل قالوا : إستخدم 92 بدون مشاكل
أنا إستخدمت 92 والسحب أكثر من رائع وإستهلاك البنزين أقل من 6 لتر/100كم خارج المدن و حوالي 9 لتر/100كم داخل المدن ودا في رأيي إقتصادي للغاية.
يعني التفويلة ممكن تعمل حوالي 750 كيلو متر على الطوالي.

اقتباس:

---

المشاركة الأصلية كتبت بواسطة abuwaleed

العربية شغالة الحمد لله:)

مع الألم مع الأسف المطبات أخدتها متالتة وحكت برضو.

---

الحمد لله

طيب من رأيك انا اخويا هيستعمل الطريق الزراعي للاسيوط كتير لان شغله هناك في اسيوط بس هيكون تقريباً لوحده في العربية او معاه واحد جنبه بس يشتريها ولا هتحك منه وتفرسه ؟

اقتباس:

---

المشاركة الأصلية كتبت بواسطة 2CODE

الحمد لله

طيب من رأيك انا اخويا هيستعمل الطريق الزراعي للاسيوط كتير لان شغله هناك في اسيوط بس هيكون تقريباً لوحده في العربية او معاه واحد جنبه بس يشتريها ولا هتحك منه وتفرسه ؟

---

بص يا زعيم
لو مش هيفرق معاه الضريبه و موضوع رفع الدعم ده يخليه في ال x1 احسن

اقتباس:

---

المشاركة الأصلية كتبت بواسطة 2code

الحمد لله

طيب من رأيك انا اخويا هيستعمل الطريق الزراعي للاسيوط كتير لان شغله هناك في اسيوط بس هيكون تقريباً لوحده في العربية او معاه واحد جنبه بس يشتريها ولا هتحك منه وتفرسه ؟

---

لأ هاتحك منه وتفرسه، ياريت مايستخدمش الزراعي.