-
تكييف وسحب ميجان 2006
الحمد لله ربنا اكرمنى وجبت ميجان 2006 فى الحقيقة العربية جميلة جدا بس انا ليا ملاحظتين ارجو الافادة من اصحاب الخبرة:
1- التكييف حاسس انه مش قوى "رغم ان بعد الكشف على الدورة وتغيير الفلتر الصنايعى قاللى كله تمام" - المقارنة مع كيا سيراتو 2010
2- استجابة العربية لدواسة البنزين من الثبات فى اول الحركة حاسس انه بطئ يعنى بضغط اكثر "برده من السيراتو 2010" لكن بعد كده سحب ما شاء الله ممتاز
هل ده شيء طبيعى فى الموديل ده ولا ممكن يكون عيب محتاج صيانة ولكم جزيل الشكر
-
اولا مبروك عليك وربنا يبركلك فيها
كل الى حضرتك قلته طبيعى
تكييف الميجان ققل من الكورى فى الاشارات والتوقفات ولكن على سرعات وسفر ان شاء الله احسن
وبالنسبه لاستجابة العربيه دة بردة طبيعى وبردة ققل من الكورى لان العربيه اتقل منها ودة بيديك ثبات على سرعات عاليه احسن بكتير من الكورى
وحضرتك ممكن تجرب فرق استهلاك البنزين على سرعات عاليه لصالح الميجان هيفرق كتير جدا عن الكورى
ان شاء الله حضرتك تتبسط من العربيه بس خليك متابعها فى الصيانات ومتبخلش عليها بحاجه
-
دا طبيعى جدا فى الميجان
التكييف جيد و ليس ممتاز زى الكورى واليابانى
و الطلعة بتاعتها بطيئة و هتلاقى نفسك بتدوس بنزين كتير
عكس الالنترا و السيراتو انتا مش حاسس انك دايس و هى بتجرى
لكن ايه اخبار فرق العفشة هتلاقى الميجان احسن
-
solly and RSARABia متشكر جدا لاهتمامكم وذوقكم طمنتونى .. انا فعلا حابب العربية جدا انا عندى السيراتو والميجان كنت جايبها للمدام بدلا من اللانوس بس مخبيش عليكم بقيت ميال لركوبها جدا اكتر من السيراتو وفعلا العفشة لا تقارن بعفشة الكيا الناشفة جدددددددددددا
شكرا مرة تانية
Content Relevant URLs by
vBSEO 3.6.0 PL2