ثبات عربيتى اللانوس سيىء جدا
اخوانى الأعزاء و خصوصا محمد ممدوح . أنا بأعانى من عدم ثبات العربية اللانوس بتاعتى . العربية بعد الـ 90 بحس أنى راكب مركب فى المية أو مرجيحة فى مولد :banana:. و الدركسيون كأنه سايب فى أيدى مش عارف ليه ؟ و لما بكشف على العفشة بيقولوا أنها كويسة . و بقرأ فى منتدانا الغالى أن فيه ناس بتمشى على سرعة 130 و 140 ألخ وبنفس العربية اللانوس دى طب ايه الفرق :confused: و دى مواصفات لعلها ترشدكم للحل .
1 - العربية لانوس 1500 موديل 99
2 - أنا شاريها من 4 سنين و عدادها كان عامل 64000
3 - عدادها دلوقتى عامل 135000
4 - عمرى ما غيرت اى حاجة فى عفشتها من ساعة مشترتها و اعتقد الى كانت معاه قبلى عمرة ما غير حاجة برضة .
5 - انا استبدلت جنوطها الحديد بجنوط سبور 14 و الكاوتش مقاس 195/60
6 - ظابط الهواء على 30
انا عارف ان فى كذا موضوع عن الثبات فى المنتدى لكن انا مش عارف مشكلتى انا ايه ؟ يا ترى مساعدين و لا إيه بالظبط ؟
أرجو المساعدة الفورية لأنى أرفت من العربية :wacky: