يا اهل الطب هل لزيت البوبينا استخدام طبي ...!!!

كنت قاعد مع كهربائي سيارات ولقيت راجل " ستيني " ماسك عصايا وداخل بيقول للكهربائي اديني " زيت كهربا ":fun_broken: ...!!!
انا فغرت فاهي من السؤال الغريب ده ....!!!! لقيت صاحبنا الكهربائي فتح بوبينا ... او موبينه زي ما البعض بيقول عليها وفضى منها الزيت في زجاجة ... "الزيت اللى جوه البوبينا المسئول عن تبريدها ...!!! "
فبقوله ايه ده يا معلم ....!!!
قالى ده زيت كهربا بيدهن به رجليه عشان الروماتيزم ...!!! وقالي ده علاج من زمان الزيت بيكون مقدوح من السخونة والكهرباء وبيكون له اثر في علاج الوماتيزم ....!!!:wheelchair:
قالتله خلاص انت تكتب على ورشتك ...
( ورشة الاسطى الدكتور عادل لكهرباء السيارات والروماتيزم ) :F_eyeb1[1]:
حد له تفسير علمي للقصة دي عشان انا كنت بسمعها زمان بس كنت فاكرها تهريج زي الكهرباء الناشفه ...!!

ايه الكهرباء الناشفة دي ..!؟

اقتباس:

---

المشاركة الأصلية كتبت بواسطة misry

ايه الكهرباء الناشفة دي ..!؟

---

انت مادخلتش الجيش ولا ايه ...
الكهرباء الناشفة ظهر هذا المصطلح نتيجة لمقلب تقليدي بين المجندين ففي اول يوم لدخول دفعة المستجدين يسال المجند القديم المجند المستجد :

- استلمت المخلة ؟

- أيوه كله تمام .

- وأخدت أقراص السبرتو ( الكحول ) ؟

- هه ؟ سبرتو إيه اللي أقراص ؟ مش السبرتو ده اللي زى الميه ؟

- لا يا عبيط في الجيش السبيرتو أقراص .

طبعا يعتبر المجند الريفي أن زميله الأقدم يسخر منه ، ولكن بعد دقائق يراه يستخدم أقراص من الوقود الصلب – كانت موجودة في الجيش في وقت ما ولكن ما اعرفش هي موجودة دلوقتي ولا لأ – مع دهشة المستجد يفهمه القديم أنها أقراص السبرتو .

- عشنا وشفنا السبرتو أقراص .

- في حاجات كتير لسه هتشفها وهتتعلمها في الجيش ، بس الطيبة بتاعتك دي متنفعش طول ما أنت مش فاهم هياكلوا حقك .

- حقي في إيه ؟

- خد عندك مثلا الصولات بياخدوا الكهرباء الناشفة بتاعت المستجدين يبيعوها عشان هما ميعرفوهاش ، انت استلمت الكهرباء الناشفة بتاعتك ؟

يخجل المستجد من التشكيك في صدق الأقدم فقد ظهر أن السبرتو الذي يعرفه قد تحول إلي أقراص ، فلماذا لا تكون الكهرباء ناشفة وفي هذا الزمن لم يكن الريفيون يعرفون الكهرباء إلا قليلا - وهكذا يشهد اليوم الأول صداما بين أحد المجندين وأحد ضباط الصف بسبب مطالبته بحقه في الكهرباء الناشفة .

وعندما يكتشف المستجد الخدعة يراوغ الاقدم ويفهمه انه يقصد بالكهرباء الناشفة البطاريات الجافة ! ويعمل فيها عبيط !
ومن هنا ظهرت الكهرباء الناشفة

يا نهار ابيض , كل ده بيحصل للمستجدين , دول كانوا هيكلوا عليا عيش وحلاوة بالهبل ... :stink[1]:

الحمد لله اني ما دخلتش ... :36_1_34[1]:

ياعم سيبك من الكهرباء الناشفه (ولو انى اول مره اسمعها و اسمع عن اقراص السبرتو رغم انى دخلت الجيش 2004)
عاوزين حد يقولنا على موضوع زيت الكهرباء ده