السلام عليك صاحبى معاه سبفيك 94 امريكى اتسرقت من تحت البيت ورجعت ولكن :(

العربيه رجعت من غير التالى
رجعت من غير الجنوط السبور اللى كانو فيها
اخد الاسبيراتير بالضفيره بتاعتوا اللى جايه من عند الكنترول
اخد الكنترول
اخد السربنتينه والردياتير
اخد الكراسى بالكنبه
اخد فرش اربع ابواب بزراير الزجاج وقطع الضفيره بتاعتهم من الاربع ابواب
اخد العداد وزراير التكيف زهزايات التكيف الحمد لله ساب التابلوه بالايرباج
اخد فيبر القوايم اخد حزام الامان
دلوقت صاحبى جاله بيعه فيها ب 20 الف احنا بنفكر نصلحها ايه رايكم فكرت نشترى عربيه كامله من بورسعيد وناخد منها كل حاجه عاوز اعرف التكلفه هتبقى كام والصور قريب ان شاء الله

حسبي الله ونعم الوكيل ربنا يعوض على صاحبها بجد

لا حول ولا قوة الا بالله
ربنا يعوض على صاحبها و اكيد طبعا لو صلحها هيبقى احسن ما يبيعها ب 20 الف

امال اية اللى رجعت :d

اقتباس:

---

المشاركة الأصلية كتبت بواسطة kareemsi

العربيه رجعت من غير التالى
رجعت من غير الجنوط السبور اللى كانو فيها
اخد الاسبيراتير بالضفيره بتاعتوا اللى جايه من عند الكنترول
اخد الكنترول
اخد السربنتينه والردياتير
اخد الكراسى بالكنبه
اخد فرش اربع ابواب بزراير الزجاج وقطع الضفيره بتاعتهم من الاربع ابواب
اخد العداد وزراير التكيف زهزايات التكيف الحمد لله ساب التابلوه بالايرباج
اخد فيبر القوايم اخد حزام الامان
دلوقت صاحبى جاله بيعه فيها ب 20 الف احنا بنفكر نصلحها ايه رايكم فكرت نشترى عربيه كامله من بورسعيد وناخد منها كل حاجه عاوز اعرف التكلفه هتبقى كام والصور قريب ان شاء الله

---

معلش ربنا يعوض علية , شوف هية الحاجة مش غالية بس عموما انا هكتب تكلفتها :

رجعت من غير الجنوط السبور اللى كانو فيها : 1200 جنية استيراد مقاس 15 اصلى
اخد الاسبيراتير بالضفيره بتاعتوا اللى جايه من عند الكنترول : 450 جنية استيراد
اخد الكنترول : عموما سعرة 800 جنية
اخد السربنتينه والردياتير : 500 جنية لو الريدياتير تايوانى والسربنتينة استيراد , لكن لو الريدياتير استيراد هتكون التكلفة 750 جنية
اخد الكراسى بالكنبه : 2000 جنية الصالون كامل si
اخد فرش اربع ابواب بزراير الزجاج وقطع الضفيره بتاعتهم من الاربع ابواب: 600 جنية استيراد
اخد العداد وزراير التكيف زهزايات التكيف الحمد لله ساب التابلوه بالايرباج : 200+150 جنية =350 جنية استيراد
اخد فيبر القوايم اخد حزام الامان : 200+ 150 جنية = 350

دية اسعار الحاجة استيراد : واعتقد كدة التلكفة بتاعتة بأجمالى : 6400 جنية + 500 جنية مصنعيات

من الاخر 7000 جنية , وممكن تزود كمان 200 جنية عشان الفيش وشغل الكهربائى

طبعا يعملها ومايبعيش

وغالبا بس الاول يفكر فى حد كان سايبلة المفتاح , لان من الواضح انة ميكانيكى وعارف هو بياخد اية من العربية

لا حول و لا قوه إلا بالله . اللي سرقها ده صنايعي فاهم فيها وواضح انه أخد الحاجات دي لعربيه تانيه ركبهم فيها و منه لله . في الاول حضرتك اسأل علي اسعار الحاجات دي كام و بعد ما تعرف التكلفه ابقي قرر

حسبي الله و نعم الوكيل في الاشكال بنت ال @+¥#%
لو باعها بالمبلغ ده كده هو بيرميها ، يصلحها أحسن

x حسبي الله ونعم الوكيل
x وطبعا يصلحها احسن علشان ال 20000 دول مش هايجيبو حاجة

يصلح افضل فعلا

حسبنا الله و نعم الوكيل

ربنا يعوض عليه يا باشا, يصحلها ويكمل الحاجات دي وان شاء الله ترجع احسن م الاول

سامح باشا معلش طب هو فنجة السقف والموتور بتاعها والفرش بتاعها عاملين كام وز اعرف لو ا
والعربيه صاحبى عرضها ب 25 وانا اخدتها