الموضوع: سحب مقدمات حجز لتوكيل كيا

المشاركة الأصلية كتبت بواسطة Ahmed_Adham

ما البي ام كمان غليت وهيه تجميع محلي. وكل العربيات سعرها زاذ اكتر من مره. بس رأيي ان السيراتو خرجت عن الفئه بتاعتها وحلت محلها الريو. أقصد الفئه بين 120 و 150 ألف بدل ما كان فيها سيراتو والنترا بقت ريو وأكسنت.

يا استاذ احمد كل العربيات غليت كل حاجة غليت لكن احنا بنتكلم عن السعر الاساسي اللي نزلت بيه العربية كانت بـ186 الف ده برضه سعر مرتفع

يعني لما نقلو ان الدولار هيرجع زي زمان مثلاً والعربيات هترجع زي زمان (من ان اللي بيعلي مش بينزل) لكن هنقول ان العربيات هترجع وترخص تاني هتلاقي العربية بـ186 الف وكده زيادة برضه

والريو معدية الـ150 الف من زمان بالاوفر برايس لان سعرها دلوقتي 145 الف وبتتباع بأوفر 7 او 10 زيادة دلوقتي يعني تشوف العجب في العربيات والله تتجنن

الواحد معاه نعمة مش عربية الحمد لله من اوائل اللي اشتروا الريو ايام ماكانت بـ122 الف

المشاركة الأصلية كتبت بواسطة sherif shaheen

كلامك مظبوط و كل العربيات غليت بس محدش مقتنع و الناس مستخسره الفلوس فى كورى محدش حاسس أن الكورى بقا عربيات كويسة منافسة لليابانى غير أن اليبانى نفسه غلى أوى و للاسف بعض الناس هتسحب حجزها بس هيتفجؤا ان العربية منزلتش ﻷن فى ناس تانية كتير هتشترى و مش هيعرفوا يجيبوا حاجة تانية ﻷن كل العربيات غليت و بعد كده هيروحوا يدوروا على انواع أقل أو انواع ملهاش سوق و ده رأى شخصى و ياريت إلى هيسحب الحجز يفكر فى البديل قبل ما يسحبه علشان محدش يندم بعد كده و ربنا يوفقكم للاختيار الصح

منافسة للياباني ؟ يا استاذ شريف الياباني بينزل والكوري بيطلع

في ناس بتتعلم من اخطائها علشان كده متقدمة وفي ناس بترجع لورا زيينا كده في مصر قربنا نشوف الديناصورات من كتر ما بنرجع لورا

المشاركة الأصلية كتبت بواسطة 2code

منافسة للياباني ؟ يا استاذ شريف الياباني بينزل والكوري بيطلع

في ناس بتتعلم من اخطائها علشان كده متقدمة وفي ناس بترجع لورا زيينا كده في مصر قربنا نشوف الديناصورات من كتر ما بنرجع لورا

يا بيه براحا عليا بس
عندك الهوندا بكام أول فئه و فيها فرق اوبشن أد أه

و متحسبش على الكرولا إلى هتغير شكلها خلاص و لا البومة إلى نفس الشكل من عشر سنين علشان كده سعرهم أقل
شوف الشيب الجديد فى الكرولا هينزل بكام