مبدأيا 196 الف جنية جنية كتييييييييييير جدا على سيراتو , خصوصا انها اصبحت اضيق من الاول , ومن وجهة نظرى اقل جمالا من الموديل السابق
بس بجد وبدون هجوم على الكورى , المفروض ان الكورى دايما بيحقق المعادلة انك تركب عربية بأوبشن كويس + سعر قليل , دلوقتى بقى بيشيل فى الاوبشن وبيغلى العربية وعشان تركبها فول اوبشن لازم تجيب على الاقل الفئة القبل الاخيرة
يعنى محدش يقنعنى ان الريو دية ادفع فيها 145 الف جنية , والله العظيم بجد حراااااااام عربية زى دية يدفع فيها 145 الف جنية , مع احترامى لمالكيها بس بجد سعرها غير فئتها تماما
كيا سبورتج لية ادفع 240 الف جنية , والعربية اصلا كانت 180 الف جنية لما نزلت , واعتقد ان مافيش فرق جوهرى حصل فيها , عشان تزيد دة كلة , يعنى كدة الواحد راكب عربية , بأوفر بريس 40 الف جنية , وال20 الف دول هما زيادة الدولار وكارمهم كمان
معلش اسعار الكورى بقت استهبال بجد , والدليل على كدة السيراتو اهية نازلة من شهر 10 او 11 تقريبا , ولحد دلوقتى , ماشوفتش فى الشارع منها غير 3 عربيات لحد دلوقتى , ومعلش اعذرونى , مرتين شوفتها بالنهار شكلها كأنها موديل قديم مش جديد , ومرة واحدة شوفتها بالليل واللى ملفت فيها انوارها الخلفية الكبيرة بشكل اضاءتها , لكن العربية من جميع النواحى غريبة الشكل
- ومعلش هقول حاجة اخيرة , انا شوفت التويوتا ياريس الهاتشباك الجديدة شكلها جاااااااااااااااامد جداا , واشد من مليون ريو , الصراحة شكلها جميل جدا فى الامام والخلف , ولسة لما الموديل السيدان ينزل بردة هتظبط السوق التانى
معلش الكوريين كانوا الاول ناجحين عشان السعر القليل , لكن دلوقتى ولو فضلوا كدة الامور هتتسحب منهم كالعادة واهلا بالصينى
المفضلات