بسعر بين 25 الف الى 40 الف اشترى ايه ؟؟؟؟؟
بحيث يكون قطع الغيار رخيصة او على الاقل معقولة و السيارة تكون مريحة مع العلم انها اول سيارة حشتريها
عرض للطباعة
بسعر بين 25 الف الى 40 الف اشترى ايه ؟؟؟؟؟
بحيث يكون قطع الغيار رخيصة او على الاقل معقولة و السيارة تكون مريحة مع العلم انها اول سيارة حشتريها
دايو لانوس
دايو لانوس
منصحكش ب لانوس زي ما الرجالة قالو عشان هتجيبها موديل 2000 و هتبقى ب 40 او أعلى الفين مثلا بس منصحكش بيها عشان عربية كوري بقالها 13 سنة ف الشارع!
انا لو مكانك هجيب اسبيرانزا a113
و لو مش هيفرق معاك الشكل و السحب و عاوز حاجة تتعلم فيها و خلاص لحد ما ربنا يرزقك ب فلوس و تقدر تغير ل فئة أعلى يبقى هات ماروتي
.
.
نصيحة ابعد عن ال موديلات ال قديمة
راي لو تقدر تجيب فيرنا لو مش من هواة السرعة ..
فيرنا لو مش من هواة السرعة ؟!اقتباس:
المشاركة الأصلية كتبت بواسطة s o p h o s
مش فاهم قصدك يا كبير؟ قصدك ال فيرنا مش بتاعة سرعة و جري؟
لا مش قصدي كده يا باشا الفيرنا معروفة فالجري
بس علشان هي اول عربية يشتريها
والفيرنا فالفرامل والثبات بعد ال 120 كمثال سيئين خصوصا لو العربية مش متعدلة
ومفيهاش اي وسائل امان ..
اللانوس مهما كاانت احسن من الاسبرانزا بكتيير وعربيه اعتماديه جدا وقطع غيارها عند البقال وصيانتها سهله جدااقتباس:
المشاركة الأصلية كتبت بواسطة dr-a.7.m.a.d
الف شكر على النصيحة ولكنى بعانى مع اى حاجة صينى بسبب قلة الجودة وعيوب التصميماقتباس:
المشاركة الأصلية كتبت بواسطة dr-a.7.m.a.d
بالنسبة لسكودا فليشيا ؟؟؟؟ فيها عيوب ولا كويسة ؟؟؟؟؟
وبالنسبة لقطع الغيار رخيصة ولا اغالية (لانها المانى فاكيد غالية)؟؟؟؟
يا باشا بلاش فيليشيا بردواقتباس:
المشاركة الأصلية كتبت بواسطة heshamfathi
بلاش قديم
هتوجع دماغك و تضيع وقتك عند الميكانيكيه
و عموما دي آراء، انا بنصحك بس و بقولك رأيي
و ا ش ا ربنا يرزقك بالعربية اللي تناسبك
فى الأول قولنا حضرتك عندك كام سنة, متزوج, عندك اولاد, هتسافر بيها, عدد ساعات استخدامك, هتستخدمها فى ايه, طريقة سواقتك؟؟؟؟
كل المعلومات دى هتفيدنا فى اننا نقدر نحدد نوع العربية اللى تناسبك لأن كل واحد هيقولك اشترى عربية زى اللى هو راكبها لأنها فى نظره احسن عربية واحسن اختيار
على فكرة انا معايا ابيزا بس مش هقولك اشترى ابيزا غير لما تجاوبنى على الاسئلة دى لأن جايز قوى متنفعكش
24 سنة و اعزب و مش بسافر غير قليل و حستخدمها كتير عشان حروح بيها الشغل و الكورسات وده حوالى 3 مرات فى اليوم و انا متعلم السواقة وطلعت الرخصة لكن ممشتش كتير مع الزحمة والترلات والمشاريع فتقدر تقول لسه مبتدئاقتباس:
المشاركة الأصلية كتبت بواسطة karim ibiza
تمام قوى كدهاقتباس:
المشاركة الأصلية كتبت بواسطة heshamfathi
يبقى انت محتاج عربية شبابى مش عائلية
الموتور ميكونش كبير
تكون هاتش باك
تكون باور وتكييف
قطع غيارها معمرة وصيانتها سهلة
تعالى نجيب كل الماركات مع بعض ونشوف ممكن نجيب ايه بالمبلغ ده وبالمواصفات دى:
1- سوزوكى ألتو (فيه منها تكييف وباور والموتور ال 1100 سى سى) موديل 2006
2- اسبيرانزا a113 موديل 2008 - 2009
3- فيات برافا موديل 2000 - 2001
4- سيتروين c3 موديل 2003
5- تويوتا ستارليت موديل 1994
6- اوبل كورسا موديل 1994 1200 سى سى
7- فولكس بولو موديل 1998 1000 سى سى
8- دايهاتسو سيريون موديل 2000
9- فورد فيستا موديل 1998
10- فيات بونتو موديل 2002
11- سيات ابيزا موديل 2000
12- فيات اونو موديل 2000
13- فورد كا موديل 2000
14- سكودا فابيا موديل 2000
15- دايهاتسو ميرا موديل 2000
انا كده توهتك اكتر :)
عموما انت تقدر تحكم على كل عربية بنفسك عن طريق انك تدخل القسم الخاص بيها وتشوف قطع غيارها المناسبة ليك
ولو احتاجت اى حاجة فى الفولكس او الابيزا انا تحت امرك
اولا الف شكرا على الرد والاهتماماقتباس:
المشاركة الأصلية كتبت بواسطة Karim Ibiza
بس انا سمعت ان العربيات الهاتشباك بتبقى صعب بيعها شوية بعد كده
وبالنسبة لموضوع ان الموتور ميكونش كبير معناها ان يكون cc قليل ولا يكونىحجمه صغير؟؟؟؟؟؟
واخيرا بالنسبة لسيات ابيزأ انا نفسى اشتريها بس سمعت ان قطع غيارها غالية جدا فهل ده حقيقى؟؟؟؟ وكمان بالنسبة ﻷعربية نفسها هل هى عربية كويس ومريحة فى الاستخدام والصيانة؟؟؟؟؟
ما هى مشكلتنا كشعب اننا بنسمع اكتر ما بنشوفاقتباس:
المشاركة الأصلية كتبت بواسطة heshamfathi
اقولك على حاجة: انا اول ما وعيت على الدنيا كان معانا فيات 128 موديل 83 وبعدين قعدت معانا حوالى 21 سنة وبعدين جبنا لادا موديل 84 وكنت دايما اسئل الحاج الله يرحمه ليه منجبش عربية حديثة شوية موديل تسعينات انجيكشن وكده, كان يقولى لو باظت هتصلحها بكام وهتجيبلها قطع غيار منين ومين هيصلحهالك لكن اللادا اى حد بيصلحها وقطع غيارها عند البقال ببلاش
المهم انا بعد الحاج ما اتوفى انا بعت اللادا وجبت ابيزا 98
تخيل ان فيه بعض قطع الغيار فى الابيزا ارخص من اللادا وكمان معمرة اكتر وكمان بقيت بعمل حاجات فيها بأيدى
خلاصة الكلام: متسمعش كلام حد غير اللى معاه العربية اللى انت عايز تجيبها
يعنى شوف واحد صاحبك يكون معاه عربية من العربيات دى واسئله على قطع غيارها وجربها منه كمان
عموما انا كان قصدى موتور صغير يعنى cc قليل يعنى من 1000 الى 1400 سى سى
بالنسبة للأبيزا هى فى الاصل اسبانى لكن كل مكوناتها ألمانى لأنها تبع فولكس جروب, يعنى كأنك راكب عربية ألمانى بس بسعر مدعم لأنها ارخص من البولو مع ان قطع غيارها كلها بولو وصالونها زى صالون الجولف من حيث الوسع
طبعا العربيات الالمانى معرفة بالفخامة وجودة الخامات الداخلية والثبات على السرعات العالية والامان والاعتمادية وطوول العمر الافتراضى لقطعة الغيار والعربية نفسها
عموما دى شوية مواضيع لقطع الغيار
http://www.nilemotors.net/Nile/304855-a.html
http://www.nilemotors.net/Nile/177112-seat.html
http://www.nilemotors.net/Nile/177352-94-2010-a.html
http://www.nilemotors.net/Nile/341028-a.html
انا انصحك بالسكودا فليشيا بلاش سكودا فابيا قطع غيارها نادرة عربية مدرعة وتمشى مع المطبات المصرية والميكانيكا بسيطة وقطع غيارها زى الكورى فى السعر وممكن تجيب جولف 2 كاربراتير بلاش الانجكشن وحوار الرشاشات والكومبيوتر والبنزين 92 الكاربراتير بيمشى بالبنزين ال 80 ابعد عن العربيات الأنجكشن طالما دى اول عربية الميكانيكية بتوعها غاليين وقطع غيار غالية ومبروك مقدما !!!
الفليشيا فعلا عربية كويسة لأنها برده تبع فولكس جروب بس انا عن نفسى بفضل الموديل اللى هو وش الاوكتافيا لأن موتوره صوته انعم بسبب ان سير الكاتينة كاوتش مش جنزير زى الموديل اللى قبله وصوته خشناقتباس:
المشاركة الأصلية كتبت بواسطة aw2100
الجولف 2 موديل قديم لأن اخرها كان 92 وكمان قطع غيارها بقت غالية وقليلة
ممكن الجولف 3 وقطع غيارها زى الابيزا وموديل حديث وباور وتكييف وواسعة
ياباشا مش لما الاول يكون فيه بنزين 80!!!!!
بالعكس الانجكشن فعلا بتحطله 92 بس بيوفر اكتر من الكربراتير من ناحية الاستهلاك
انا ركبت الكاربراتير والانجيكشن وملقيتش الميزة اللى حضرتك بتتكلم فيها دى عن الكاربراتير ولا العيب بتاع الانجيكشن
انا برده محتار الحيرة بتاعت صاحب الموضوع ....كان عندنا بيجو 504 وبعناها ب 26 الف علشان مشاكلها كانت كتير والحاج تعب منها وقولنا نكتفى بالصنى الجديدة...بس صراحة محتاجين عربية تانية فلما دورت فى رنج 25 لحد 40 او 45 لاقيت الكويس النوبيرا والانوس والفيرنا كلهم جديد لحد 2004 عربيات ماتورها كويس وقطع غيار متوفرة ومادام انت لوحدك ومش بتسافر كتير انا عن راى المتواضع جدا الفييرنا هى انسب حاجة ومناسبة جدا لشوارعنا وشبابية برده ولو عاوز تظبطها تقبل كل حاجة.....والاستخارة وربنا يوفقك
نوبيرا او فيرنا و توكل على الله و معلومة الانوس من 99 لغاية 2004 زى الفل بعد 2004 رايحة فى داهية يعنى لو وقع قدامك واحد 2002 نضيفة يبقى عسل قوى ...
طيب داوقتى المقارنة الاخيرة بين سيات ابيزا و سكودا فليشيا و هيونداى اكسيل ؟؟؟؟؟؟
هيونداى اكسيل كورى لااقتباس:
المشاركة الأصلية كتبت بواسطة heshamfathi
سيات ابيزا لو كاربراتير تبقى 10/10 بس قطع غيارها غالية شوية
طبعا حبيبتى سكودا فليشيا كاربراتير برضه ده افضل اختيار متانة الدبابة وقطع غيار متوفرة ورخيصة و ميكانيكا بسيطة فاى ميكانيكى لادا حاليا بيصلحها ومبروك مقدما وعموما ابعد عن الأنجكشن !!!
طيب بالنسبة للسكودا فليشيا فى مناها بور وتكيف وبكام ؟؟؟؟
انا هقولك عن الاكسيل مزايا و عيوب و انت قرر
المزايا:
- قطع غيار رخيصة و فى منها استراد كتير و سعرها معقول جدا
- قليلة الاعطال و دا نتيجة انها مفيهاش اى تكنولوجيا من الاخر ماتور و فتيس و عجل و اى حد بيصلحها.
- شكلها مقبول لحد دلوقتى.
- صاجها اقوى من الفيرنا و الانوس ماعدا الكبوت بيطبق لوحده.
- عربية بتجرى كويس بالمكنة ال 1500 لكن العزم بتاعها ضعيف.
- لما تحب تبيعها تتباع فى يوم و ماسكه سعرها.
العيوب:
- العفشة ضعيقة فلو طريقك مكسر يبقى مش هتريحك بالاخص لو بتركب عربيات اعلى.
- قطع غيارها الاستراد قلت عن الاول لاتجاه التجار للفيرنا و اخواتها.
- مش هتعرف تروشها و ما شوفتيش حد قبل كده مروش اكسيل.
- التكييف بيكتف العربية دا لو شغال اصلا لان معظم الاكسيل بيغير التكييف لسندان عشان تكييفها مش اوى خصوصا الخليجى.
- استهلاك البنزين متوسطه 10 لتر لكل 100كم (اوتوماتيك) مش بيفرق كتير 80 او 92 الاستهلاك واحد تقريبا بالعكس بحس ان ال 80 بيقعد اكتر!!!!!!.
فلو هتغيرها فى وقت قريب هتبقى اختيار مناسب لكن لو هتقعد معاك وقت طويل يبقى هنا افضلك الشاهين المكيفة موديلات قريبه لو شكلها مش مشكلة بالنسبة ليك لان فى منها تاكسي و بكده تضمن توافر قطع الغيار بسهولة. ما تنساش الاستخارة.
كلام سليم جدا ، انا شخصيا ارشح الاكسيل 1500اقتباس:
المشاركة الأصلية كتبت بواسطة survival
الموديلات سكودا فليشيا من 99 الى 2002 الglx وش اوكتافيا مكيفه وفى منها مرايات وزجاج كهرباء وسنترلوك بريموت مشفر وموتور 1300 انجكشن بس على اسكترا مش باور بس الدركسيون خفيف قوى بالنسبة للسعر كانت فى حدود 35000 قبل ماسعر المستعمل يزيد دلوقتى ماعرفش اسعارها ايه !!!اقتباس:
المشاركة الأصلية كتبت بواسطة heshamfathi
انا بحب الموديل ده لأنه حديثاقتباس:
المشاركة الأصلية كتبت بواسطة aw2100
اولا معلش انا عارف انى تعبتكم معايا جدا, فانا متشكر جدا ليكم اولا.
ثانيا دلوقتى الاختيارات الاخيرة بالنسبالى هى : هيونداى اكسل 1500cc او دايو لانوس1
وانا معايا حاليا بالظبط 38 الف فياريت لو حد يعرف يعمل مقارنة مابينهم و شكرا جدا
لو قدامك العربيتين دول اللانوس1 ارحم احسن الوحشيين ومبروك مقدما !!اقتباس:
المشاركة الأصلية كتبت بواسطة heshamfathi