الموضوع: كلاكيت، مشكلة فى فتيس لانوس اتوماتيك وحتاج مشورة

الاول احب اشكر اسلام لمساعدتة ومكالمتة ليا،
Eslam.Adly
المهم بعد ما اسلام عرفنى الميكانيكى بتاعة، واحد صاحبى الميكانيى بتاعة جابلى الفتيس ب 800 جنية وهيركب ب 200 جنية، قلت كويس وفرت 200 جنية.
رحت بالعربية للميكانيى اول ماوقفت قالى العربية بتنقت مية من تحت، طلمبة الماية عملتها والتوفير راح بردة على العربية.

صورة الطلمبة بعد فكها



يوم الحمعة جبنا لافتيس وفك القديم وكملنا التركيب يوم السبت.

صورة الفتيس القديم





خلصنا وطلعنا نجرب كلة شغال كويس، رجعت ووقفت قدام الورشة وببص تحت العربية القى زيت بينقط تانى .
المرة دى الكارتيرة مرشحة، فكيناها ولحمنا الاخرام الى فيها وزودنا زيت وروحت.
لسة الموضوع مخلصش، وانا فى الطريق للبيت لمبة pwr بتاعت الفتيس نورت متقطع، نفس الموقف السابق، كلمت الميكانيكى وانا عايز اضربة، قالى وزت زيت، انا ساكن فى 6 اكتوبر والعربية عملت الموضوع دة على المحور، روحت بنزينة شل الى قبل البوابات معندوش، الامارتية الموجود اللتر ب 74 جنية، وموبيل الى بعديهم مفيهاش زيوت من اصلة، روحت على شل فى الشيخ زايد بردة معندوش، رحت مكمل على توتال والحمد الله لقيت الليتر 30 جنية جبت اتنين لتر وزودت وشلك كابل البطارية 3 دقائق ورجعتة، واللمبة لسة منورة.
النهاردة الصبح لقيت رشح زيت تحت العربية، الميكانيكى هيجى النهاردة يشوف فية اية.
الحمد الله على كل شئ ودعواتكم الموضوع يخلص.

والسلام ختام