استفسار عن مركز صيانة موثوق وأسعاره معقولة في الحرفيين أو قريب منها
السلام عليكم
عايز أعمل صيانة دورية للوجان هي موديل 2010 وماشية 30 ألف كيلو بس تقريبا من ساعة ما جت متعملهاش صيانات غير تغيير زيت وفلتر وبوجيهات ومعملتش صيانات في التوكيل قبل كده
فمحتار عايز أوديها مكان برة التوكيل في الحرفيين مثلا بس خايف يشتغلوني لأني مش بشتكي من حاجة معينة أنا عايز حد يشيكلي عليها كلها ولو في أي حاجة عايزة تتغير يغيرهالي زي التيل مثلا وينضفلي البوابة ويركبلي فلتر تكييف عشان مفيهاش ويغيرلي فلتر البنزين وقلب الطرمبة ويكشفلي على السيور ولو عايزة تتغير يغيرها وكده
وبقول أوديها لفرنش موتورز مثلا اللي في جسر السويس هما ناس محترمة بس أسعارهم أسعار توكيل برده وهياخدوا مني الطاق طاقين
فعايز حد يفيدني وينصحني أفادكم الله