استشاري القلب والاوعية الدموية

**د.هشام** · 26-03-2013 05:37 PM

المشاركة الأصلية كتبت بواسطة dew drops

دكتور هشام استفسار خاص بزوجتى هى اثناء الحمل اول مرة بدأت تحس بزيادة فى ضربات القلب ودوخة شديدة جدا احيانا تكاد تفقد الوعى وبعمل موجات صوتية على القلب تبين وجود ارتخاء بسيط فى الصمام الميترالى علما بانها لم تكن تشعر باى اعراض قبل الحمل
وبعد الولادة استمرت هذه الاعراض حتى انها لا تستطيع القيام بمجهود حتى حركات الصلاة نفسها تشعرها بالتعب وضيق التنفس وخاصة مع ارتفاع درجة حرارة الجو
سؤالى هل يوجد علاج معين يمكن اخذه لضبط ضربات القلب وهل لو حدث حمل مرة اخرى ستزيد هذه الاعراض
شكرا

نبتدي الموضوع من الاول
طبيعي في الحمل بيكون فيه زيادة في سرعة ضربات القلب ودوخة، بسبب تغيير في الهرمونات، وانخفاض بضغط الدم ودا طبعا غير زيادة سرعة ضربات القلب اللي بتحصل اثناء الولادة.
اما موضوع ارتخاء الصمام الميترالي، انا بصراحة مش مقتنع بيه، علشان غالبا مابيكونش فيه أي ارتخاء.
بالنسبة لأسئلة حضرتك، قبل ما أجاوبك، عايز المدام تعمل الاتي :
- تحليل هيموجلوبين بالدم، لإستبعاد الأنيميا
- متابعة ضغط الدم علشان نتأكد ان الضغط لا ينخفض
- عمل موجات صوتية تانية للإطمئنان على عضلة القلب

**usama_usmm** · 03-04-2013 11:01 PM

السلام عليكم ورحمة الله وبركاته
انا ععندي بنتي عندها حاليا سنه وسبع شهور ومولوده بثقبين واحد قفل وواحد لسه وهو 4.2 م وبتاخد لاسيكس وكابوتريل ومنتظمين مع الدكتور وموجات صوتيه باستمرار وقالي ممكن يقفل لوحدو بس ربنا ما اردش وسالت الدكتور علي عمليه وكده قالي لا ولسه في فرصه وامل كبير في ربنا بس البنت ضعيفه قوي ومعندهاش مناعه خالص وبترجع كتير من ساعة ماتولدت وصدرها بيقفل بالذات بالليل علي فترات انا قلقان جدا عليها ومش عارف اعمل ايه ارجوك دلني واسف علي الاطاله

**د.هشام** · 04-04-2013 12:23 AM

المشاركة الأصلية كتبت بواسطة usama_usmm

السلام عليكم ورحمة الله وبركاته
انا ععندي بنتي عندها حاليا سنه وسبع شهور ومولوده بثقبين واحد قفل وواحد لسه وهو 4.2 م وبتاخد لاسيكس وكابوتريل ومنتظمين مع الدكتور وموجات صوتيه باستمرار وقالي ممكن يقفل لوحدو بس ربنا ما اردش وسالت الدكتور علي عمليه وكده قالي لا ولسه في فرصه وامل كبير في ربنا بس البنت ضعيفه قوي ومعندهاش مناعه خالص وبترجع كتير من ساعة ماتولدت وصدرها بيقفل بالذات بالليل علي فترات انا قلقان جدا عليها ومش عارف اعمل ايه ارجوك دلني واسف علي الاطاله

ألف سلامة على بنت حضرتك
انا غايزك بس تطمئن ولا تقلق
حجم الثقب صغير وان شاء الله حيقل بالتدريج لغاية ما يقفل، وان شاء الله لما حجم الثقب يقل، أعراض احتقان الرئة حتختفي
يا ريت حضرتك تبعتلي صورة من تقرير الموجات الصوتية، أو تبعتلي الملخص النهائي ، علشان عايز اعرف بس مكان الثقب

**usama_usmm** · 05-04-2013 01:27 AM

متشكر جدا جدا علي اهتمام حضرتك بس انا مش خبره اوي ومعرفش ابعتهملك ازاي بس هسال وهحاول ابعتهم ومتشكر لاهتمامك مره تانيه

**د.هشام** · 05-04-2013 10:10 AM

المشاركة الأصلية كتبت بواسطة usama_usmm

متشكر جدا جدا علي اهتمام حضرتك بس انا مش خبره اوي ومعرفش ابعتهملك ازاي بس هسال وهحاول ابعتهم ومتشكر لاهتمامك مره تانيه

اسهل طريقة صور الموجات الصوتية وابعتها على ال e-mail

**usama_usmm** · 07-04-2013 09:09 PM

المشاركة الأصلية كتبت بواسطة د.هشام

اسهل طريقة صور الموجات الصوتية وابعتها على ال e-mail

**usama_usmm** · 07-04-2013 09:24 PM

السلام عليكم يادكتور هشام بشكر حضرتك جدا علي زوقك واهتمامك بالرد السريع وربنا يجعله في ميزان حسناتك انا بعت لحضرتك اخر موجات بالتقرير بتاعها واللي قبل الاخيره كمان علي الايميل بتاع حضرتك بس مش عارف وصلو ولا لا وانا في انتظار الرد من حضرتك وشكرا

**د.هشام** · 08-04-2013 12:47 AM

المشاركة الأصلية كتبت بواسطة usama_usmm

السلام عليكم يادكتور هشام بشكر حضرتك جدا علي زوقك واهتمامك بالرد السريع وربنا يجعله في ميزان حسناتك انا بعت لحضرتك اخر موجات بالتقرير بتاعها واللي قبل الاخيره كمان علي الايميل بتاع حضرتك بس مش عارف وصلو ولا لا وانا في انتظار الرد من حضرتك وشكرا

الصور وصلت كلها يا باشا
والحمد لله الموجات الصوتية زي ما توقعت
الثقب بين البطينين وهو ثقب صغير، والحمد لله مكانه من النوع اللي بيقفل، علشان فيه أماكن تانية الثقب مابيقفلش فيها.
الثقب بتاع بنت حضرتك ان شاء الله حيفضل يصغر بالتدريج لغاية ما البنت توصل تقريبا ٦ سنين.
يعني ممكن قوي قبل كدة يقفل.
لا تقلق من اعراض احتقان الرئة، اللي حتتقل بالتدريج، وان شاء الله حتختفي خلال سنتين لما الثقب يصغر، يعني حتي قبل ما يقفل.
تحب اكمل معاك في الاحتمالات؟
طيب لو الثقب ما قفلش تماما. حجمه مش حيكون ليه أي تأثير على القلب والبنت حتعيش حياة طبيعية.
حروح معاك أبعد من كدة علشان تطمن. طيب لأسوأ الاحتمالات لو الثقب بعد ٦ سنين ما قفلش وأثر علي القلب مع ان دا احتمال مستبعد جدا، عايز اقوللك ان الثقب دا بيتقفل دلوقتي بالقسطرة، مش لازم عملية.

**usama_usmm** · 08-04-2013 01:02 AM

انا بشكر حضرتك جدا جدا انت رفعت منروحي المعنويه اللي يباركلك ممكن اتاقل عليك في سوال كمان
البنت ضعيفه جدا جسمانيا وبتاكل بصعوبه وحللنا انيميا طلع عندها انيميا وبتاخد حديد +انها بتاخد اصلا كالسي كال وديفي ديروب عشان نقص كالسيوم حتي واضح في قورتها وطبعا زي ما قلت لحضرتك ترجيع كتير واسف للاطاله