وهل النوبيرا جيدة في السفر بإستمرار وقطع المشاوير الطويلة.وايه افضل عربية كورية من حيث دورة التبريد.يعني مابتسخنش؟وتستحمل السفر لمسافات طويلة ؟ وشكرا
عرض للطباعة
وهل النوبيرا جيدة في السفر بإستمرار وقطع المشاوير الطويلة.وايه افضل عربية كورية من حيث دورة التبريد.يعني مابتسخنش؟وتستحمل السفر لمسافات طويلة ؟ وشكرا
حد يعبرني يا شباب ويفهمني.اخوكم في زنقة
بص يا باشا انا داخل بس عشان اقولك انى مندهش بس من انك تقارن نوبيرا 2 ب هيونداى اكسيل 97 !
ف ياريت تكون فهمت أصدى من غير ما أشرح !
وانا كمان والله اندهشت:eee:اقتباس:
المشاركة الأصلية كتبت بواسطة mxz911
يا جماعة يمكن الراجل ما لوش خبرة ايه المشكلة. المهم يا باشا طبعا الحالة هي الأساس لكن لو الاتنين حالة كويسة يبقي ال اكسيل طبعا. هههه بضحك معاك. ال نوبيرا طبعا 1 أو 2. عربية حمالة أسية واسعة و قطع الغيار عند البقال. المانيوال حكاية لكن الأوتوماتيك تقيلة حبتين في مشيها. أهم حاجة الصيانة و الاهتمام.
شكرا يا رجالة.وفوق كل ذي علم عليم.
طب ممكن حد يشرح الفروق بين السيارتين من حيث الثبات وسعة الموتور واستهلاك الوقود وقطع الغيار ونعومة الموتور. لأن الأكسيل ليها عشاق كتير جدا وفي منهم شايفينها اكثر من ممتازة.
النوبيرا احسن في كل حاجه طبعا
طبعا مفيش وجه مقارنة بين العربيتين
بس يمكن حضرتك قصدك على نوبيرا 1 عشان سعرها قريب من الإكسيل بس بردو أعلى منها ب 5 آلاف على الأقل
يا ريت حضرتك تقول عاوز حاجة ف حدود مبلغ كام عشان نقدر نقولك الخيارات المتاحة قدامك
و نصيحة بما إنك جديد ف موضوع العربيات متشتريش لوحدك و متتسرعش عشان متتدبسش ف عربية تطلع عينك
على الأقل يكون معاك حد من اصحابك او قرايبك بيفهم كويس
بص انا هجيبلك من الاخر الاخر الاخر يعنى .
النوبيرا أحسن فى كل حاجه ( قوه وأداء وعزم الموتور 106 حصان ما شاء الله . وسع الصالون الداخلى . وسع الشنطه . ثبات العربيه . الباور ستيرنج بتاعها Full power . التكيف . ده غير ان كل النوبيرا بتبقى فول اوبشن اللى هيه الازاز فيه وحده رفع مثلا بيتقفل لوحده اما تقفل العربيه . انذار سرقه . سنترلوك فى المفتاح الاصلى بتاعها )
معادا استهلاك البنزين . فالاكسيل أحسن وممكن كمان تحطلها بنزين 80 !
احسنت.وشكرا يا باشا
النوبيرا افضل فى كل حاجة الا استهلاك البنزين فى الزحمه
لكن دوره تبريد طالما فيها مياه ما بتسخنش ابدا - تكييف جامد - ثبات عالى - موتور يستحمل كل حاجة - سافر بيها كل يوم 500 كيلو مش هتقول لا
بس اهم حاجة تهتم بالصيانات و متحطلهاش زيوت موبيل بتخلى ماتورها يجعر