الكومبريسور بيفصل كل ١٦ ثانية و يشتغل تاني بعد ٤ ثواني

**Nashaat Rady** · 18-03-2013 03:17 AM

دلوقتي انا معايا تيدا ٢٠١٣، لاحظت الآتي: الكومبريسور يشتغل ١٦ ثانية و يفصل ٤ ثواني، و يشتغل ١٦ ثانية و يفصل تاني الي ما لا نهاية، رو حت التوكيل قالولي عادي و لما ضغط عليهم قالوا مش عادي بس الجهاز اللي بيكشف علي التكييف بتاعنا بايظ دلوقتي و محتاج كاليبراشن عشان نقدر نقرر العيب فين... و حنكلمك قريب، طبعا انا حاسس انه بيزاولني...

طالب النصيحة من أهل الخبرة
تحياتي

**SAMEH_FOUAD** · 18-03-2013 07:01 PM

طيب عموما ياباشا مشكلة الكومبرسير لما بيعمل كدة بيبقى حاجة من الاتنين :

1- فريون قليل فى دورة التبريد

2- تلف فى كلاتشات الكباس

- عموما ياباشا ممكن تروح لاى فنى تكييف وقولة عايز اقيس الفريون قد اية , ساعتها هيقولك هل فية فريون فى الدورة ولا لأ

**Nashaat Rady** · 18-03-2013 07:11 PM

هو للعلم بالشئ، التبريد يعمل بكفائة، مع اقل درجة مروحة و درجة حرارة حوالي ٢٢... تبريد ممتاز...

لكن ساعات لما بزود بنزين و الكومبريسور شغال بسمع صوت نعرة خفيفة.

انا كنت في التوكيل و التوكيل كان زحمة و حسيت أنهم بيوزعوني و قالولي حانكلمك تاني عشان جهاز الكشف علي دورة التكييف محتاج كاليبراشن....

طبعا انا عارف انه بيزاولني، بس قلت ماشي، بعدين عشان انا كمان كنت مستعجل.

و هل كلاتشات الكباس دي بتستدعي تغيير الكباس كله... بما ان العربية في الضمان، ولا ده حاجة صغيرة..

شكرًا و تحياتي

**SAMEH_FOUAD** · 19-03-2013 09:00 AM

انا عايز اعرف حاجة ازاى تبريد ممتاز وازاى الكباس مش بيشتغل غير 16 ثانية بس , هو كدة مش هيلحق يقوم بوظيفتة كاملة

عموما : طالما زى ماحضرتك بتقول التبريد عندك ممتاز والتبريد ممتاز يبقى كدة هستبعد تلف الكباس فى الحالة دية وهتجة الى : cut-out الكومبروسير او كتاوت الكباس فبتعلق فبتعمل العيب دة

مع انى حاسس ان مشكلتلك دية سببها الكباس من الاساس بس خلينا نمشى خطوة خطوة

وعموما سبب النعرة اللى بتسمعها دية بتبقى من حاجة اسمها بلية الكباس ودية بتتغير عادى جداااااااا

**Nashaat Rady** · 19-03-2013 09:23 AM

هو حضرتك بيفصل كل ١٦ ثانية و بـ يشتغل تاني بعد ٤ ثواني الي ما لا نهاية،

انا امبارح اول مرة الاحظ انه مضطر انزل الحرارة الي ١٩ عشان احس بكفائة التبريد.

العربية يدوبك عاملة ٣٠٠٠ كيلو، والتوكيل قاللي حانكلمك لما نظبط الجهاز بتاعنا...

بس انا ما بحبش المزاولة، عشان كده عايز اعرف، و بتاقل عليك....

تحياتي

**Nashaat Rady** · 19-03-2013 10:01 AM

المشاركة الأصلية كتبت بواسطة Nashaat Rady

هو حضرتك بيفصل كل ١٦ ثانية و بـ يشتغل تاني بعد ٤ ثواني الي ما لا نهاية،

انا امبارح اول مرة الاحظ انه مضطر انزل الحرارة الي ١٩ عشان احس بكفائة التبريد.

العربية يدوبك عاملة ٣٠٠٠ كيلو، والتوكيل قاللي حانكلمك لما نظبط الجهاز بتاعنا...

بس انا ما بحبش المزاولة، عشان كده عايز اعرف، و بتاقل عليك....

تحياتي

بس انا متأكد ان التبريد ليس به مشكله، امبارح الضهر كان الجو حر برده و ١٩ مش وحش و مش واطي قوي برده...

انا شاكك زيك في ال compressor ككل...

في التكييفات المنزلية او المركزية لما مشاكل مشابهة بتحصل بنغير ال compressor...

مع ان تكوين compressor السيارة مختلف...

حاجة شخصية... اسم حضرتك مش غريب عليا، انا خريج هندسة عين شمس ميكانيكا باور... حضرتك مهندس برده مش كده ؟

**SAMEH_FOUAD** · 19-03-2013 06:49 PM

المشاركة الأصلية كتبت بواسطة nashaat rady

بس انا متأكد ان التبريد ليس به مشكله، امبارح الضهر كان الجو حر برده و ١٩ مش وحش و مش واطي قوي برده...

انا شاكك زيك في ال compressor ككل...

في التكييفات المنزلية او المركزية لما مشاكل مشابهة بتحصل بنغير ال compressor...

مع ان تكوين compressor السيارة مختلف...

حاجة شخصية... اسم حضرتك مش غريب عليا، انا خريج هندسة عين شمس ميكانيكا باور... حضرتك مهندس برده مش كده ؟

والله هو الطبيعى ياباشا ان الكباس يشتغل على الاقل لمدة 3 دقائق وبيكون على حسب سرعات المروحة اللى انت محددها بناء علية بيطول فى الضغط شوية او بيقل وبيفصل لمدة تقريبا 40 ثانية وبيشتغل تانى

كدة حضرتك عندك الوقت الزمنى لتشغيل الكباس قليل جدااااا , مايلحقش اصلا يسقع حاجة ودة اللى انا مستغربلة ازاى 16 ثانية يلحق يسقع وبعدين تجربة التكييف والعربية ماشية مش وهية واقفة عشان هيكون فية فرق فى التشغيل

- عموما ياباشا انا مهندس ايوة , بس القاهرة مش عين شمس

**Nashaat Rady** · 20-03-2013 08:11 PM

المشاركة الأصلية كتبت بواسطة sameh_fouad

والله هو الطبيعى ياباشا ان الكباس يشتغل على الاقل لمدة 3 دقائق وبيكون على حسب سرعات المروحة اللى انت محددها بناء علية بيطول فى الضغط شوية او بيقل وبيفصل لمدة تقريبا 40 ثانية وبيشتغل تانى

كدة حضرتك عندك الوقت الزمنى لتشغيل الكباس قليل جدااااا , مايلحقش اصلا يسقع حاجة ودة اللى انا مستغربلة ازاى 16 ثانية يلحق يسقع وبعدين تجربة التكييف والعربية ماشية مش وهية واقفة عشان هيكون فية فرق فى التشغيل

- عموما ياباشا انا مهندس ايوة , بس القاهرة مش عين شمس

والله يا سامح باشا التبريد ممتاز و علي اقل مروحة كمان و درجة حرارة ٢٢..

وأنا ماشي و انا واقف الأداء ممتاز.... لكن صداع....

انا بس مستني التوكيل يكلمني عشان اروح يكشفوا علي كل حاجة..

والله الموفق