رخصت سيارتى سوف تنتهى فى 16-4-2013 وملف السيارة موجود فى مرور بولاق
غيرت البطاقة من شبرا الى مصر الجديدة العام الماضى
ارجو معرفة خطوات نقل ملف السيارة الى مرور مصر الجديدة
رخصت سيارتى سوف تنتهى فى 16-4-2013 وملف السيارة موجود فى مرور بولاق
غيرت البطاقة من شبرا الى مصر الجديدة العام الماضى
ارجو معرفة خطوات نقل ملف السيارة الى مرور مصر الجديدة
شهادة مخالفات + بطاقتك و بتروح تقدم عالتجديد في المرور الجديد عادي جدا
ممكن يطلبوا منك مطابقة و ممكن لأ انت و حظك
بس لو رحت بعد انتهاء الرخصة بيوم هيبقى لازم مطابقة و شهادة بيانات لذلك حاول تعملها قبل الانتهاء
هتروح المرور القديم تجيب شهاده بيانات وشهاده مخالفات وممكن تسلم الرخصه ونمر العربيه هناك كمان. وبرضه تعمل مطابقه بصمه (نموذج فحص) وبعدين تاخده مع شهاده البيانات على المرور الجديد هتشتري ملف جديد وهتعمل فحص تاني بنموذج جديد وبعدين تسلم الورق ده كله في الشباك وتاخد الرخصه والنمر الجديده. تمن اللوحات بس 150 جنيه ولو التأمين القديم لسه شغال هتعمل منه ملحق ولو منتهي يبقى هتعمل تأمين جديد طبعا.
ده اللي حصل معايا وأنا بنقل العربيه في شهر 11 علما بأنها كانت بأسمي في المرور القديم برضه لكن لو مش باسمك بتحتاج التوكيل الاصلي مع الخطوات اللي أنا قلتها دي.
أيوه بتجيب جواب مختوم من البنك برفع الحظر يكون فيه رقم الموتور والشاسيه. أنا شوفت الجواب ده مع واحد وأنا واقف في الطبور. الموضوع بياخد وقت على فكره يعني المرور القديم يوم كامل والجديد يوم كامل ويمكن يومين في القديم أو الجديد كمان يعني تحط أعصابك في تلاجه وانت طالع من البيت.