عسكرى الصراف الألى

**D . a .\ AYMAN** · 20-03-2013 01:54 PM

المشاركة الأصلية كتبت بواسطة dede_dodo88

الواحد بجد بيتأزم نفسياً جداً بسبب الفئة دي من الناس.. سواء كان مثال العسكري ده أو أي حد بيتسول أو بيستعطف الناس عشان الفلوس خصوصاً الناس الكبيرة في السن..
مببقاش عارف قدامهم أعمل أيه!!.. هو أكيد الأسلوب اللي بيتبعه ده غلط.. بس برجع أفكر و أقول لنفسي أن ربنا هو اللي مديني نعمة أني أكون في وضع مادي أفضل منه فليه أنا أكون بخيل مع حد أقل مني حظاً في الحياة.. و بفكر تفكير تاني من ناحية قيمة الفلوس بالنسبالي و بالنسباله.. يعني أنا بستهلك فلوس كتير في حاجات يمكن تكون تافهة أو كمالية لكن هو ممكن يكون محتاجها عشان ياكل أو يجيب علاج...
يعني أفكار كتير بتيجي في دماغي لما بشوف حد كده لدرجة أني ممكن أفضل لفترة زعلان من نفسي..
همممـ..مش عارف!!

أو حتى تكمل تفكيرك وتقول ياترى هاياخد الفلوس يشتري بيها مخدرات ولا يسكر بيها ... ولا هايبب بيها إيه

عموما أنا خدتها قاعدة إني مش بدي أي مخلوق يكلب مني حاجة بقلة أدب ... وبالذات فئة السياس اللى بيقفوا في الشارع لو وقفوا على ودانهم ... دول مليونيرات أساسا من اللى بياخدوه ...

مصارف الفلوس لازم الواحد يتعب شوية ويدور عليها عشان يعرف إن الفلوس رايحه لمن يستحق ويحتاج ... وده من مقاصد الشريعة ... البحث ومعرفة عائلة فقيرة تحتاج للصرف على تعليم أطفالها أو توفير الطعام لهم ... والواحد لو مش لاقي ياريت يهتم بالجمعيات الخيرية زي مصر الخير ورسالة ... الناس دي فعلا بيتعبوا وبيروحوا لحد الناس لغاية عندهم

نص الشعب بقى بيشحت .. عشان الموضوع بقى عبارة عن مصدر دخل بدون تعب وبيجيب فلوس كتير ... وكتير جدا كمان ... الناس دي بتتمسك بمئات الألوف حصيلة الشحاتة فقط ... وفي الآخر بيعشوا معفنين ولبسهم معفن وحارمين نفسهم من كل حاجة ويموتوا زي ما عاشوا ... والحكومة تورث فلوسهم اللى بتتلاقى معاهم

وكلامي مش معناه إني ما أديش لحد أنا شعرت بتعاطف معه في الشارع ... ولكن لا يمكن اعتبارها قاعدة ...

العساكر بقى وضعهم مختلف ... لأننا كلنا عارفين إنهم مرتباتهم قليلة جدا لاتكفي احتياجاتهم ... ولكن دعونا ننظر إلى أنهم يصلهم مأكلهم ومشربهم وملبسهم ... عبارة عن تعيين واجب على جهة عملهم ... ولا يحق لهم طلب المزيد سواء بإسلوب مهذب أو بإسلوب قليل التهذيب ....

ولكني خروجا من هذه النقطة عند قيامي بإعطاء أحد العساكر مما جعلني الله مستخلفا فيه ... فإني أحاول أن يكون عبارة عن شيء عيني أكثر منه أموالا ... وبالذات الطعام ... فإطعام الطعام من أكثر الصدقات المستحبة

**nicegypt** · 20-03-2013 02:49 PM

نفس الحوار بيحصل ف كارفور لكن بشكل مختلف
تروح تركب عربيتك من الباركينج تلاقي واحد او اتنين نطو لك ونظام هات عنك الشنط يا باشا واساعدك
طب اقفلك شنطة العربية .. الخ الخ
هيصعب عليك حال مين ولا مين ؟؟

**shaddadfalcon1** · 20-03-2013 03:15 PM

انا كنت بسحب من عند موول زهران في سموحه وكان في حارس عندها غتت مووووووووووووت وكل مره يقولي صباح الخير والكلام ده زي مايكون بيشحت وفي النص الاقيه بيقولي عليك بقي الشاي وكنت بديه جنيه ولا حاجه لحد ماكرهني في المكنه كلها وبقت اسحب من مكان تاني ابعد بس مفيش حد عنده

نفس الحوار في لقاهره في زاكر حسين الاقيه يبصلي ويضحك وصباح الخير وايوه ياباشا وعايز يركني كانه سايس وبرده بصدر الوش الخشب

**3mr Farrag** · 21-03-2013 02:47 AM

المشاركة الأصلية كتبت بواسطة nicegypt

نفس الحوار بيحصل ف كارفور لكن بشكل مختلف
تروح تركب عربيتك من الباركينج تلاقي واحد او اتنين نطو لك ونظام هات عنك الشنط يا باشا واساعدك
طب اقفلك شنطة العربية .. الخ الخ
هيصعب عليك حال مين ولا مين ؟؟

الشغل الضيق ده في المطار
مره كنت بجيب ناس و لقيت واحد راح ناطت وراح شايل الشنط بعد مازقينا عربيه الشنط و شلنا معظم الشنط في العربيه
وانا اتفقعت من الحركه و كنت عايز امشي و مادلوش حاجه وادتلوا علشان نخلص
بس علشان الناس اللي معايا تعبانين و مش طالبه اقفش مع حد وهما لسه يادوب نازلين علي المحروسه و بيستوعبوا العفانه اللي احنا عايشين فيها

**shaddadfalcon1** · 21-03-2013 07:28 AM

المشاركة الأصلية كتبت بواسطة 3mr farrag

الشغل الضيق ده في المطار
مره كنت بجيب ناس و لقيت واحد راح ناطت وراح شايل الشنط بعد مازقينا عربيه الشنط و شلنا معظم الشنط في العربيه
وانا اتفقعت من الحركه و كنت عايز امشي و مادلوش حاجه وادتلوا علشان نخلص
بس علشان الناس اللي معايا تعبانين و مش طالبه اقفش مع حد وهما لسه يادوب نازلين علي المحروسه و بيستوعبوا العفانه اللي احنا عايشين فيها

بتوع المطار دوول بجد نفخ وخصوصا مطار برج العرب

عايز يشيل الشنط بالعافيه تقوله لا يقولك كل سنه وانت طيب ويفضل ماشي وراك لحد العربيه ومش بيسيبك غير لما ياخد فلوس

**Elawany13** · 21-03-2013 07:37 AM

ده ايه الخيبه ديه

**banboty** · 16-04-2013 03:06 PM

المشاركة الأصلية كتبت بواسطة friendship7897

العساكر دي بتكون غلابة جداً
ومرتبهم ميأكلش عيش حاف
وشايفين عرابيات شيك كتير خلال النهار والليل
ونازل منها ناس شيك وبرفانات مبتفوح من العربيات
وبيتسحب فلوس كتير أدامهم
فأنا في إعتقادي ( طباخ السم بيدوءه )
لأنهم هما اللي بيأمنوا المكان دا
يعنى أنا شخصياً بروح الماكينة لو ملأقتيش العسكري دا مش بصرف من الماكينة دي
وأروح ماكينة تانية يكون فيها الطباخ - أقصد العسكري
وأراضيه بأي حاجة وبكون مجهزها قبل ما أنزل أصلاً من العربية
وأسحب الفلوس وأحطها في شنطي والفلوس اللي مجهزها أنا اللي بروح له وأقول له : شايك .
"تصدقوا ولو بتمرة، فإنها تسد من الجائع، وتطفئ الخطيئة كما يطفئ الماء النار "
وربنا يبارك لك في فلوسك ويبعد عنك وعننا عيون المحتاجين

المشاركة الأصلية كتبت بواسطة amrrashed

. و عندما تتصدق فانك ترسل فلوسك لكى تستخدمها فى زمن اخر

احترامى وتقديري

**Ahmed_selmy** · 16-04-2013 05:05 PM

هى المشكله فى حاجه , ان مش كل اللى بيسحب بالفيزا بيكون واحد عنده رصيد فى البنك وفلوس ملهاش اول من اخر, كل الناس دلوقتى مرتبتهم بتنزل فى البنوك ويسحبوها من ال atm حتى الحكومه والمعاشات, فمش علشان انا رايح اسحب من مكنه يبقى انا غنى , هى دى النقطه , وممكن تكون فلوس والدى و باعتنى اسحبهاله او فلوس قربى او صاحبى و بعمله خدمه , فمش علشان اعمل خدمه الاقى نفسى بدفع اجبارى.