المدارس بمنطقة اكتوبر والشيخ زايد

بما اني بخطط حاليا لترك عالم الحضانة والدخول بحمزة لعالم المدارس - ياريت الاخوة الي بيتعاملوا مع المدارس في المنطقة دي يساعدوا بمعلومات عن المدارس الي ولادهم فيها - علشان توهت بحث على صفحات ومنتديات "انتوا عارفينها " ومش عارف اوصل لحاجة

ياريت نعرف معلومات عن المدرسة
عربي/لغات:
تجريبي / خاص:
بتبدأ من : (baby class - KG - ابتدائي على طول)
الاسعار:
موقع المدرسة : مثال: مدرسة القومية باكتوبر
تليفونها ان امكن:
الباص:
والأهم مستوى التعليم والمدرسين والتعليق

وشكرا مقدما لكن من في قدرته المساعدة بالمعلومة

هو عدد المشاهدات بيقول ان فيه اهتمام - عدد المشاركات بيقول ان مافيش حد عنده ولاد في مدارس :d

مدرسة سيتي - الحي المتميز -لغات انجليزي
مدرسة فرانكو - الحي المتميز - لغات فرنساوي
مدرسة الشرق - الحي المتميز - عربي خاص
------------------------------------------------------
مدرسة الرضوى - امام جامعة ٦ اكتوبر عربي و انجليزي خاص
ام المؤمنين - الحي الثاني عربي خاص
رويال - لغات انجليزي الحي الرابع

متابع

اقتباس:

---

المشاركة الأصلية كتبت بواسطة youssef_u

مدرسة سيتي - الحي المتميز -لغات انجليزي
مدرسة فرانكو - الحي المتميز - لغات فرنساوي
مدرسة الشرق - الحي المتميز - عربي خاص
------------------------------------------------------
مدرسة الرضوى - امام جامعة ٦ اكتوبر عربي و انجليزي خاص
ام المؤمنين - الحي الثاني عربي خاص
رويال - لغات انجليزي الحي الرابع

---

يا راجل حرام عليك - ده كمية الكلام السئ الي سمعته عن مدارس الرضوى دي يملآ صفحات

ياريت لو حد عنده تجربة شخصية لمدرسة او اكتر يساعدنا بيها

-------------------------------------------------------------------
عربي/لغات:
تجريبي / خاص:
بتبدأ من : (baby class - KG - ابتدائي على طول)
الاسعار:
موقع المدرسة
تليفونها ان امكن:
الباص:
والأهم مستوى التعليم والمدرسين والتعليق:

كله زي بعضه الفرق ان الحكومي الطلاب بيشربوا مخدرات في المدرسه ،، و الخاص بيشربوها بره المدرسه

الموضوع محتاج منك لف كتير، غير كدة انت بتدور على اية وحدود المصروفات الى تقدر عليها كام، لان فية من اول 30 الف لحد الف جنية فى السنة.

اقتباس:

---

المشاركة الأصلية كتبت بواسطة youssef_u

كله زي بعضه الفرق ان الحكومي الطلاب بيشربوا مخدرات في المدرسه ،، و الخاص بيشربوها بره المدرسه

---

يا حج حرام عليك - عايز جرعة تفائل - باقولك ابني وهايدخل المدرسة وعايش في دور الاب المخلص ٌ

اقتباس:

---

المشاركة الأصلية كتبت بواسطة ahmed_rahem

الموضوع محتاج منك لف كتير، غير كدة انت بتدور على اية وحدود المصروفات الى تقدر عليها كام، لان فية من اول 30 الف لحد الف جنية فى السنة.

---

والله هحاول أفضل في حدود 5 الاف في السنة

والله هحاول أفضل في حدود 5 الاف في السنة[/quote]

مش كفاية، صعب جداً تلاقى مدرسة بمستوى تعليمى وتربوى كويس بالسعر دة، المتوسط 7 الى 12 الف علشان تكون كويسة.
لو دى امكانياتك يبقى انصحك تفكر فى المدارس فى المنصورية والمعادى الجديدة ممكن تلاقى فى السعر دة.

https://sites.google.com/site/madare...r/scmanarhouse

جرب اللينك دة وشوف الى يناسبك

تمام - طب بالنسبة لمدارس القوميات الي جنب دريم - ومدارس ابوبكر الصديق بالشيخ زايد - سمعت عنهم كلام كويس

حد عنده معلومة بالنسبة للاسعار والمستوى

ياريت حد يدلنا يا جماعه موضوع هام لان الواحد بيكر برضه باذن الله
بس الاهم لاني حضرتك انا في مرحله قبل دي انت حضرتك كنت موديه حضانه ايه ومصرافيها ايه ياريت توضيح
جزاك الله خيرا

احنا كنا ولا زلنا مع حضانة اسمها FunHome متفرعة من شارع الخزان في اكتوبر

نظيفة جدا ومنظمة جدا والمدرسين فيها ناس رائعة على الناحية النفسية والاجتماعية والتعمليمية - وانا بفكر اعمل عملية تبادل - ياخدوا الولد الصغير - وآخد الكبير للمدرسة - وانتوا معطليني الصراحة علشان محدش عنده معلومة وذنب الولد في رقبتكم على فكرة - مستقبله هايضيع :D

لو تحب أوصفلك العنوان بدقة اكبر او رقم التليفون

اقتباس:

---

المشاركة الأصلية كتبت بواسطة sh_sunsea

احنا كنا ولا زلنا مع حضانة اسمها funhome متفرعة من شارع الخزان في اكتوبر

نظيفة جدا ومنظمة جدا والمدرسين فيها ناس رائعة على الناحية النفسية والاجتماعية والتعمليمية - وانا بفكر اعمل عملية تبادل - ياخدوا الولد الصغير - وآخد الكبير للمدرسة - وانتوا معطليني الصراحة علشان محدش عنده معلومة وذنب الولد في رقبتكم على فكرة - مستقبله هايضيع :d

لو تحب أوصفلك العنوان بدقة اكبر او رقم التليفون

---

أنا برضه بنتي في الحضانه التانيه اللي تبع الحضانه دي. ناس محترمين وحضانه نضيفه بس هيه قاعده منها من شهرين عشان كان بيجيلها برد كتير وناويين نرجعها تاني على أول الشهر.

مدرسة سيتي - الحي المتميز -لغات انجليزي
مدرسة فرانكو - الحي المتميز - لغات فرنساوي
مدرسة الشرق - الحي المتميز - عربي خاص
------------------------------------------------------
مدرسة الرضوى - امام جامعة ٦ اكتوبر عربي و انجليزي خاص
ام المؤمنين - الحي الثاني عربي خاص
رويال - لغات انجليزي الحي الرابع

أحسنهم رويال الحي الرابع
عندك الخليل الحي الثامن بس غالية 11-12 الف (تعليم و تربية دينية واسلامية جيدة ومستوى الطلبة والمدرسين والادارة جيد جدا)

جديدة رويال دي. نسأل عنها
الخليل خارج مدى الاسعار الي بنفكر فيها

شاكر اﻻهتمام

رويال ممتازه طبعا و جنب البيت عندي

اقتباس:

---

المشاركة الأصلية كتبت بواسطة sh_sunsea

احنا كنا ولا زلنا مع حضانة اسمها funhome متفرعة من شارع الخزان في اكتوبر

نظيفة جدا ومنظمة جدا والمدرسين فيها ناس رائعة على الناحية النفسية والاجتماعية والتعمليمية - وانا بفكر اعمل عملية تبادل - ياخدوا الولد الصغير - وآخد الكبير للمدرسة - وانتوا معطليني الصراحة علشان محدش عنده معلومة وذنب الولد في رقبتكم على فكرة - مستقبله هايضيع :d

لو تحب أوصفلك العنوان بدقة اكبر او رقم التليفون

---

ياريت يا استاذنا جزاك الله خيرا وياريت مصارفيها اد ايه ونظام الدفع ايه وفي باصات ولا لا

ده رقم أ.ممدوح المسئول عن الحضانتين

0100-9222-657

وده عنوانهم على ويكيبيديا

حضانة FunHome

الحضانة التابعة لها

ياريت لو حد عنده اضافة للمعلومات الي فوق عن مدارس اكتوبر يا جماعة يشاركنا بيها

اقتباس:

---

المشاركة الأصلية كتبت بواسطة sh_sunsea

ده رقم أ.ممدوح المسئول عن الحضانتين

0100-9222-657

وده عنوانهم على ويكيبيديا

حضانة funhome

الحضانة التابعة لها

ياريت لو حد عنده اضافة للمعلومات الي فوق عن مدارس اكتوبر يا جماعة يشاركنا بيها

---

جزاك الله خيرا
تم الاتصال بالاستاذ ممدوح راجل محترم وفي منتهى الذوق وقاللي المصاريف كام وايه نظام الباص وقاللي حضرتك تبع استاذ مين او ابنه اسمه ايه اتكسفت لاني معرفش اسم حضرتك وقولتله اعتقد محمد
ياريت اذا كنت حضرتك تعرفه توصيا بينا يا هندسه واقوله انا طرف مين بالظبط

م/شادي - والد حمزة في الحي 11

انت تؤمر يا فندم

اقتباس:

---

المشاركة الأصلية كتبت بواسطة Sh_sunsea

م/شادي - والد حمزة في الحي 11

انت تؤمر يا فندم

---

تسلم يا بشمهندس شادي سعدت كتيير بالكلام مع حضرتك
ابني بفضل الله ايضا اسمه حمزه :tumb:

ايه يا جماعه حد يدل المهندس شادي باذن الله على مكان محترم يودي فيهم ابنه

انا مش عايز احبط حضرتك
بس فعلا بقي كولوا محصل بعضه
ومش فارقه اوي مابقاش فيه حاجه اسمها ابن ناس و مش ابن ناس
المدارس الغاليه هتلاقي العيال بارضوا بايظه و شغل ايزي و ماما ايزي و الكلام الفاضي ده
المدارس العاديه عيال بايظه برضوا بس بطرق تانيه
و التعليم برضوا محصل بعضوا
ريح دماغك و شوف الاقرب ليك و تكون متوسطه و لغات

اقتباس:

---

المشاركة الأصلية كتبت بواسطة alaamousa

ايه يا جماعه حد يدل المهندس شادي باذن الله على مكان محترم يودي فيهم ابنه

---

شاكر جدا - لعل من مجيب انا لسه منتظر - المشكلة اني لو خدت اجازة علشان اشوف ولو 3 مدارس في اليوم - هاترفد عقبال ما اشوف المدارس الي انا اعرفها فقط ... !!!

اقتباس:

---

المشاركة الأصلية كتبت بواسطة 3mr farrag

انا مش عايز احبط حضرتك
بس فعلا بقي كولوا محصل بعضه
ومش فارقه اوي مابقاش فيه حاجه اسمها ابن ناس و مش ابن ناس
المدارس الغاليه هتلاقي العيال بارضوا بايظه و شغل ايزي و ماما ايزي و الكلام الفاضي ده
المدارس العاديه عيال بايظه برضوا بس بطرق تانيه
و التعليم برضوا محصل بعضوا
ريح دماغك و شوف الاقرب ليك و تكون متوسطه و لغات

---

ما هو الواحد بيحاول برضه يقول "اسعى يا عبد" ما ارجعش اقول لنفسي في يوم لو كنت اهتميت بالموضوع اكتر وبذلت فيه مجهود اكبر وعملت مقارنات كان يبقى احسن

فبنعملها دلوقتي والباقي على ربنا طبعا في الاول وفي الآخر

انا عارف ان السؤال متأخر

بس يا ريت تقولى عملت ايه لانى انا هنقل سكنى للشيخ زايد و ارجو منك افادتى بتجربتك التى تسبقني بعام
فى انتظار ردكم الكريم

فى مدرسه تجريبى هتفتح النسه القادمه ان شاء الله بجوار مسجد ابو بكر بالحى الثانى وهيا مدرسه اسبانيه تقريبا واكيد الاسعار هتكون ذى ما انت طالب وافضل كمان ممكن تسال فيها



سؤال معلش :- الحضانه ال انت بتتكلم عليها فى الحى الرابع هل فعلا كويسه لان ابنى فى حضانه بس بيستغلوا الظروف وبيعلوا الاسعار كل شويه

والحضانه دى اسعارها ايه اكون شاكر جدااااااااااااااااااااا

فيه مدرسة فى اكتوبر بس مش هقول اسمها... واحدة زميلتى ابنها فى سنة ٤ فيها... المُدرسة بتاعة الانجليزى بتقوله على ماتش بالانجليزى اللى هية
Soccer
بتقول عليها سوسر.. آه واللى زى مابقولكم كدة
وعلى فكرة هية مدرسة من فئة ال كى جى ١ فيها ب ٧٠٠٠ جنيه
ياباشا التعليم فى مصر كله زفت الا كام مدرسة معدودين وهية اللى بتلاقى العربيات البورش واقفة قدامها علشان تجيب الاولاد
لنا الله

اقتباس:

---

المشاركة الأصلية كتبت بواسطة JAM

فيه مدرسة فى اكتوبر بس مش هقول اسمها... واحدة زميلتى ابنها فى سنة ٤ فيها... المُدرسة بتاعة الانجليزى بتقوله على ماتش بالانجليزى اللى هية
Soccer
بتقول عليها سوسر.. آه واللى زى مابقولكم كدة
وعلى فكرة هية مدرسة من فئة ال كى جى ١ فيها ب ٧٠٠٠ جنيه
ياباشا التعليم فى مصر كله زفت الا كام مدرسة معدودين وهية اللى بتلاقى العربيات البورش واقفة قدامها علشان تجيب الاولاد
لنا الله

---

ياريت يا فندم تذكر لنا اسم المدرسة او تلمح عن مكانها للعلم برضه كلها معلومات بنحطها في حساباتنا واحنا بنقارن بين المدارس

اقتباس:

---

المشاركة الأصلية كتبت بواسطة احمد المصرى

فى مدرسه تجريبى هتفتح النسه القادمه ان شاء الله بجوار مسجد ابو بكر بالحى الثانى وهيا مدرسه اسبانيه تقريبا واكيد الاسعار هتكون ذى ما انت طالب وافضل كمان ممكن تسال فيها



سؤال معلش :- الحضانه ال انت بتتكلم عليها فى الحى الرابع هل فعلا كويسه لان ابنى فى حضانه بس بيستغلوا الظروف وبيعلوا الاسعار كل شويه

والحضانه دى اسعارها ايه اكون شاكر جدااااااااااااااااااااا

---

معلومة ممتازة بتاعة المدرسة الاسباني دي - شاكرين ليها جدا
بالنسبة للحضانة هي جيدة جدا الصراحة والناس متابعة مع الولاد عن قرب
اسمها Fun-Home - ممكن حضرتك تعرف التفاصيل كلها من أ.ممدوح 01009222657
لو حبيت تقوله من طرف والد حمزة وعليّ

اقتباس:

---

المشاركة الأصلية كتبت بواسطة amrw2006

انا عارف ان السؤال متأخر

بس يا ريت تقولى عملت ايه لانى انا هنقل سكنى للشيخ زايد و ارجو منك افادتى بتجربتك التى تسبقني بعام
فى انتظار ردكم الكريم

---

احنا لسه هانبدأ المدرسة اكتوبر القادم بإذن الله فالتجربة لسه تحت التنفيذ - واقترح على حضرتك تشوف مدارس في الشيخ زايد - علشان اكتوبر بعيدة اوي وحرام المسافة على الولاد - قومية اكتوبر الي عند ميدان جهينة في منتصف المسافة بين زايد واكتوبر كنت مستصعبها للمسافة - فما بالك لو هياخد المسافة كلها بين اكتوبر وزايد

احنا هنا استقرينا على 3 مدارس (رويال والرائدة والهدى) كانوا اكتر مدارس استريحنا لها

واحد صاحبي قالي ان في مدرسه كويسه في مدينه مبارك التعليميه حد يعرف عنها حاجه

اعتقد يقصد القومية الي قصاد البمدينة التعليمية

حضرتك فى السادس من اكتوبر فى اكتر من مدرسة دولية و خاصة و لغات
انا كنت بتور على مدرسة و عرفت اية الافضل من خلال دليل مدارس مصر
مدارس و حضانات فى منطقة السادس من أكتوبر - سكولز جايد