الذكاء المصرى

**1.8Tee** · 05-08-2008 06:44 PM

نازل من الشغل النهاردة و رايح على الجراج بتاع الشغل و لقيت المنظر دة:

أول حاجة بصيت على الناحية التانية احسن تكون مزنوقة كمان. بعد كدة بصيت على الباب لو فى تجريح بس معرفتش اذا كان فى من كتر التجاريح اللى فى.

كنت عاوز اكتب رسالة عتاب بس للأسف مكنش معايا ولا ورقة ولا قلم.

منتهى الأستهتار و التخلف....يعنى انا هصرف نفسى و ادخل بس مثلا صاحب العربية دى ست فضيلة او راجل محترم....هيعد يطنطط عشان يدخل ؟!؟!؟.

انا معرفش صورت الصور لية....عشان الذكرى يمكن, وجتلى فكرة جهنمية بعد ما طلعت من الجراج و ماشى فى السكة. بكرة ابعت email بالصور و الموقف دة لكل موظفيين البنك.....تجريسة لطيفة كدة بس للاسف مجاش فى بالى اخد نمر العربية. اية رأيكوا ؟.

طبعا مش عاوز اقول ان صاحب العربية دى غالبا بنت (I10 و اونها احمر) عشان الموضوع ميتقلبش لطريقة سواقة الجنس الناعم.

**MoToRiZeR** · 05-08-2008 08:25 PM

بتحصل فيا كتيييييييييييييير .. و بفكر أعمل فتحة سقف عشان أخش و اطلع منها
معتقدش انها عربية بنت لأنها سليمة lol

**sherif Anton** · 05-08-2008 08:38 PM

ده عادي جدا ... بس قول لي اذاي نمرة العربيه بتاعتك 3 ارقام فقط ؟؟؟؟؟؟

**Hossam_Hassan** · 05-08-2008 08:49 PM

اللى انا عاوز افهمه، ازاى اللى ركن ده نزل؟ ولو كان نزل من الباب التانى، يبقى ايه المشكلة انه يعدل نفسه و ينزل زى الناس من الباب بتاعه، و لا يمكن نزل من الشنطة؟

اللى انا بشك فيه ان اتغاظ من نمرة عربيتك و حب يغلس عليك

**R A N A** · 05-08-2008 09:17 PM

يااااااه دي بتحصل معايا كتير وادخل العربية وانا مأفذة كده واقعد ادخل علي مراحل ادخل الشنطة بتاعتي الاول وبعدين ادخل انا علي اجزاء بقي عادي جدا واستغرب ان في مكان الناحية التانية معقول يعني كان ممكن يركن مستريح وندخل احنا الاتنين من ابواب عربياتنا مستريحين وبإحترامنا بس تقول ايه بقي ناس غريبة
انا مرة كنت بركن بوشي وركنت ونزلت عادي من العربية بس لما نزلت لاحظت اني ضيقت المسافة اوي علي اللي جنبي ولما ييجي يركب هايعاني والله بعد ماطفيت العربية رجعت دورتها تاني ودخلتله مرايته لجوة لحسن اخبطها غصب عني وانا بركن وركنت كويس وسبتله مسافة كويسة يدخل منها وبعدين قفلت العربية ووانا ماشية كنت هانسي مرايته مقفولة :D رحت فتحتهاله زي ماكانت عشان ميزعلش يعني
الواحد برده لازم يراعي الناس عشان الناس في يوم من ذات الايام تراعيه برده
لو كلنا نمشي بمبدأ عامل تٌعامل كان حالنا هايبقي احسن من كده بكتير بس يالا ربنا يهدينا يارب

**WalidAdel** · 06-08-2008 02:27 AM

علشان السبب ده انا بطلت اركن الركنه العمودي علي الرصيف حيث اني جسمي لايسمح لي الدخول الا من الباب بتاعي و الا مش حروح انهارده حظل قاعد جنب العربيه لحد ما حد ييجي يطلعني او حل تاني بقيت اعمله اني ابرطع في الركنه براحتي اخد مكان عربيتين عادي يعني و اللي مش عاجبه يا اما يشرب من البحر لو قريب او يخبط راسه في اي حيطه
عماااار يامصر

الموضوع: الذكاء المصرى

LinkBack

أدوات الموضوع

عرض