تيجى بالسلامه ... انت هتعدى البوابات و تفضل ماشى طوالى هتعدى من تحت المحور و طوالى هتلاقى نفق صغير كده تنزله و طوالى هتوصل انك شايف الدائرى فوق بالعرض هتعدى من تحته و تطلع طلعه يمين (هتلف بيك للاتجاه السليم) و تكمل حوالى 3 كيلو و تاخد وصلة المريوطيه ... هتلاقى يفط للدخله اليمين تخلى بالك ان اليفط خادعه شويه ... لانك مش هتنزل اول نزله بعد اليفط لان دى هتنزلك المريوطيه من تحت انت هتاخداللى بعدها و هتعلمها انك هتشوف زى كوبرى بالعرض فوق و الدخله بتاعتك مش منزل انت بس هتخش يمين على نفس المستوى اللى انت ماشى فيه .... و الدخله دى هى تانى يمين بعد ما تمسك الدائرى و الاولى قبلها ب 100-200 متر بس فخلى بالك ... هتكمل بقى و تعدى النيل و تمشى طوالى و تنزل اول نفق تقابله و تكمل و عند تانى نفق متنزلوش و من فوقه هتخش اجبارى يمين و تلف يوترن و ترجع تعدى من فوق النفق و طوالى (كانك دخلت شمال و انت جاى على الدائرى) و هتمشى شويه هتلاقى استاد الدفاع الجوى على شمالك و الفندق هناك ... هتكمل و تاخد يوترن و ترجعله
المفضلات