يا جدعان انا قرفت لسة راشش الإكصدام الخلفي و إتحك

**p r i n c e** · 18-03-2013 01:49 PM

لسة راشش الإكصدام الخلفي و إتحك حكة بسيطة من على اليمين
مفيش طريقة اعملو بيها غير إني أرش الإكصدام؟
عشان انا مش بحب العربية يبقى فيها خربوش

**monamize4** · 18-03-2013 02:37 PM

للاسف مينفعش ف مصر ان العربية ماتتخدش
لو الخدش بسيط ممكن تعملة بقلم بويا

**hossamalsadik** · 18-03-2013 03:40 PM

معلش ماتزعلش نفسك ده شوية صاج وفى الشارع فعرضه لأى حاجه
ممكن ورق كربون فيبر بيركب عند محلات الأكسسوار هيديك شكل و حمايه بس اهتم بالصنايعى عشان يركب مظبوط

**p r i n c e** · 18-03-2013 05:21 PM

المشاركة الأصلية كتبت بواسطة monamize4

للاسف مينفعش ف مصر ان العربية ماتتخدش
لو الخدش بسيط ممكن تعملة بقلم بويا

المشاركة الأصلية كتبت بواسطة ahmed_adham

"وأرش الاكصدام ليه ماهو كده كده هيتحك تاني" حمدي غيث ستايل.

أنا رأيي ان الاكصدام أصلا معمول عشان يتحك وياخد الصدمات بس برضه الواحد بيبقى عايز عربيته تبقى مفيهاش غلطه خصوصا لو كانت زيرو والفلوس لسه نارها مبردتش. عندك حل حلو لو العربيه لونها يمشي معاه كاربون يبقى اديها كاربون على الاكصدام وتغيير الكاربون كل فتره أوفر من رش الاكصدام أو انك تطنش وخلاص وأهو برضه انت بتشوف العربيه معظم الوقت من جوه مش من بره ومش مهم اللي بيشوفه الناس المهم تحافظ على نضافه العربيه من جوه وبتلميع التابلوه وتعطير الصالون وأخيرا ربنا يباركلك في عربيتك...

يلا مش مشكلة الواحد بس بيدايق على أي حاجة بتحصل للعربية مهما كانت حاجة بسيطة أو تافهة
بس بعد كدا بننسى عادي و مش هرش الإكصدام تاني عشان محرقش دمي تاني

**shaddadfalcon1** · 18-03-2013 06:55 PM

ريح دماغك
انا الأكصدامين عندي في الضياع عشان كل اما ارشهم تاني يوم مش يتحكو لالالالالالالالا دوول بيتكسرو خالص عشان واحد نايم بيريح عليا مثلا او يخبطني وانا واقف

**Nashaat Rady** · 18-03-2013 07:40 PM

ما تحرقشي دمك، ما فيش فايدة، حا يتحك، حايتحك.... انا أسف،ربي انت شايف الشوارع منظرها ايه و نظرية البوز وخلافه، امبارح مكروباس فضل يحط بوزه معاية لغاية ما رشق في العربية اللي جنبه الناحية التانية عشان البرنس مركز مع بوزي انا بس... و التاني مسكين ولا بيه ولا عليه و المكروباص جباله جنب الاكصدام...

مفيش فائدة... انا زيك بظبط... و بيتحرق دمي، لكن مش حارش كل شهر...

قدر الله و ما شاء فعل، و ان شاء الله تكون فدت حاجة تانية...