أسعار هيونداى بعد ما الدولار ما وصل ل 682 قرش

**Ghosts** · 18-03-2013 07:47 PM

أرتفع الدولار الأمريكى أمام الجنيه المصرى، اليوم الاثنين، لمستوى 682 قرشًا، للمرة الأولى منذ نحو 10 سنوات و أسعار العربيات زادت طبعآ دخلت على موقع كونتاكت وشوفت الأسعار الجديدة ....

http://www........cars.com/newcars_all.asp

اللى عايز يشترى يا جماعة .. أحسن لة يشترى دلوقتى أحسن من بكرة لأن الأوضاع الأقتصادية المهببة فى البلد بقيادة مرسى وقنديل بتؤكد أن الدولار هيزيد أكتر من كدة كمان ....

**AlGazar2** · 18-03-2013 08:47 PM

اسعار العربيات مرتفعه من مده و اسعار الهيونداى و الكيا بقوا استعباط بزياده

**kokowasfy** · 18-03-2013 08:47 PM

استغفر اللة العظيم منك يا مرسى يلى خربت الكرسى

**khaabas** · 18-03-2013 08:50 PM

هههه الاسعادر دى قديمة يا برنس الاسعار فى السوق اعلى من المكتوب

**Ghosts** · 18-03-2013 09:11 PM

المشاركة الأصلية كتبت بواسطة khaabas

هههه الاسعادر دى قديمة يا برنس الاسعار فى السوق اعلى من المكتوب

الأسعار مختلفة من معرض للتانى لكن فى التوكيل الأسعار زى ما هى مكتوبة فى كونتاكت واللة أعلم ....

**hossamalsadik** · 18-03-2013 09:13 PM

الحمد لله على كل شيىء

**Ghosts** · 18-03-2013 09:22 PM

المشاركة الأصلية كتبت بواسطة algazar2

اسعار العربيات مرتفعه من مده و اسعار الهيونداى و الكيا بقوا استعباط بزياده

عارف حضرتك .. أنا كنت فاكر زيك كدة بس أتضح أن كل العربيات غليت ....

دة حتى البروتون جين 2 الأوتو اللى كانت من 7 شهور ب 90000 جنية بقت دلوقتى 105000 جنية ....

كدة سوق السيارات أنضرب وش و المستعمل سعرة هيزيد ....

**Ultramisho** · 18-03-2013 09:35 PM

المشاركة الأصلية كتبت بواسطة ghosts

أرتفع الدولار الأمريكى أمام الجنيه المصرى، اليوم الاثنين، لمستوى 682 قرشًا، للمرة الأولى منذ نحو 10 سنوات و أسعار العربيات زادت طبعآ دخلت على موقع كونتاكت وشوفت الأسعار الجديدة

....

http://www........cars.com/newcars_all.asp

اللى عايز يشترى يا جماعة .. أحسن لة يشترى دلوقتى أحسن من بكرة لأن الأوضاع الأقتصادية المهببة فى البلد بقيادة مرسى وقنديل بتؤكد أن الدولار هيزيد أكتر من كدة كمان ....

فعلا كلامك صحيح
العربيات هتغلى بطريقة فلكية بعد زيادة الدولار الي جاية ومتوقع توصل الى 8 جنيه بناءا على طلب صندوق النقد وكمان زيادة ضريبة المبيعات المتوقعة زي ما متوقع زيادة البنزين يعني ال 95 دلوقتي ب 6 جنيه لكن من يوليو هيبقى ال 92 هو الي ب 6 وبعدين هيتلغي البطاقات طبعا
هو بس العطلة علشان الانتخابات تخلص هتشوف العجب ربنا يستر علينا الطبقة المتوسطة بتتآكل أصل السيطرة على الفقراء اسهل بكتير!!!

المشاركة الأصلية كتبت بواسطة khaabas

هههه الاسعادر دى قديمة يا برنس الاسعار فى السوق اعلى من المكتوب

فعلا كلامك صح برضه
الالنترا فولي لودد تمنها 183 الف من 3 اسابيع او شهر مش من النهاردة وكونتاكت بتتأخر في التحديث وتوقع انها هتطلع للمية وتسعين اليومين دول زغرتي ياانشراح

**Ultramisho** · 18-03-2013 09:44 PM

المشاركة الأصلية كتبت بواسطة dr.mostafa anwar

حضرتك في 2005 الدولار ارتفع وبقى بـ 7 جنيه وشويه ... وكل تجار مصر رفعوا الأسعار على هذا الأساس

بعدها بسنتين 2007 نزل سعر الدولار وثبت عند 5 جنيه ونصف ومع ذلك مفيش ولا تاجر نزل مليم في سعر أي حاجة ...

حضرتك اللي بيحصل ده سببه التجار وجشعهم ليس إلا ...

والحل هو المقاطعة الشعبية لهؤلاء الجشعين لأنهم يدفعوا الجميع لسباق مخيف نحو رفع أسعار كل شئ في البلد

وتوقعي الشخصي إن سعر الدولار هينزل تاني خلال سنتين او 3 لحد 5 جنيهات مع تحسن الاقتصاد ورفع الدعم تدريجيا ... بس ساعتها برده مفيش اي تاجر من دول هينزل مليم في سعر الحاجة اللي رفعها وبكره افكرك

مع تقديري واحترامي .... احلامك وردية ياباشا
الدولار هينزل ل 5 جنيه ازاي
هو فيه استقرار ولا سياحة ولا مصانع بتشتغل ولا سياسة اقتصادية اصلا

لا طبعا الدولار هيقفز ل 8 جنيه بس تخلص الانتخابات
يارب اجلها شوية علشان نعيش كام يوم اصل غلاء دلوقتي ولا حاجة بالنسبة للي جاي

اما جشع التجار فانا اوافقكم عليه لان غلاء العربيات اكتر من نسبة غلاء الدولار
ولكن تذكر اذا كان رب البيت بالدف ضاربا فشيمة اهل البيت كلهم الرقص

تحياتي