الموضوع: البطارية ولى الشكمان

موصفات السيارة ؟

دايو لانوس 2006 هاف اوبشن

2006 انصحك ببطارية جافة ، المانى بتقعد 4 سنين

لو عرفت تجيب بطاريه جافه الالماني زي ما اخويا قال كده اسمها فارتا varta بطاريه ممتازه قعدت معايا 4 سنين بدون كلام وجافه فعلا البطاريات الي موجوده في السوق بتكون بطاريات سائله بس مقفوله وليها مكان جواها زي القربه بتاعت المايه كده فيها مايه مقطره لما البطاريه بتنقص فيها المايه بتسحب من القربه بفرق الضغط يعني هي بطاريه سائله بس بيدحكوا علينا ودي بطاريات زباله باي نوع مابتكملش السنتين بالعافيه وزباله لانها في اخر عمرها ساعات بتطلع فولت اقل من 12 فولت دي بوظتلي جهاز الانذار والسنسور باركينج وكارته اشعال الاسبيراتير لبست في 600 جنيه مع العلم انا معايا شاهين والله مش عربيه عاليا من يومها وانا مش بجيب الا الفارتا من القاهره في واحد بتاع كاوتش جاري بيجبهالي من توكيلها سواء كانت اي لون في منها لون فيراني وفي منها لون رصاصي سيلفر يعني دي بتكون اغلى علشان بيكون فيها العين السحريه الي بتبين البطاريه مشحونه ولا لا ولا محتاجه تتغير ملهاش لازمه انت اولى بالفرق ماهي لو مش مشحونه او بايظه العربيه مش هاتدور ايه يعني

اما بالنسبه للشكمان مهم علشان التسريب لو في مكان بيسرب على بطن العربيه ممكن يسيح البلك او البوتومين الي مدهون في بطن العربيه مع اي مياه او طين هايصدي ويعمل برومه وانت مش شايفها ضروري جدا تعمله

اغلبيه اعطال الشكمان بتكون سهله وبتتلحم او الياي او السوسته الي واصله من الفرن بتاع الشكمان لاول الشكمان حاجه كده عامله زي اللي بتاع المياه حديد علشان بيتني وكده بيبوظ بسرعه وبيتغير من غير لحام

ارجو ان اكون قد افدتك واسف اني طولت على حضرتك

البطاريه هاتها ac delco

بالنسبه للبطاريات الجافه فكل الى بينزلنا هنا هيه فيها سائل مغلق بيها سواء كانت فارتا او كلورايد حتى
لان الجافه تماما تمنها عالى جدا و معمره جدا برضه ممكن تقعد 10 سنوات
ال ac delco تمنها مناسب ليها و نص عربيات مصر فيها البطاريه دى و بتقعد سنتين : 4 حسب الاستخدام

الشكمان طبعا ابو اليزيد سواء طبقة واحده عادى او طبقتين مجلفن