أشتري كومبيوتر pc منين في اسكندرية ؟

**alexaway** · 19-03-2013 04:17 PM

المشاركة الأصلية كتبت بواسطة abdo_eldesokey

متشكر جداً على كل الردود
وبالنسبة لاختيار جهاز أصلي أو تجميع .. فللأسف خيار جهاز أصلي غير متاح لأني محتاج جهاز بإمكانيات عالية لشغل 3d rendering وبالتالي الأجهزة الأصلية الي موجودة في مصر مش هتنفع خالص ، ولو حبيت أجيب جهاز أصلي بالإمكانيات الي أنا عايزها هيتخرب بيتي أكيد :)
وأنا شايف إن أجهزة التجميع ممكن متفرقش عن الأصلي في حاجة لو اخترت المكونات بعناية بحيث تكون متوافقة

فعلا انت لو عايز تجيب جهاز كومباك بمواصفات عالية فتلاقي سعره عالي جدا , انما التجميع حيكون سعره اقل في دي انا معاك ومش حينفعك جهاز كومباك مستعمل .
اما بخصوص نقطة ان الجهاز الاصلي ميفرقش عن التجميع في حاجة فدي معلومة غلط , فرق السما والارض بين الاتنين , امال الاصلي ليه غالي ؟؟؟؟
وحتي لو الاصلي غالي علشان الشركة بتتضحك علي الناس وبتبعلهم الحاجة اللي رخيصة غالية فهل انت تقدر تجمع جهاز بشكل متوافق زي المهندسيين اللي شغالين فى هذه الشركات الكبيرة ؟

**alexaway** · 19-03-2013 04:20 PM

المشاركة الأصلية كتبت بواسطة ahmed ezz

+ مليون ! ... معاك في نقطة خدعة الاجهزة المستعملة الاستيراد

المكونات بتبقي هي هي ... مش هيحطوا رامة هنا فرز تاني و هنا اول !! ... و طول ما انت بتختار مواصفات جهازك بعناية هيبقي افضل 100 مرة من الاستيراد ... دي اجهزة عفي عليها الزمن !

و الا تبقي صناعة الكمبيوتر في العالم الي بمليارات ملهاش لازمة و شركات زي asus , gigabyt , kingstone , thermaltek , antec , ocz تقفل !

للعلم كمان ... نسبة الاجهزة الماركات ال hp و الكومباك و الحاجات دي لا تتعدي 10% من اجمالي حجم سوق الكمبيوتر في العالم ! ... مفيش الا التجار اصحاب الضمير المعدوم في مصر بيلموا الاجهزة الي عمرها الافتراضي انتهي و اترمت في بلدها في الزبالة ... بيلموها و يشحنوها لمصر و يبيعوها باسعار خزعبلية بالنسبة لامكانيتها العتيقة !

------

الحال من بعضة هاني طلبة في maximum مشطب جيوبنا اول باول :d
بس بسم الله ما شاء عندة تشكيلة تحفة

يا راجل يا مفتري :)
الاجهزة الكومباك بيتحط فيها رامة فرز اول وهنا فرز تاني
يعني شركة ابل بتحط في اجهزتها رامة فرز اول ورامة فرز تاني :)
واضح انك اشتريت جهاز كومباك مستعمل من واحد معندوش ضمير غير المكونات الاصلية للجهاز وعلشان كدا عندك فكرة سيئة عن الاجهزة الكومباك .

**AhMeD EzZ** · 19-03-2013 04:21 PM

المشاركة الأصلية كتبت بواسطة alexaway

اول حاجة مش نفس المكونات اللي بتركب فى الاجهزة الكومباك بتركب فى اغلب الاجهزة الموجودة في مصر , انت لو جبت نفس المكونات اللي موجودة فى الاجهزة الكومباك وجمعتها مع نفسك حتعمل اغلي من لو اشتريتهم جاهز من شركة محترمة , تاني حاجة حتي لو كانت نفس المكونات هي هي فهل تعتقد ان المنتج الموجود في السوق المصري اصلي وايه اللي ينضملك انه مش معمول في مصانع تحت بير السلم فى الصين ( وعلي فكرة اغلب بضاعة الصين الموجودة فى مصر فرز تالت ) ,تالت حاجة لو حتي لقيت مكونات اصلية مية في المية وهي نفس المكونات اللي موجودة فى الاجهزة الكومباك فهل عندك المهندسيين اللي حيقدروا يجمعوا هذه المكونات بشكل متوافق مع بعضها بحيث لا يكون هناك تعارض ويعمل الجهاز بكفاءة وبالسرعة المطلوبة منه ؟؟؟ .
اخيرا بخصوص الاجهزة الكومباك وانها متهانة واترمت فى الزبالة في بلدها , فحضرتك بتقصد بكلامك الاجهزة الكومباك المستعملة " ممكن حضرتك تشتري كومباك جديد مش لازم مستعمل " ,الكلام علي ان الاجهزة المستعملة متهانة وبتترمي فى الزبالة كلام غير صحيح بالمرة , انا واحد اشتري كونتر اجهزة مستعملة وكان طالب مني وقتها اني اروح اتمن سعرها ,مفيش كيسه كنت افتحها الا لما الاقيها بتبرق من جوا ,متبصش لبلاد بره علي اساس انهم بيعملوا الكمبيوتر زي المصريين , هناك الحاجات دي بتتعامل كويس مش زي عندنا هنا بنهلكها ومنرمهاش الا لما نكون فرمناها , بره اغلب الشركات والبنوك بتغيير اجهزتها المكتبية وتجيب الاجهزة الاحدث والاجهزة دي بتبقي لسه بحالتها لان هناك مفيش تراب وفي تكييف وناس محترمة وفاهمة بتتعامل مع الجهاز .

يا باشا فكرتك عن السوق المصري قديمة اوي ... دلوقتي السوق كلة منتجات عالمية من Asus و sapphire و Antec و EVGA و حاجات تانية كتير بوكلاء محترمين جداً زي QDS و الطويل و X-track كلهم حاجات ليهم وزنهم في السوق .. و معلش يعني ايه مهندسين يجمعو بنفس الكفاءة ؟! تجميع الكمبيوتر واحد ! ... و بالعكس نقطة ان لو نفس المواصفات لو جمعتها بنفسي هتبقي اغلي من جهاز كومباك مثلا! و نحسبها مع بعض يا باشا باي جهاز حضرتك تختارة
النقطة الوحيدة في التوافق هي اني مثلا اختار رامات ب Buss يمشي من البوردة مش اكتر ... بروسيسور بنفس سوكت البوردة و هكذا انما نقطة ان شركة x مش تشتغل مع شركة z دي كش صحيحة !

**AhMeD EzZ** · 19-03-2013 04:24 PM

المشاركة الأصلية كتبت بواسطة alexaway

يا راجل يا مفتري :)
الاجهزة الكومباك بيتحط فيها رامة فرز اول وهنا فرز تاني
يعني شركة ابل بتحط في اجهزتها رامة فرز اول ورامة فرز تاني :)
واضح انك اشتريت جهاز كومباك مستعمل من واحد معندوش ضمير غير المكونات الاصلية للجهاز وعلشان كدا عندك فكرة سيئة عن الاجهزة الكومباك .

يا باشا انت لما بتنزل تشتري بيبقي في رامات صيني مجهولة المصدر لحد رامات OCZ و رامات G.skill بالوفات مروراً بـرامات كينج ستون الي ب 140 يعني فرق 10 جنيه عن الصيني المجهول ! .. يعني العيب علي الي بيختار !
و دي مثلاً تشكيلة الرامات الي في السوق يا ريس

Maximum Hardware Prices, Review, Compare in Egypt | EGPrices.com

**alexaway** · 19-03-2013 04:35 PM

المشاركة الأصلية كتبت بواسطة AhMeD EzZ

يا باشا فكرتك عن السوق المصري قديمة اوي ... دلوقتي السوق كلة منتجات عالمية من Asus و sapphire و Antec و EVGA و حاجات تانية كتير بوكلاء محترمين جداً زي QDS و الطويل و X-track كلهم حاجات ليهم وزنهم في السوق .. و معلش يعني ايه مهندسين يجمعو بنفس الكفاءة ؟! تجميع الكمبيوتر واحد ! ... و بالعكس نقطة ان لو نفس المواصفات لو جمعتها بنفسي هتبقي اغلي من جهاز كومباك مثلا! و نحسبها مع بعض يا باشا باي جهاز حضرتك تختارة
النقطة الوحيدة في التوافق هي اني مثلا اختار رامات ب Buss يمشي من البوردة مش اكتر ... بروسيسور بنفس سوكت البوردة و هكذا انما نقطة ان شركة x مش تشتغل مع شركة z دي كش صحيحة !

هي Asus شركة جديدة ؟
دا انا اعرفها من اول ما اشتغلت فى المجال دا من اكتر من عشر سنين واضح ان فكرتك عن السوق انت اللي مش دقيقة :)
وبعدين مع احترامي لحضرتك انت بتقارن مين بمين , بتقارن بين اسوس وفيجا وبين اتش بي وديل وابل وشركات عملاقة !!!
برضوا معلومة غلط التجميع مش واحد , يعني عايز تجيب ناس فهمة يعني ايه تردد ويعني ايه فولت ويعني ايه الكترونيات ودوائر الكترونية لواحد كل اللي يعرفه عن التجميع هو الباس وسكوت البرسيسور :) , بجد ضحكت من حكاية سوكت البرسيسور دي :)
وعموما يا سيدي انا بقول رأي انت مش مطالب انك تقتنع بيه ورأي دا بناء عن خبرة في مجال الالكترونيات وكمان مجال صيانة الكمبيوتر لمدة اربع سنوات , ممكن اعرف حضرتك بتتكلم عن خبرة في مجال ايه ؟ ولا معلومات حضرتك معلومات عامة ؟؟؟

**aw2100** · 19-03-2013 04:39 PM

طبعا محدش يقدر ينكر ان الأجهزة اللى زى hp & dell مثلا افضل من الأجهزة المجمعة وده ليه ؟
الفرق فى حاجة واحدة وهى ال quality control بمعنى ان الأجهزة اللى بتبقى من الشركات العالمية بتبقى فية مواصفات صارمة تتطبق عليها وهى مواصفات الدول الأوروبية وطبعا ده للاجهزة الأستيراد لكن عموما حتى الأجهزة اللى بتبيعها توكيلات الشركات دى فى مصر وده طبعا زى كل الأجهزة اللى بتنزل شرق اوسط بتبقى فرز عاشر وستوكات عندهم علشان كده بيبقى فية فرق سعر جامد قوى بين هنا وهناك وده طبعا بينطبق حتى على المكونات اللى بنجمعها بتلاقى فرق فى الأداء بين الكروت والهاردات اللى حد بيجبها معاه من اوروبا واللى بتتباع هنا فى مصر فانصحك لو تقدر تشترى جهاز اصلى من كارفور مثلا لكن انا بارشحلك تشترى جهاز سوبركومبيوتر مع هارد سيجيت اسود 2 تيرا وده اسرع جهاز فى مصر بس سعره عالى شوية
ASUS - P6T7 WS SuperComputer

**alexaway** · 19-03-2013 04:39 PM

المشاركة الأصلية كتبت بواسطة ahmed ezz

يا باشا انت لما بتنزل تشتري بيبقي في رامات صيني مجهولة المصدر لحد رامات ocz و رامات g.skill بالوفات مروراً بـرامات كينج ستون الي ب 140 يعني فرق 10 جنيه عن الصيني المجهول ! .. يعني العيب علي الي بيختار !
و دي مثلاً تشكيلة الرامات الي في السوق يا ريس

maximum hardware prices, review, compare in egypt | egprices.com

مش فاهم هو كلام حضرتك دا ايه علاقتة بان الرامات اللي فى الاجهزة الكومباك فرز اول علي تاني بالعكس دا انت ايدت كلامي ان الجهاز التجميع سلطة ممكن تلاقي فيها فرز اول علي تاني علي رامات مجهولة المصدر .

**alexaway** · 19-03-2013 04:57 PM

المشاركة الأصلية كتبت بواسطة aw2100

طبعا محدش يقدر ينكر ان الأجهزة اللى زى hp & dell مثلا افضل من الأجهزة المجمعة وده ليه ؟
الفرق فى حاجة واحدة وهى ال quality control بمعنى ان الأجهزة اللى بتبقى من الشركات العالمية بتبقى فية مواصفات صارمة تتطبق عليها وهى مواصفات الدول الأوروبية وطبعا ده للاجهزة الأستيراد لكن عموما حتى الأجهزة اللى بتبيعها توكيلات الشركات دى فى مصر وده طبعا زى كل الأجهزة اللى بتنزل شرق اوسط بتبقى فرز عاشر وستوكات عندهم علشان كده بيبقى فية فرق سعر جامد قوى بين هنا وهناك وده طبعا بينطبق حتى على المكونات اللى بنجمعها بتلاقى فرق فى الأداء بين الكروت والهاردات اللى حد بيجبها معاه من اوروبا واللى بتتباع هنا فى مصر فانصحك لو تقدر تشترى جهاز اصلى من كارفور مثلا لكن انا بارشحلك تشترى جهاز سوبركومبيوتر مع هارد سيجيت اسود 2 تيرا وده اسرع جهاز فى مصر بس سعره عالى شوية
asus - p6t7 ws supercomputer

معاك فى موضوع الجودة دا , واحب اضيف ان الشركات الكبيرة دي بيبقي لقيها معاملة خاصة من جانب الشركات المنتجة لها , يعني المنتج اللي بيتبعت للشركات دي بيبقي بمواصفات عالية جدا ,بالاضافة ان في شركات بتطلب تصنيع مكونات خاصة بها فقط , وعلي سبيل المثال البرد الخاصة بالاجهزة الكومباك اغلبها مصنعة خصيصا للشركة وليست مطروحة للجمهور لشرائها , دا غير ان فى مكونات بيتم تصنعها فى الشركة نفسها .
للاسف تم تشويه الاجهزة الكومباك من جانب المستورين المصريين اللي بيجيبوا اجهزة كومباك مستعملة ويغيروا فى مكوناتها بغرض بيها بسعر اعلي ووضع مكونات رديئة اخرا داخلها

**aw2100** · 19-03-2013 05:05 PM

وده موقع بيتكلم عن مكونات السوبركومبيوتر المنزلى طبعا احنا هنا بنتكلم عن جهاز مش حيقل تمنه عن 15000 جنيه بس طبعا حيبقى سريع جدا فى برامج الd3 وفى فلاتر الفوتوشوب ومبروك على جهازك الجديد ؟؟
http://www.tomshardware.com/forum/26...ific-computing