ريح نفسك وحول غاز ،،،،، م الآخر حنفية الدعم هتتقيد بمعايير والحكومة مضطرة

مع وائل الابراشي وزير البترول اعلنها صراحة ومن الآخر

المﻻكي له 1800 لتر سنوي ( متوط حوالي 5000 جنيه دعم حكومي سنوي لكل سيارة )
الأجرة له 30 لتر محروقات ( حوالي 11 الف لتر سنوي او ما يقارب 35 الف جنيه دعم حكومي سنوي لكل سيارة اجرة )

اللي في الأقاليم الكمية تكفيه جدا

اللي في القاهرة واسكندرية وبورسعيد يحول عربيته غاز ببﻻش ( مش فاهم ازاي ببﻻش ممكن نسأل )

الكﻻم ده للبنزين والسوﻻر والكل

المنازل جاري توفير غاز طبيعي لها واللي صعب توصيله هيتم توفير غاز بوتاجاز مدعم

قمائن الطوب والكثير من الانشطة الصناعية جاري استكمال توفير الغاز الطبيعي لها




ده المفيد واللي انا شخصيا متأكد ان اي نظام ﻻزم هيوصله شئنا ام ابينا


وتحياتي للجميع



.

طبيعي جدا ده كله
لان للاسف الحكومه عندنا بتفكر

بس بتفكر ازاى تقرف المواطن وتطلع عين اللى جابوه
حسبى الله ونعم الوكيل فيكم

العربية الخاصة لها 1800 لتر سنوي بدعم حكومي بمتوسط 5500 جنيه سنوي لكل سيارة

العربية الاجرة لها حوالي 11 الف لتر مدعم سنويا بتكلفة على الحكومة تقريبا 35 الف جنيه


اي معدة لها رخصة هيكون لها دعم سواء سيارة او جرار او توكتوك او مضخة ميه او مركب صيد او معدة مباني الخ




جاري تصنيع بطاقات المحروقات الذكية


البداية بعد ايام او اسابيع قليلة

جاري انشاء عدد جديد من محطات زطنية واعطاء رخص لمحطات جديدة خاصة في ربوع مصر8

هى مش حنفية الفساد اتئفلت ومع ذلك الحكومة مظطرة

يبقى اكيد مبارك كان بيصرف علينا من جيبه
انا من مكانى هنا بادعو الشعب المصرى للاعتكاد على لمبة الجاز عشان الحكومة مظطرة ما توفرش كهربا الصيف الجاى

عموما انا مش هاقلب الموضوع لسياسى
ولكنى لن اقبل ان يحاول البعض ايهامنا باى ما فيش حلول تانية
انا مع الغاء الدعم ولكن فى ظل ظروف اقتصادية وسياسية واجتماعية مناسبة


والا فتنتظروا ثورة الجياع

وانا مضطر ومش هدفع ضرايب

مش هنحول ومش النهاية كده

لو حولت غاز هعمل عمرة كل سنة أو ٢ بتمن البنزين ده !! يعني موفرتش حاجة !!

1800 لتر في السنة , يعني 150 لتر في الشهر

يعني بمعدل 5 لتر يوميا لكل يوم بما فيها ايام الاجازات
يعني حوالي 50 كيلو متر يوميا جوة البلد في عربية بتعمل 10 كيلو في اللتر (يعني 1500 او 1600)

اظن ان اللي عايز يمشي اكتر من كده يبقى يصرف من جيبه و ما يقولش عايز دعم , و اظن ان اللي بيمشي اكتر من كده مش فقير عشان يقول ادعموا مشيي كله

للعلم , انا من اللي هايتأثروا بالموضوع ده لأن عربيتي 1600 و بامشي اكتر من كده

لكن احنا يا اما مؤدلجين يا اما انانيين يا اما الاتنين

يعنى تفويلة فى الاسبوع و شكرا على كده يتوقف حالنا مش مهم نتحرق و نولع مش مهم

بصراحة ومن وجهة نظرى
اننا شعب استهلاكه عالى جدا فى كل شىء
فكرة الغاء الدعم عن البنزين والسولار هتولع حاجات كتير فى البلد وهنلاقى كيلو البطاطس بعد كده ب10ج وغيرها
لكن فكرة انابيب البوتاجاز والعيش ومحاولة استهلاك المواطن لاحتياجه فقط دون الاسراف فى احتياجاته مفيش مانع منها
فى ناس فعلا مش لاقيه حاجه وناس بتجيب من الحاجه عشرة وتاخد منها اتنين

طب اسعار النزين هيبقى كام لما تخلص الحصه بتاعتك ؟

ياريت يا جماعة بلاش بس المعلومات غير موثوقة المصدر - انا محول غاز بقالي 3 سنين ولم اشعر بأي تأثير على الماتور ولا عمرة ولا حاجة - فالي عنده تأييد او اعتراض على الفكرة يقوله بدون معلومات مغلوطة

اقتباس:

---

المشاركة الأصلية كتبت بواسطة sh_sunsea

ياريت يا جماعة بلاش بس المعلومات غير موثوقة المصدر - انا محول غاز بقالي 3 سنين ولم اشعر بأي تأثير على الماتور ولا عمرة ولا حاجة - فالي عنده تأييد او اعتراض على الفكرة يقوله بدون معلومات مغلوطة

---

هي عربية حضرتك اية عشان بس نبقي عارفين؟

اقتباس:

---

المشاركة الأصلية كتبت بواسطة sh_sunsea

ياريت يا جماعة بلاش بس المعلومات غير موثوقة المصدر - انا محول غاز بقالي 3 سنين ولم اشعر بأي تأثير على الماتور ولا عمرة ولا حاجة - فالي عنده تأييد او اعتراض على الفكرة يقوله بدون معلومات مغلوطة

---

ياريت معلومات اكتر عن تجربتك دى

ياريت فعلا معلومات اكتر عن تجربتك
لان الغاز فعلا بيأثر على المحرك

منقول للإفادة






فتح المجال أمام الجمهور منذ بداية يناير
"مواصلات الإمارات" تحول 1800 مركبة للعمل بالغاز الطبيعي 2011 آخر تحديث:السبت ,07/01/2012
أبوظبي - بسمة صلاح:

أكد المهندس ماهر السيد علي الرفاعي، مدير مركز تحويل المركبات للعمل بالغاز الطبيعي، التابع لمؤسسة مواصلات الإمارات أنه مع بداية العام الجديد تم فتح المجال للجمهور لتحويل مركباتهم الخاصة للعمل بالغاز الطبيعي، حيث تم تحويل 1800 مركبة للعمل بالغاز الطبيعي خلال العام الماضي غالبيتها تابعة للقيادة العامة لشرطة أبوظبي، ولعدد من شركات سيارات الأجرة إضافة إلى بعض شركات البترول .





أوضح الرفاعي أن هناك ثلاث محطات في إمارة أبوظبي، حيث تعد المحطة الواقعة في مدينة خليفة (أ) من كبرى المحطات في تحويل المركبات للعمل بالغاز الطبيعي في الشرق الأوسط، فهي تحتوي على 12 حارة ولديها القدرة على تحويل 22 سيارة يومياً للعمل بالغاز الطبيعي، في حين تقوم المحطة التي تقع في مصفح ومدينة العين بتحويل 8 مركبات يومياً للعمل بالغاز الطبيعي، مضيفاً انه يتم استخدام معدات حاصلة على مواصفات esma المعتمدة من قبل شركة “أدنوك” للتوزيع في المحطات الخاصة بعمليات تحويل المركبات للعمل بنظام الغاز الطبيعي، كما تقدم خدمات التحويل في الورش التابعة لمحطات أدنوك للتوزيع، أو في الورش التابعة للعميل، وفقاً لرغبة العميل وحاجة العمل .

وأشار إلى أن تكلفة تحويل المركبات للعمل بالغاز الطبيعي تحسب على عدد السلندرات في المركبة، حيث تبلغ تكلفة أربعة سلندرات 7400 درهم، وستة سلندرات 8000 درهم، في حين تبلغ تكلفة 8 سلندرات 9400 درهم، إضافة إلى توفير ثلاثة أحجام لأسطوانات الغاز وهي 50 لتراً التي تقطع 140 كيلومتراً على الخط السريع و120 كيلومتراً داخل المدينة، واسطوانة بحجم 65 لتراً و75 لتراً .

وقال إن هناك 17 محطة تابعة ل “أدنوك” لتعبئة الغاز الطبيعي منتشرة في إمارة أبوظبي، منها محطتان في مدينة العين، يستطيع من خلالها الجمهور تعبئة الغاز الطبيعي في المركبة، موضحاً أن عمل المركبات بالغاز الطبيعي يوفر 35% للمستهلك من سعر الوقود، الذي كان يدفعه للبنزين، إضافة الى ان استخدام الغاز يطيل عمر شمعات الاحتراق، ولا يؤثر الغاز الطبيعي في جدران أسطوانات المحرك ويطيل عمر دورة العادم .

كما أن الغاز الطبيعي يساعد على تخفيض عوادم السيارات المضرة بالبيئة مثل ثاني أكسيد الكربون، وأول أكسيد الكربون، بنسبة تصل إلى 80%، ما يسهم في تقليل تلوث البيئة، لأنه يعتبر وقوداً صديقاً للبيئة، وبذلك يسهم في تحقيق الأهداف الحكومية الرامية إلى توفير بيئة آمنة خالية من التلوث .

وأشار إلى أن الغاز الطبيعي أخف من الهواء، وفي حالة حدوث أي تسرب يصعد هذا الغاز إلى أعلى بعكس البنزين الذي يتسرب إلى الأسفل، كما أن اسطوانات الغاز المستخدمة مصممة ضد الحريق وضد الصدمات، والعمل بالغاز الطبيعي يستند في محركات المركبات إلى تكنولوجيا متطورة وآمنة، تعطي نتائج فنية أفضل من خلال زيادة سرعة المركبة .

وأكد أن المركز يقوم بشكل مستمر بعمل استبيان حول أداء المركبات التي تعمل بالغاز الطبيعي، موضحاً أن نسبة الأعطال قليلة جداً، وتتم معالجتها بشكل سريع .

عملية التحويل لا تتطلب أي تعديل في محرك السيارة إنما تتم إضافة بعض الأجزاء الخاصة بنظام الغاز الطبيعي المضغوط إلى الأجزاء الأصلية بالمحرك، بحيث لا يحدث أي تلف للضمان الأصلي الخاص بالشركة المصنعة، وبذلك تعمل السيارة بنظامي الوقود المزدوج “غاز أو بنزين” حسب الحاجة، ووفقاً لاختيار السائق عن طريق مفتاح صغير داخل كابينة القيادة، حيث يتم التحويل من نظام البنزين إلى نظام الغاز أو العكس أثناء سير السيارة، أو توقفها بكل سهولة ويسر .

ويبلغ وزن أسطوانة الغاز 63 كيلوغراماً وطولها 90 سنتيمتراً وقطرها ،35 وتستغرق عملية تحويل المركبة للعمل بالغاز الطبيعي ما بين 4 إلى 5 ساعات، ويتسلمها العميل في اليوم نفسه، وتتوافر اسطوانات الغاز الطبيعي ذات الجودة العالية والمواصفات العالمية اللازمة لعملية التحويل عبر التعامل مع شركة “فيبر الإيطالية”، وهي الأعلى جودة وكفاءة على مستوى العالم، وكذلك مع شركة “فيتكوفيتسي التشيكية” .

وتقوم بهذه العمليات عمالة فنية متخصصة ومتميزة ذات خبرة في مجال تحويل المركبات للعمل بنظام الغاز الطبيعي وأفرادها حاصلون على شهادة من شركة “أوتوجاس الإيطالية”، وشركة “كارجاس المصرية” .

وتعد مواصلات الإمارات المورد الحصري والوحيد في دولة الإمارات لمنتجات شركة “أوتوجاس الإيطالية” الحاصلة على المواصفات العالمية والأوروبيةecer110 كما تتعامل مع شركة “لاندرينزو الإيطالية” وشركة “روتركس لوكسنبيرج” الحاصلتين على شهادتي المواصفات العالمية ecer110 وغيرهما من الشركات العالمية .

تنافس في التحويل

وتعتبر القيادة العامة لشرطة أبوظبي أول جهة حكومية قامت بتحويل عدد من مركباتها للعمل بالغاز الطبيعي، حيث بلغ عدد المركبات المحولة 522 مركبة خلال العام الماضي، بموجب عقد تم توقيعه أخيراً، مع مؤسسة الإمارات للنقل والخدمات، ويتم بموجبه تحويل جميع مركبات القيادة للعمل بالغاز .

ويأتي إبرام العقد تجسيداً لتوجيهات الفريق سمو الشيخ سيف بن زايد آل نهيان نائب رئيس مجلس الوزراء وزير الداخلية، بضرورة تطوير التنسيق والتعاون مع المؤسسات الحكومية لتدعيم وتطوير الشراكات الاستراتيجية مع القطاعين العام والخاص، بما يحقق التطلعات والأهداف المنشودة .

من جانب آخر قامت شركة “تاكسي العربية” خلال العام الماضي بتحويل 312 سيارة أجرة للعمل بالغاز الطبيعي، وقال محمد شبير، مدير قسم العمليات إنه تم توفير 30% من قيمة المبالغ التي كانت تدفع للوقود .

خطوة مهمة

ويرى عدد من المواطنين والمقيمين أن عملية تحويل المركبات للعمل بالغاز الطبيعي خطوة مهمة في الحفاظ على البيئة، وأكد إبراهيم الحمادي أن الجميع يجب أن يحول ولو مركبة واحدة من مركبات العائلة للعمل بالغاز الطبيعي، دعماً منه للحفاظ على البيئة، كما أنها توفر من نسبة الإنفاق على وقود المركبة، وهو أمر مهم في حالة الغلاء التي نعيشها .

وقال عمران البلوشي، إنها فكرة جيدة، ولكن تحتاج إلى أن يشعر السائق بأنها آمنة، لأن البعض يعتقد أن وجود أنبوبة غاز في المركبة بمنزلة قنبلة قابلة للانفجار في أي وقت، لذلك يجب توعية الجمهور والتركيز على الفوائد البيئية والاقتصادية من وراء تحويل المركبات للعمل بالغاز الطبيعي .

ويرى عباس أحمد أن هذه الفكرة ربما لن يتقبلها الكثير بسبب خطورتها، ولكن إن انتشرت بشكل سريع وشعر الجميع نحوها بالأمان، ستكون حلاً مثالياً وفعالاً للحد من التلوث والتوفير في الوقود .






.

فيرنا 2009 - عملت بالغاز 80 الف كيلو تقريبا وفوق الممتاز - واخويا جاب لوجان وركب الغاز وكسر السنة بيها وعمل حدود 30 الف برضه

فيه موضوع هنا عن كيفية التحويل للغاز فيه معلومات كافية جدا للتحويل وتكلفته - وهو الي شجعني اني ابدأ الموضوع اساسا

اضرار الغاز بقت ضئيلة جدا بنظام التحكم الاوتوماتيك بين البنزين والغاز - واختفت تماما بالنظام الجديد - الي انا ملحقتوش في الفيرنا بس لحقته في اللوجان - بقى حاجة فوق الممتازة

طيب السؤال اللي بيطرح نفسه
اسباب اتخاذ القرار ده ايه ؟؟
وأيام حسني مبارك كانت ماشيه ازاي ؟؟
يعني ايه اللي خللى القرار ده ضروره ملحه حاليا ؟؟؟

خلو بالكم إحنا بنتكلم عن دولة من أكبر دول العالم دخلا وإرتفاعا في رفاهية المعيشه وأعلى رواتب وأعلى مميزات للمواطنين في العالم كله

وبنتكلم عن سيارات نضيفة جدا وحديثة جدا ورغم كده أصحابها ما خافوش على مواتيرها من التلف زي ما إحنا فاكرين

وبنتكلم على أصحاب سيارات في الغالب مش بيحتفظوا بسيارتهم أكثر من عشر سنوات ( الأجرة أقصى شئ مسموح به خمس سنوات ويتم بيعها والتخلص منها بأسعار زهيدة ) - يعني ممكن ما يلموش تكلفة التحويل للغاز قبل ما يتخلصوا من سياراتهم ( أقل تكلفة 7400 درهم ودي تعادل حاليا حوالي 15000 جنيه بسعر الدولار في السوق السودا )


وبنتكلم عن فرق 35% فقط بين سعر الغاز والبنزين



فما بالنا لما نتكلم على دولة عجز ميزانيتها 200 مليار جنيه ويمثل ربع ميزانية الحكومة

وسيارات هيركب فيها الغاز الطبيعي لمدة ثلاثين سنة على الأقل يعني هيعوض تكلفته سبعتاشر مرة

وسعر الغاز الطبيعي بالنسبة لبنزين 90 يمثل 25% تقريبا يعني فرق سعر 75%

وسيارات مواتيرها معدومة في الأصل مش سيارات وكالة

وبنتكلم عن تكلفة تحويل للغاز لا تتعدي 5000 جنيه والحكومة بتقول هنحولها ببلاش ( مش عارف تعني تقسيط ولا هترفع سعر الغاز وتتحمل هي تكاليف التحويل بالكامل ولا إيه المقصود ببلاش )

والوزير بيقول إن المهندسين التابعين للوزارة هيظبطوا مواتير العربيات السولار علشان ما يكونش فيه أي سوء في الأداء - وهيتم فك وش السلندرة وتدعيمه داخليا لها - والوزارة هتركب أجهزة حديثة تعطي كفاءة أكبر من بنزين 95



رجاء يا إخوانا نفكر بعقلانية شوية وبلاش نتكلم من وسع قوي ونطلب من الحكومة المستحيل

لأن الشباب العطلان والأطفال اللي بيبيعوا مناديل ويمسحوا عربيات في الشوارع - المواطنين الغلابة دول أولى بالدعم مننا كلنا - ولو إحنا ظلمناهم أكتر من كده فعقاب ربنا هيكون مؤلم في الدنيا قبل الآخرة



ولو واحد هيقولي إحنا مالنا ما الحكومة توفرلهم حياة كريمة - هأقوله ببساطة لو معاها وما وفرتش نبقى نحاسبها - ولو معاها ونهبت يبقى نشنقها - ولو خففت الدعم ووفرت بيه حياة كريمة لهؤلاء وبعدين طلع عندها فائض ساعتها نقولها وزعي الفائض على المواطنين ووزعي البنزين ببلاش وعليه فلوس كمان



تحياتي




http://www2.0zz0.com/2013/03/19/13/901383063.jpg


http://www2.0zz0.com/2013/03/19/13/458850265.jpg



.

المشكلة مش في الاستهلاك الشخصي للملاكي ... الكمية نوعاً ما معقولة و خطوة رفع الدعم لازمة عاجلاً ام اجلاً ... بس المشكلة اننا معنداش ادوات رقابية علي الاسعار ... و نفوس التجار اصبحت مريضة ... فبالتالي خطوة الكوبانات دي هيقابلها زيادة رهيبة في اسعار كل شيء و اي شيء له علاقة او ملوش

انا مش ضدد رفع الدعم بس انا كموادن بتعلم بفلوسي ودافع جمارك 3 اضعاف ومرفوع عنى الدعم يبقى مش هدفع ضرائب وانا متكفل ببنزينى حتى لو بقى 10 جنيه للتر بس احب ااقلك انه القرار دة تديله حد اقصي 45 بعد تطبيقه وهيتلغي لا انت فى دوله سمك لبن تمر هندى

اصدقائى الاعزاء نحن الان فى دوله الا الدوله

اقتباس:

---

المشاركة الأصلية كتبت بواسطة تامر.محمد

1800 لتر في السنة , يعني 150 لتر في الشهر

يعني بمعدل 5 لتر يوميا لكل يوم بما فيها ايام الاجازات
يعني حوالي 50 كيلو متر يوميا جوة البلد في عربية بتعمل 10 كيلو في اللتر (يعني 1500 او 1600)

اظن ان اللي عايز يمشي اكتر من كده يبقى يصرف من جيبه و ما يقولش عايز دعم , و اظن ان اللي بيمشي اكتر من كده مش فقير عشان يقول ادعموا مشيي كله

للعلم , انا من اللي هايتأثروا بالموضوع ده لأن عربيتي 1600 و بامشي اكتر من كده

لكن احنا يا اما مؤدلجين يا اما انانيين يا اما الاتنين

---

معلش ياعنى ايه مؤدلجين

اقتباس:

---

المشاركة الأصلية كتبت بواسطة korkor

معلش ياعنى ايه مؤدلجين

---

أعتقد والله أعلم:
مؤدلج = مُسَيّس
جاية من أيديولوجية

ومحدش يضرب أنا لا مع دول ولا مع دول!

استاذ يوسف حضرتك ماردتش على سؤالي

اقتباس:

---

المشاركة الأصلية كتبت بواسطة BESO516

طبيعي جدا ده كله
لان للاسف الحكومه عندنا بتفكر

بس بتفكر ازاى تقرف المواطن وتطلع عين اللى جابوه
حسبى الله ونعم الوكيل فيكم

---

:11::36_1_37[1]:

يعنى ممكن تعبى تنك الغاز او انبوبة الغاز الطبيعى لعربيتك بنفسك ؟؟؟!! والمولد برضه

Wood Gas Generator. Ultimate Wood Gasifier Plans. Free Fuel for Life.

او اى غاز

https://www.youtube.com/watch?v=MaJ_-xmtsXc


https://www.youtube.com/watch?v=bDIiEjL5eGM


https://www.youtube.com/watch?v=Zygs9pb_zBw

بدون هباب

https://www.youtube.com/watch?v=2wzpvSnhmFA

:36_1_37[1]::36_3_10[1]::beat4::36_1_37[1]::11:

Wood Gas Generator. Ultimate Wood Gasifier Plans. Free Fuel for Life.

:36_3_10[1]::beat4::11: