الموضوع: اجراءات استخراج رخصه درجة ثالثه

النهارده ولاول مره
عايز تتطلع رخصه درجة تالته "وربنا يوفق الجميع"
بتروح المرور بتقولهم عايز اطلع رخصه
بتجيب ورقه معفنه كدا من المرور تقريبا بـ 10 جنيه وتصور البطاقه صوره
وتملها وتقدمها عشان تحجز كمسوين طبي ويكون معاك 3 صور شخصيه
"لو متصور لابس نظاره روح ليهم بنضاره عشان كل واحد ملوش لزمه هيقولك فين النضاره"
الكمسيون الطبي بيقعد حوالي 10-15 يوم حسب المحافظه
انا كمتولي عملته الكمسيون في 3 ايام
الكمسيون عباره عن 3 كشفات
بتروح المستشفي الي بتتحدد ليك وبتدفع 55 جنيه
وبتعمل كشف اشعه علي الصدر ودا مش مهم
وبتعمل كشف نظر ونسبة اهمية مش عاليه بردو
بتعمل تحليل بول "انا اسف في اللفظ" ودا المهم جدا جدا عشان لو بتتعاطي حاجه
بتطلع نتيجة الكمسيون وبيبعتوها للمرور من نفسه لو ناجح بتكلم راسب تبطل تتعاطي وتروح ليهم
بعد كدا بتروح المرور
بتدفع 15 جنبه في شباك الرخص "دول معرفش بتوع ايه ومأختش بيهم وصل"
وبتدفع 8 جنيه تقريبا في الخزنه تقريبا بتوع الملف
تبتدي تختبر اختبار اشارات وقياده
ربنا كرمك ونجحت في الاتنين
بيقولك هتروح تدفع تأمينات واشتراك في النقابه
التامينات عندنا كانت 58 جنيه لمدة ست شهور "دا نظام المحافظه الي كنت بعمل فيها" ويكون معاك صورة البطاقه وصوره من الكشف الطبي ان عديت في الكشف الطبي
والنقابه دافع فيها "81.5 دا بردو حسب المحافظه"
بتدفع دول وبتروح تاني المرور وتسلم وصلات الدفع للشباك
ويكون معاك شهادة المؤهل وصورة البطاقه وشهادة الجيش
لو واخد تأجيل زي حلاتي هتاخد تصريح لحد نهائة التأجيل
وبتدفع تقريبا 40 جنيه في الشباك دول اتعمل ليه بيهم وصل بس مش استلمته بس الي لحظته كان وصل فيه سريال
وبتدفع 38 جنيه في الخزنه بس معرفش دول بتوع ايه بس بيدفعو في الخزنه يبق مش رشوه
بتطلع تتصور وتستني الاورنيك يكمل
الاورنيك دا خاص باربعة افراد ينزل للظابط يختمه ويتغلف ويجي لحضرتك
ومبروك عليك الرخصه
تحياتي للجميع
دعوتكم معانا
اخوكم
AhMeD MeTwAllY

المشاركة الأصلية كتبت بواسطة matrix_it

هتشتغل بيها يا احمد ؟؟ والله انا بحترمك جدااا

ربنا يخليك يا متركس يا خويا انا بعملها لحاجه زي كدا
اديني بنسعي في حلول للوضح المنيل بستين نيله