الموضوع: لانوس واستهلاك البنزين

المشاركة الأصلية كتبت بواسطة mero100

القياده داخل البلد ... لاتصلح للحكم علي زياده استهلاك البنزين ... لوجود عده عوامل مؤثره و متفاوته مثل :

1- الاشارات .
2- الوقفه في الزحمه .
3- كتر استخدام الفرامل .
4- اسلوب القياده .. و عدد لفات الموتور ( rpm ) عند النقل من الغيار للغيار الاعلي .
5- حاله الكاوتش .. و ظبط الزوايا .
6- ظبط ضغط الاطارات بيفرق جدا .. عن تجربه شخصيه .. و اللانوس المفروض اطاراتها بتتظبط علي 32 .
7- تشغيل المكيف .. لانه حمل علي الموتور .

كل اللي فاتت دي عوامل متغيره من عربيه لعربيه و من شخص لشخص و ممكن متغيره مع نفس السياره و نفس الشخص من يوم ليوم .

عشان كده : الطريقه الصح لحساب استهلاك البنزين بيكون علي الطرق السريعه و القياده بسرعه منتظمه 90 كم / ساعه ...و طبعا تفول العربيه و تصفر العداد و تمشي 100 كم مثلا و تفول تاني و تقسم الرقم اللي في العداد علي عدد اللترات اللي تم تفويلها في المره التانيه .. حيديك المعدل المظبوط لاستهلاك سيارتك .

طبعا لازم الاهتمام بتغيير فلتر الهواء و البنزين و البوجيهات و تنظيف البوابه ... كل حاجه منهم في معادها المظبوط .

و بالمناسبه ... اعلان السياره لانوس بيقولك دايما : 6,4 لتر / 100 كم.... ده علي الطرق السريعه و ليس داخل المدينه .

و اخيرا انصح دائما بظبط ضغط الهواء علي 32 ... و عند حد المقاس بتاعه مظبوط ... حيفرق معاك في سحب العربيه و استهلاك البنزين و كذلك قوه الفرامل .

تسلم علي النصايح الغاليه
هفول واجرب تاني
بس بالنسبة ل 6.4 لتر يمشوا العربية 100 كيلو اعتقد ده رقم دعايا واعلان بس ومحدش يقدر يعمله