أزيكم جميعاً ,


عايز أستشير أهل الخبره فى موضوع شراء عربية :

1- الأفيو : فى ناس شكروا فيها وفى كتير قالولى عفشتها وحشه وتوكيلها مايعلم بيه الا ر بنا.

2- اللوجان : كل الناس بتشكر فيها بس بيقولوا قطع غيارها غاليه جدا ومش موجوده فى مكان زى اللى انا فيه (مدينة السادات), كمان بيقولوا ان الشاسيه بتاعها متركب من قطعتين مش عارف الكلام ده صح ولا غلط؟

3- النيسان صنى الجديده كتير قالولى بتعوم على الطريق ومش زى الشكل القديم اللى كان أحسن

4- الفيرنا : واطيه جدا وبتحك فى فى المطبات

ومن هنا أنا أحترت أعمل أيه

علما بأنى عايز عربيه زيرو فى حدود 90 او 100 الف,



وفى قدامى نيسان صنى الشكل القديم حاتها ممتازه 2008 وماشيه 40 الف كيلو وسعرها مناسب ؟

ياريت ياريت اللى عنده نصيحة مايبخلش بيها ياريت

شكرا