اعرف بعض الاسعافات الاولية وشنطة العدة (لفرنتك) بالصور
احبائي واصدقائي ..
اسعد الله حياتكم...
حبيت انقل ليكم موجود عندي في العربية ايه .. وبالتحديد جوة شنطة العربيه
يمكن تساعد او تفيد نفسك او غيرك بالمعلومات دي ....
انا لما با اكون مسافر بالطبع بيبقي فية اشياء اكتر من كده في شنطة العربية ..
بس انا ها اقول الحجات اللي انا دايما باشلها معايا علطول
نبتدي ببسم الله
كلنا طبعا عارفين ..(( لازم يكون معانا شنطة الاسعافات العادية )) للجروح الخفيفة او لو معاك اطفال وجرحوا نفسهم وهما بيلعبة في اي مكان ,... ها تستخدم المحتويات زي ..شاش قطن بلاستر وضروري يكون فية اسبري كحول من الاجزخانها
http://i1230.photobucket.com/albums/...ps81a65b3d.jpg
ندخل في التقيل شوية ...
لازم يكون عندك في الشنطة بردو ..(( شكرتون )) عازل ..للكهربا .. اكيد ها تستخدمة لو فية فيشة مثلا خرجت من مكانها زي لمبات الشنطة ..وخلافة
http://i1230.photobucket.com/albums/...ps41050898.jpg
مهممممم جداااا الكلام اللي ها اقوله دة ..وخصوصا الادوات دي
دي علبة اسمها Mixed Socket Set
وتمنها مش ها يزيد عن 200 جنية لو انتا عاوز حاجه اصلي وتقدر تجبها من التوفيقية بسعر اقل بكتير ...
http://i1230.photobucket.com/albums/...ps496bbee6.jpg
وده شكل المفك لوحده + اللقمات بتاعته
http://i1230.photobucket.com/albums/...ps36b62b37.jpg
دي اشكال واحجام اللقمات بتاعت المفك اللي فوق ..
برده ها تستخدم في حاله مثلا لو صامولة طرف البطارية اتفك وعاوز تقرت علية
او لو فية باب بيزيق مثلا من مفصلاته وعاوز تقرت علي صامولته (( بشياكه ))
http://i1230.photobucket.com/albums/...psf8c6c6de.jpg
وممكن تجيب المفك لوحده ... بس ها تعمل بية اية لوحده
هاتلاقية مثلا في حدود 20 او 30 جنية ..واللقمة ب 5 جنية ...
http://i1230.photobucket.com/albums/...psab53bb02.jpg
وده طقم شامل وشوش لفك المسامير ..عاده وصليبة والانكيهات
شوفته مثلا عامل 230 جنية
http://i1230.photobucket.com/albums/...psc18d1b9d.jpg
لازم كمان تشتري معاك (( كماشة )) عادية
http://i1230.photobucket.com/albums/...ps2318b577.jpg
وكماشة ببوز
(( بنسة ببوز ))
http://i1230.photobucket.com/albums/...ps79e0bfd8.jpg
طبعا معروف دة اية
مفك عادة واخوة كروس او صليبة
http://i1230.photobucket.com/albums/...ps2efcf542.jpg
ولازم تشيل معاك العلبة دي ..اسبريى مش للتنضيف ولا التزييت بس .ده عازل للكهربا وغير موصل ليها
هاتستخدمة في الاريال الكهربا او مفصلات الباب او علي قواطيش البطاريه ..
العلبة عاملة 18 ل 30 جنية حسب الاحجام
http://i1230.photobucket.com/albums/...ps12b93755.jpg
شيل برده معاك ..خرطوم متر مثلا .. ممكن ينفع لنقل البنزين لو العربية قطعت بنزين ..
http://i1230.photobucket.com/albums/...psacb3ea5d.jpg
جركن ماية ..(( ومليان )) .. حتي لو مش ها تحتاجة ..وبطاريتك جافة .. برده خلية معاك .. هاينفع صدقني ..اقلة ها تغسل بية ايدك لو اتوسخت
http://i1230.photobucket.com/albums/...ps7dc657ea.jpg
...دي ازازة بلاستك.. فاضية .. ها تقطع بوزها وتستخدمة (( قمع )) مثلا لو حد ها يجبلك بنزين في جيركن وعاوز تسعف نفسك وتحط في التانك.. ممكن تشيلها معاك فاضية او تدور عليها
http://i1230.photobucket.com/albums/...ps2215c1f5.jpg
وطبعا مثلث الامان ... وتبعدة علي مسافة عربيتين تقريبا عنك وانتا شغال بتغير كاوتش مثلا واله واقف علي الطريق
ب 18 جنية في التوفيقية.. ها ينفع باليل او الصبح صدقني ..بدل ما تستخدم (( دابشة واله حجر ))
http://i1230.photobucket.com/albums/...ps568b58fc.jpg
ده الكوريك .. كلنا عارفينة ...استخدم رشة اسبري Wd40 علي مفصلاته .. ها يمشي حلاوة وانتا بترفع عربيتك تغير مثلا فرده كاوتش
http://i1230.photobucket.com/albums/...psa6c71f69.jpg
انا عندي ده ... هوا عامل مثلا 250 جنية بس اريح مليون مرة من الكوريك اللي فات
http://i1230.photobucket.com/albums/...ps9b278a34.jpg
يا شباب ..محدش يضحك ولا يستهتر بالموضوع ده ... صدقوني الواحد لما بيتزنق لاقدر الله ممكن يدفع فلوس كتيييرة اوي عشان يجيب حد يربطله مسمار واله يرفعلة عربيتة ..ده غير الوقت ولا الزنقة لو معاك حد ومستعجل ..
لازم تكون الحجات دي معاك في العربية ها تسعفك وقت اللزوم ..
http://i1230.photobucket.com/albums/...pse49a0f99.jpg
اعمل الصح ..
اسيبكم بكل صحة وعافية