السلام عليكم يا شباب
هل توجد شركات في مصر تطبق نظام "مكافأة نهاية الخدمة" للموظف المستقيل؟ يعني الموظف اللي يقضي عدد سنين خدمة معينة و جه يستقيل ياخد مكافأة بتحددها الشركة في اللائحة بتاعتها؟ فيه كده؟
و شكرت
عرض للطباعة
السلام عليكم يا شباب
هل توجد شركات في مصر تطبق نظام "مكافأة نهاية الخدمة" للموظف المستقيل؟ يعني الموظف اللي يقضي عدد سنين خدمة معينة و جه يستقيل ياخد مكافأة بتحددها الشركة في اللائحة بتاعتها؟ فيه كده؟
و شكرت
لو فيه لائحة بتنظم موضوع المكافأة ، ده بتكون خاصه بكل شركة غير كدة بيتم تطبيق قانون العمل 12 سنة 2003
بوابة الحكومة المصرية - قانون العمل - انقضاء علاقة العمل
شكرا يا فندم - انا فاهم موضوع ان يا اما لايحة يا اما القانون - أنا عاوز أعرف هل فيه شركات عندها لائحة داخلية تعطي "للمستقيل" مكافأة؟ المستقيل مش المفصول
لا..مفيش
عندنا في الشركه نص صريح للمستقيل..لا يوجد له مكافأه نهاية خدمه
لا..مفيش
عندنا في الشركه نص صريح للمستقيل..لا يوجد له مكافأه نهاية خدمه
معتقدش في مصر هنا فيه الكلام ده
اللي اعرفه ان في الخليج موجود الموضوع ده
مفيش شركه بتدى نهاية خدمه للمستقيل
فيه شركة multinational في مصر بدون ذكر أسماء ، عندها مصانع ، في اللائحة بتاعتها ، المستقيل بعد 10 سنين خدمة بياخد نص شهر على كل سنه خدمة
كل الشركات اللي أعرفها مافيهاش الكلام ده
انا بحكم عملى واحتكاكى بشركات كتير، الموضوع دة موجود فى الشركات الدولية انما المحلى مفيش
شكرا جزيلا على المعلومات يا شباب، جزاكم الله خيرا
انا شغال في شركه قطاع استثماري فيها مكافأه بعد سنين معينه بس لازم تكون استقاله مش اقاله و الطبيعي لن محدش بتتقبل الاستقاله منه الا نادر فبالتالي النص شبه مالوش لزمه
أه طبعاً في شركات كتير بتعمل كده..
و في شركات مكافأة نهاية الخدمة فيها بتبقى أرقام خزعبلية.. و كل مكان بيبقى ليه نظام معين لحسابها على أساس مدة الخدمة..
فعلا فى شركات دوليه كبيره بتدى ارقام محترمه جدا وبتكون شهر من كل سه
الكلام ده لو الشخص الشركه هى اللى مشته انما لو استقال اشك ان فى حد بيعبره !
الغريب ان لما دورت على النت لقيت دول عربية كتير أصلا قانون العمل فيها بينص على مكافأة بالشكل ده للمستقيل - و اللي فهمته ان الشركات العالمية اللي شغالة في مصر فيه منها بيدي
شكرا مرة تانية :)
بالنسبه للدول العربيه. أنا كنت في الكويت ولما استقلت أخدت اسبوعين على كل سنه (أربع سنين) ولو كنت مكمل خمس سنين في الشركه كنت هاخد شهر على كل سنه. طبعا ده بيتحسب على الراتب الاساسي بدون البدلات والبونص. ومفيش حاجه اسمها الشركه متقبلش الاستقاله لأن الاستقاله مجرد اخطار للشركه انك ماشي عشان يجيبو غيرك وبتشتغل بعدها 15 يوم (بتاخد أجرهم طبعا) لحد ما يظبطو حالهم وممكن بالاتفاق ميبقاش فيه 15 يوم وتقدر تمشي يوم ما تقدم الاستقاله.
الشركه كانت محليه مش ملتي ناشيونال على فكره.
المشكلة انه ممكن يكون علشان يقبل استقالتك يمضيك على ورقة انك خدت كل مستحقاتك
بس عموما ما فيش حاجة اسمها فى مصر كل شركة ولها نظامها
واحيانا بيتم التحايل على القانون بانه يمضيك على ورق مالكش اى حاجة لو حبيت تمشي من وانت لسة داخل الشغل