مليووون مبرووك عليك الكاوتش الجديد
مش عايز اقولك العربية اختلفت معايا قد اية لما غيرت ل 195
ومش مشكلة على فكرة لما تخلى الاستبن 185 ان شاء الله مش هتحتاجله اصلاً
عرض للطباعة
مليووون مبرووك عليك الكاوتش الجديد
مش عايز اقولك العربية اختلفت معايا قد اية لما غيرت ل 195
ومش مشكلة على فكرة لما تخلى الاستبن 185 ان شاء الله مش هتحتاجله اصلاً
لسه راجع حالا من بره واحب انقل لكم تجربتى بعد سواقه متواصله لأكثر من 4 ساعات (لما طلع عينى - لأن بطلت اسوق فترات طويله)
1- صوت الكاوتش على الاسفلت - قل بنسبه لا تزيد عن 10%
2- تماسك العربيه اثناء السير فى خط مستقيم - زاد جدا العربيه بقت لا بتحدف شمال ولا يمين
3- العربيه فى المناورات - الثبات زاد جداااااااااااا
العربيه فى الفرامل - الله أكبر ولله الحمد رد فعل رائع - أكتر حاجه كانت مزعلانى فى الالنترا هيه الفرامل - بجد التحسن لا يقل عن 40%
4- سحب العربيه قل نسبيا فى الطلعه لكن بعد كده عادى
5- وديه ميزه - الدريكسيون تقل شويه وبنسبه ملحوظه
6- حتى الان لم يتم التجربه على سرعات عاليه وربنا يسترها عليه وعليكم
7- بخصوص المطبات العربيه بقت انعم - لكن فيه صوت زى دبه لو مطب جامد شويتين - استأذنك ادينى كام يوم وهارد عليك فى النقطه ديه
وبجد انا بشكر كل الاخوه اللى شاركونى فى الموضوع وان كان عندى عتاب بسيط جدا جدا جدا على النجوم
ليه الناس مش بترد وتتكلم فى المواضيع - حتى لو بتخمين - المهم اننا نحس ان فيه مشاركه
انا كنت ومازالت من رجالة الدايو - بجد الدنيا هناك مختلفه جدا - تسأل السؤال - فى أقل من 30 دقيقه تلاقى أكتر من رد
لكن هنا الدنيا هاديه شويه - الاغرب ان نسبة المشاهدات عاليه جداااااااااااااااااااا - لكن الردود ضعيفه حبتين
للمره التانيه الف شكر لمساعدتكم ليه ويارب نبقى انشط منتدى ونبقى النجوم بجد
ماشاء الله لا قوة الا بالله
ربنا يباركلك فيهم يارب. وانا متشكر على الرد على الاستفسارات.
وحضرتك معاك حق في عتابك واحنا بنجتهد في الرد على الاعضاء بس للأسف اوقات بعض الاسئله بتكون technical شوية ومافيش مجال للتخمين.
وطبعا مفيش مقارنة بين قسمنا وقسم دايو كفايه الخبراااء هناك ماشاء الله واسماء كبيره وتقيله في المنتدى
والله حضرتك انا جبت ال Service manual بتاع ال HDوبدات اشتغل على بسيط
مشكلتى انى محتاج على الاقل 6 شهور علشان ابدأ اشارك بفاعليه
الحمد لله الهيونداى نسبيا احسن من الدايو خاصه اختلاف الفئه - وقلة الاعطال - لكن فيه حاجات بسيطه المفروض الكل يكون عارفها
أول لما جبت العربيه كان فيوز محروق - وانا متأكد أن فيه فيوز محروق - ولما سألت عن حل مشكلتى لاقيت انى قاعد فى صحراء جرداء
يا ريت الناس تعرف ان مشاركتها مهمه جدااااااااااااااااااااااا ااااا :post:
صعبببب قوي ان احنا نشتغل من المانيوال عشان هيحتاج تفرررغ كامل. لو الواحد عنده وقت يبقى قشطه مفيش مشاكل. بس في معظم الوقت صعب بصراحه :)
وربنا يباركلك في العربيه ويبعد عنك الاعطال والمشاكل :)
بس ادينا والله بنحاول نرد او نجيب لينكات لأعطال مشابهه وربنا يكرم والقسم يصحصح شوية
الف مبروك الكاوتش الجديد
انا كمان نفسي اغير زيك تمام لـ 195 بريدجستون .. بس مكسل لسببين
مشواري اليومي 30 كيلو فقط ... وان الكاوتش الهانكوك شكله لسا جديد "بس انا خايف من زحفــــــــــــــــــانه مع الفرامل "...بالاضافه ان مفيش توكيل بريدجستون قريب مني بيشجعني علي التغيير :)
-انا نزلت المانيوال بتاع العربيه اللي هو 360 صفحه دا
بس لو حضرتك لاقيت الـService manual بتاع تشخيص الاعطال وطرق الإصلاح ياريت تدينا لينكات لتحميله او ترفعهولنا ويبقي كتر خيرك جدا :)
شكرا جزيلا
متابع
و ألف مبروك علي الكاوتش عقبال الجنط ال 16 المره الجايا ان شاء الله
و حضرتك كنت سألت علي ما أتذكر و ان كنت مش متأكد تمام اليقين من الموضوع ده و سألت كمان علي الزيت و رديت عليك علي قدر معرفتي بصراحه انا من الناس اللي مش بأحب أفتي و أسوحك ده غير ان انا ما عنديش نت في الشغل
ان شاء الله نعوضهالك في مشاركه تانيه بالخير طبعا و ربنا يكفينا و يكفيك شر الطرق
مبروك علي الارض
استكمالا لتجربتى
أولا بخصوص المطبات فعلا العربيه احسن بكتير جدا - وفعلا انصح اى حد يغير لمقاس ال 195
نيجى لأخر تجربه
السرعات العاليه
الحمد لله جربت العربيه امبارح وجبت بيها 180 على طريق مصر اسكندريه ولمدة 5 دقائق فقط - وبصراحه مردتش أزود لسببين - الاول ان الطريق كان زحمه
السبب التانى انى فعلا بطلت أجرى واكتشفت انى فعلا والحمد لله فقدت نهائيا مهارة انى اجرى بسرعه
تقييمى للسرعات
العربيه من 0 - 100 ثبات رائع وكل العربيات كده - والمناوره اتحسنت كتييييييييير
العربيه من 100 - 140 ثبات مختلف تماما عن السابق - العربيه كانت بتبقى زى ما تكون مبرجله - لكن دلوقتى والحمد لله بقت ناعمه جدا بالاضافه لعدم الاحساس بالسرعه اساسا - احساسى انى كنت ماشى على 80 بالكتيييييييير مش 140 - واحساس المناوره احسن بكتيييييير
........* العربيه من 140 - 180 بصراحه احساسى ان فيه حاجه غلط فى العربيه مش فى الكاوتش - العربيه كانت بتحدف معايا شمال شويه ويمين شويه - وبصراحه ديه غريبه قوى ومش عارف سببها ايه - انا اول مره اوصل بالالنترا ل 180 - انا كان معايا لانوس وكنت بجيب بيها 185 وكانت ثابته جدا - لكن الالنترا كانت فعلا مايتقلش عليها غير انها هابله بجد - العربيه بتجرى والسلام - وانصح اى حد مش محترف (زيى) انه ما يغمرش بأنه يسوق الالنترا بسرعه فوق ال 140
بالمناسبه انا باسوق من سنة 1991 - وسوقت مليون عربيه (أو مليون الا ربع مش فاكر بالظبط) وبأكد ان ده مش مقياس علشان حد يجرى بالعربيه - لأنها بجد زفت قوى على السرعات
أخر تقيم ولو انه ملوش علاقه بالموضوع - وكلنا عارفينه - تجميع العربيه فعلا أكثر من رائع (انا عربيتى مانيوال) بمنتهى بمنتهى بمنتهى السهوله بتوصل ل 140 - وبسهوله وصلت ل 180 - وعن تجربتى الشخصيه لو على طريق العالمين - العربيه ديه تقفل عداد (220 كيلو) - بشرط انك تبقى لواحدك وتكتب وصيتك قبلها :angelnot:
فى النهايه - انا كنت زعلان حبتين على الفلوس اللى دفعتها فى الكاوتش لأنى فعلا مزنوق ماديا جداااااااااااا :120146b - وفعلا انا مبسوط جدا جدا جدا بأنى دفعت ال 3000 جنيه دول - فعلا القيمه اللى اخدتها أعلى بكتير من الفلوس اللى اتدفعت :049:
وللمره المليون وكل الناس بتقول الكلمه ديه - بلاش استخسار فى الكاوتش بالذاااااااااااات
مش لوحدك اللى بتشتكى من عدم الردود فى قسمك
حاجه غريبه فعلا اقسام شغاله واقسام لا مع ان العدد كبير مش قليل