هوا استهلاك البنزين فى السى 4 عالى أوى كده ؟؟؟؟
يا جماعة أنا لسة جايب العربية جديد فا مش عارف ، هى 2007 عاملة 88 ألف كيلو أوتوماتيك ، حاسس ان استهلاكها عالى جداً ، أنا فولتها أول ماستلمتها من بنزينة موبيل (يعنى لضمان الجودة) بنزين 92 ، هى التانك بتاعها 60 لتر و فى العداد 12 شرطة للبنزين ، يعنى المفروض ان الشرطة ب 5 لتر ، مشيت 50 كيلو بعد ما صفرت عداد الكيلو بتاع الرحلات الشرطة الأولى نزلت بعد حوالى 25 كيلو و خلصت مشوارى على 48.5 كيلو و لسة الشرطة اللى بعدها مانزلتش ، تانى يوم و أنا بسخن الصبح قبل مأطلع الشرطة التانية نزلت قبل حتى ماتحرك ، علماً بأنى ماشغلتش تكييف و مافتحتيش السبورت مود خالص ، و هى على شاشة البيانات بتقرا استهلاك بين 5 لتر لكل 100 كيلو لحد 15 لتر لو عامل كيك داون أو لو بجرى (ماعديتش ال 100 كيلو طول المشوار اللى عملته عشان اليوم كان زحمة جداً و كله حوادث و ناس خابطين بعض) هل دا الطبيعى بتاعها ولا كدة فى مشكلة ؟؟؟