تحذير : طريق السويس تحت الانشاء - ياريت بلاش جري و خلي بالك

الأخوة و الأخوات الكرام / أعضاء و عضوات نايل موتورز
السادة و السيدات / مستخدمي طريق القاهرة / السويس

أسعد الله أوقاتكم ...

أمبارح و انا راجع من السويس بالليل و تحديدا بعد كوبري الدائري الجديد (قبل مدخل مدينة بدر) فجأة لاقيت الطريق بيضيق و موضوع صف حجارة علي الشمال و أكوام رمل و زلط و دبش

طبعا مافيش أي أنوار تحذيرية و لا أنارة للطريق و لولا ستر ربنا أني كنت ماشي تحت ال 120 كم/س و منور النور العالي كنت دخلت في الحجارة دي

عمليات توسعة الطريق شغالة لمسافة كبيرة من بعد ميزان مدينة بدر و ميناء النقل البري لحد مدينتي

لذا بأرجو من حضراتكوا توخي أقصي درجات الحذر خاصة بالليل و بأوصيكم بأتباع الأتي :
- عدم الجري أو زيادة السرعة
- عدم تخطي السيارات التي أمامك الأ بعد التأكد من خلو الطريق تماما و أن حالته تسمح لك بالتخطي
- بالليل أستخدم النور العالي و حاول تقلل السرعة قدر المستطاع
- عدم الانشغال بأي شئ عن الطريق (تليفون - راديو - ....) أثناء القيادة
- محاولة تجنب الانتظار علي جانب الطريق في مناطق العمل بالطريق و عند الاضطرار لذلك أستخدم الانوار التحذيرية و المثلث العاكس

و ربنا يسترها معانا و معاكوا

الف شكر يا هندسه و الطريق فعلا فيه اصلاحات غريبه و طوب مرمى فى نص الطريق قبل مدخل الدائرى بس بصراحة من الدائرى لمدينتى مغريه للجرى جدا بعد مدينتى فى اصلاحات تقريبا

مشكور على التحذير

ربنا يسترها معاك

شكرا علي التحذير
بس ده في اتجاه السويس مش كده ؟؟؟

مش كنت تقول بدري شوية اهندذة :-(
كنت هالبس حجر منهم يطيرلي وش العربية وعشان افادية خدت غرزة موووت :-(
الحمد لله

بس غباء منهم قوي الحجارة دي ومش مرصوص ده في اللي داخل واللي خارج ومبهدلين الدنيا

ألف حمدا لله علي سلامتك يا كريم و خلي بالك أنت مش ناقص

يا جماعة خلوا بالكوا الاصلاحات في الاتجاهين

مشكوررر علي التنبيه

الحمدلله يا بشمهندس على سلامتك ربنا ستر
وشكراً على التنبيه

تسلم يا هندسه على التنبيه جزاك الله خيرا
الف سلامه عليك يا كريم

أمبارح قدرت أحدد المكان و أنا راجع

و أنت جاي من السويس في أتجاه الرحاب علي مسافة 39 كم (قبل الرحاب)

الطريق بيضيق جامد و كله حجارة علي الشمال و رمل و زلط علي اليمين
الطريق بيفضل كده لحد قبل مدخل الشروق 2 (قبل محطة توتال)


نفس الكلام في الاتجاه المعاكس (القادم من الرحاب في أتجاه السويس)

يعني من بعد مدخل الشروق 2 (محطة توتال) الي مابعد الميزان بعد طريق الروبيكي

ياريت ياجماعة تهدوا السرعة و خاصة بالليل و بلاش تهور و شد و غرز فعلا الطريق مرعب و خاصة بالليل