مساعده من خبراء الدايو

**rabso88** · 19-03-2013 02:52 PM

السلام عليكم
عندى مشكله و للاسف مش لاقيلها حل المشكله فى تكييف العربيه و هى باختصار اول ما ادور العربيه الاقى صوت جاي من ناحيه درج التابلوه عامل زي صوت باب بلاستيك و اتقفل على علبه بلاستيك تانى حاجه لما اجرى على سرعه كبيره الاقى الهوا داخلى من الهوايات مع انى قافل زرار الهواء الخارجى
انتو عارفين ان احنا داخلين على ايام ها تبقى حر جدا و الحمد لله على كل حال على فكره العربيه نوبيرا 2
متشكر مقدما

**rabso88** · 19-03-2013 05:07 PM

السلام عليكم
ايه يا شباب ماحدش عند فكره المشكله الى عندى دى من ايه

**مصطفى-حسن** · 19-03-2013 11:57 PM

المشاركة الأصلية كتبت بواسطة rabso88

السلام عليكم
ايه يا شباب ماحدش عند فكره المشكله الى عندى دى من ايه

ان شاء الله بكرة بعد الضهر هديك الرد بالتفاصيل والصور والشرح
بس الاول عربيتك دايو لانوس ؟؟؟؟؟؟؟؟؟؟؟؟؟
ولا نوبيرا

**ahmad_salama** · 20-03-2013 08:58 AM

متابع

**MinaLove_1** · 20-03-2013 11:03 AM

متوقع اني ده من الويرات بتاعت التكيف ( الزرار بتاع هواء داخلي فقط او خارجي) الزرار ( يمين - شمال)
البوابة مش مقفولة كويس وطبعا بتدخل هوا رغم قفلها اللي مش مظبوط وبالتالي محتاجة تتغير
او الويرات اللي واصللها ممكن تكون مكسورة وتتلحم بأمير حسب حالتها
ودي مكانها ورا الدرج واللي عامل برضو الصوت ده
ممكن تبص عليهم لما تشيل الدرج بعد فك المسمارين اللي تحته
حتقدر تحدد مكان المشكلة بالظبط وخصوصا اول ما تدور العربيه حتحس بالهزه من المكان اللي قولتلك عليه ورا الدرج

نصيحة بص بالصور علي موضوع مصطفي (Zarif) فك وش التكيف بالصور حتلاقيه جديد وفي القايمة بره وتاخد خلفيه عن الفك

الموضوع بسيط وبالتوفيق

**rabso88** · 20-03-2013 11:50 AM

المشاركة الأصلية كتبت بواسطة minalove_1

متوقع اني ده من الويرات بتاعت التكيف ( الزرار بتاع هواء داخلي فقط او خارجي) الزرار ( يمين - شمال)
البوابة مش مقفولة كويس وطبعا بتدخل هوا رغم قفلها اللي مش مظبوط وبالتالي محتاجة تتغير
او الويرات اللي واصللها ممكن تكون مكسورة وتتلحم بأمير حسب حالتها
ودي مكانها ورا الدرج واللي عامل برضو الصوت ده
ممكن تبص عليهم لما تشيل الدرج بعد فك المسمارين اللي تحته
حتقدر تحدد مكان المشكلة بالظبط وخصوصا اول ما تدور العربيه حتحس بالهزه من المكان اللي قولتلك عليه ورا الدرج

نصيحة بص بالصور علي موضوع مصطفي (zarif) فك وش التكيف بالصور حتلاقيه جديد وفي القايمة بره وتاخد خلفيه عن الفك

الموضوع بسيط وبالتوفيق

هو فعلا اول ما ادور العربيه بسمع صوت كان علبه بلاستيك غطاها بيتقفل
بالنسبه للزرار بتاع الهوا انا بس بدوس عليه ينور علشان يقفل الهوا الى جاي من برا ما عنديش المفتاح الى بيجى يمين و شمال زى الانوس

**مصطفى-حسن** · 20-03-2013 12:04 PM

المشاركة الأصلية كتبت بواسطة rabso88

الحمد لله ان فى حد عندو فكره عن المشكله دى اولا الف ملبون شكر لرد حضرتك ثانيا العربيه دايو نوبيرا

طيب
انا مشتغلتش فى نوبيرا قبل كدة خالص
فانا هقولك على الحل لو العيب موجود فى لانوس
وانت خد الفكرة من الكلام اللى هقولة وطبقة عندك
يعنى انا هشرحلك على لانوس

الاول هتفك المسمارين دول بتوع درج التابلوة

وبعدين امسك زرار التحكم فى دخول الهواء للسيارة
وحركة يمين وشمال بصفة مستمرة
الزرار دة

وبعدين بص على البوابة اللى بتتحكم فى دخول الهواء للسيارة
سوار من داخل العربية
او خارجها
وفى الانوس بتبقى هيا دى

لازم البوابة دى تكون بتتحرك وانت بتحرك الزرار
لو فية مشكلة معينة هتبقى واضحة قدام عينك

وممكن حاجة تانية تساعدك اكتر
انا كدة شرحتلك بالصور على لانوس
والزميل الفاضل MinaLove_1 شرحلك بالوصف على النوبيرا
شوية اجتهاد بسيط منك وهتتحل باذن الله
ومتابع معاك ان استطعت الافادة

**MinaLove_1** · 20-03-2013 12:29 PM

المشاركة الأصلية كتبت بواسطة rabso88

هحاول ان شاء الله افك الدرج و اشوف البوابه دى بتتحرك و لا ﻷ بس فى مشكله ان انا عندى زرار مش مفتاح اجيبو يمين و شمال زي الانوس

الله ينور عليك يا ديــشـــة (zarif ) وضح كله بالصور لسهولة التعامل لانه باشا كالعاده

وانا كمان عربيتي لانوس والاتنين مش مختلفين اوي في فكره بوابه دخول الهوا

يعني الزرار ده عندك بقي كهربا واكيد بيدي بيستم انه يفتح ويقفل البوابه بأشارة كهربا
بسيطة بدل الحركة الميكانيكية اللي في الانوس ( يمين - شمال )

في الحالتين هو مسئول عن فتح وقفل بوابه الهواا عشان كده لما تفك الدرج
اضغط علي الزرار اللي عندك وحتشوف الحركة لو شغاله او فيها مشكله ..
وحيبان معاك كمان موضوع الصوت وبالتوفيق