انا بقى على طول برشق في اي cinnbon بابقوله واكتر في هايبر وسيتي ستارز
عرض للطباعة
انا بقى على طول برشق في اي cinnbon بابقوله واكتر في هايبر وسيتي ستارز
مفيش حد خبير فى المعادىكلنا و حتى سكانها بيتوهوه فيها
بص يا سيدى فيه ابو السيد فى المعادى والمهندسين والزمالك واخر فرع له فى السيتى ستارز ومبدئيا اكيد انت عارف انه بيعمل اكلات مصريه بس يعنى شوربه لسان عصفور وملوخيه وممبار والاكل ده وعلى فكره مش رخيص
هوصفلك اللى بالمعادى وانت جاى من الكورنيش هتلاقى الفرايديز على اليمين قدامه مدخل شمال على ناصيته محطه بنزين
حضرتك هتدخل مدخل المعادى ده وتمشى على طول هتلاقى قدامك كوبرى فيه قبل مطلع الكوبرى بالظبط مدخل شارع يمين ادخل فيه وبعدين تدخل شمال من جمب فيلا السفير الاسرائيلى المطعم هناك
وهو فى شارع 7 مش شارع 9
بما ان سيرة المعادى جت, فأحب اقول واحد من احسن الأماكن اللى بتعمل burgers فى مصر...........Lucille's فى شارع 9, بس هو غالى شويتين تلاتة مش.
يلا عشان بعد كدة مش لازم تروحوا Burger Joint بس فى المعادى :).
برجر جوينت أحسن برجر تاكله في مصر لحد دلوقتي.....لا تقوللي برجر كينج ولا ماك....اقتباس:
يلا عشان بعد كدة مش لازم تروحوا Burger Joint بس فى المعادى
و أسعاره ممتازة بالنسبة لحجم و جودة الساندوتش....
انا هجرب lucille's بناءا علي ترشيحك:)
يا نادر Route 66 راحت علية من ساعت مغير اسمة و بقى غالى :p.....
ايه دة كل الناس بتقعد في كافيهات
انا بقعد في واحد في شارع الهرم مش عارف اسمه او العمدة تقريبا
ومش بروح كتير او مش بروح اصلا بس قعدت فيه كام مرة
وانا مش باكل من برة بتنا حتي لو هبات في الشارع
لما اجوع بشتري بسكويت بالشكولاته كبير كدة مش فاكرا اسمه برضو مع حاجه ساقعه وخلاص
ولا بشرب شيشه ولا سجاير ولا الكلام اللي الاعضاء بقولوة دة
مش عارف ايه الشيشه اللي بالتفاح دي بجد هو في شيشه بالتفاح ممكن حد يقلي ازاي بيحطوا علي الشيشه تفاح ولا الموضوع دة تهريج انا اللياعرفه عن الشيشه حبه ميه وفقيهم حبه فحم وفي الاخر بيطلع دخان هههههههههههه بجد والله هو دة اللي انا عارفه